سلام عليكم ياشباب
لو سمحت لو حد يقدر يفيدنى ازاي اقدر نزل بالعربية شهرين وراجع والتكاليف كام ياشباب
ولو سمحتوا لو حد افضل الطرق فى مصر يعنى انزل من ضبا الغردقة ولا نويبع
شكرا
عرض للطباعة
سلام عليكم ياشباب
لو سمحت لو حد يقدر يفيدنى ازاي اقدر نزل بالعربية شهرين وراجع والتكاليف كام ياشباب
ولو سمحتوا لو حد افضل الطرق فى مصر يعنى انزل من ضبا الغردقة ولا نويبع
شكرا
بسم الله الرحمن الرحيم
أولا اجازة سعيدة
ثانيا انت لازم تحدد انت عايز خطوات التريبتك هتسافر سايق العربية ولا هتشحنها خلينى أشرحلك الاثنين وانت أختار
1- لو انت من سكان جدة او مكة يبقى زى الفل هتطلع على شارع الميناء ومعاك استمارة العربية باسم حضرتك ميكونش عليها حظر بيع ولا اى متعلقات مالية للبنك أو مخالفات الخطوة دى بتدفع 600 ريال صالح الدفتر لمدة 6 شهور وممكن تطلع على ضبا تطلعه من هناك بس هيكون أغلى
2- لو حضرتك هتشحن العربية من جدة وتستلمها من السويس هتدفع حدود 1200 ريال وتستلمها بعد4 أيام من تحرك المركب بس خلى بالك ساعات بيرخموا لازم العربية يكون نص التانك بس فى الحالة دى لازم يكون معاك الخروج والعودة مطبوع ليك والعائلة مش بيعترفوا ببالسيستم
3- لو انت هتسافر بالعربية سايق يبقى هتتكل على الله وتطلع على ضبا ومن هناك تحجز تذاكر للعربية وليك والعائلة العربية فى حدود 650 والفرد فى حدود 250 تقريبا والمشوار ممكن توصل بعد 8 ساعات تقريبا
4- لما توصل مصر بالسلامة لو سايق هتنزل تشوف الجمارك لو معاك حاجة تتجمرك لو فتحت مخك يبقى هتعدى وبعدين تروح بالدفتر بتاع التريبتك والاستمارة والجواز وتروح تدفع رسوم الوارد فى حدود 1500 جنية + 350 أوراق و120 لوحات والشاى والقهوة ربنا معاك فيهم
وحمد الله على السلامة لو ياباشا لو انت رايح تستلم عربيتك اللى انت شاحناه نصيحتى ليك توصل السويس الساعه 7 الصبح علشان تخلص الساعه 10 -11
اى حاجة مش واضحة تحت أمرك
الاستاذ محمد بازيد
بصراحة جزاك الله الف خير
بداية الكلام انا من حائل - بينى وبين ضبا حوالي 700 كيلوا ودى الحمدلله حاجة بسيطة مش زى الرياض او جدة
الاهم بقي .. بخصوص الشاى والقهوة اللى فى مصر ... دى المهم عندى .. يعنى إيه ؟؟؟؟؟؟؟؟؟؟
يعنى الحوار على ما اطلع من المينا لإنى هنزل عن طريق ضبا - الغردقة هدفع كام
لإنك زى ما تفضلت وشرحت النقط دى انا يعنى ملم بيها شويتين - لكن الشاى والقهوة دى اللى معرفش إيه نظامها
وعشان اخلص نفسي بدري بدري - ارش كام ؟؟؟؟
بعد كده
انا مش معايا رخصة فى مصر - الرخصة الدولية اللى بطلعها من هنا فى المملكة .. معترف بيها فى مصر ولا ولا الهوا لازم اترزع مخالفة ؟؟؟
ياريت الافادة وشكرا ليك كمان مرة
وحضرتك آخر مرة سافرت بسيارتك ... كان إمتى ؟؟؟؟؟
أخى الكريم
بالنسبة للشاى والقهوة فى حدود 350 -400 جنية وممكن هتلاقى ناس هناك زى اللى عند المرور فى مصر وهياخدو فى حدود 250-300 ويعملك كل حاجة وانا عن نفسى بعمل كدة بقعدد على القهوة افطر واظبط وهو بيخلص أخر مرة كنت فى مصر فى الصيف
الرخصة الدولية مش معترف بيها فى مصر انت ممكن تطلع السعودية وانت فى الطريق وانت هناك تطلع المصرية
استاذ محمد جزاك الله الف خير
بخصوص السطر الاخير دا انا مش فهمه خالص يعنى إيه اطلع الرخصة المصرية دى
انا معايا السعودية .. لكن اطلع المصرية ازاي دى بقي دا اولا
بخصوص بقي حضرتك آخر مرة كنت فى الصيف ... اخبار الطريق إيه ؟؟؟؟ في مشاكل لا سمح الله ؟؟
وافضل طريق امشي عليه لإنى عاوز اروح القاهرة واطلع بعدها على المنوفية
شكرا جدا لحضرتك وجزاك الله الف خير بس رجاءاً الافادة بالنسبة للرخصة دى للضرورة
بمناسبة نزولكم والله السنة اللى فاتت واحد حبيبى نزل من جدة الى المنوفية بعربية ايكو تخيلوا والله كان نازل اجازة 70 يوم جواز أخد العربية معاه مكانش فى مكان فى العربية غير للسواق بس والله الحمد لله كان ماشى 100-110 واول مرة يطلع برة جدة اللى ناوى على النزول يعتمد على الله ويتوكل ويجهز عربيتة ويشد بس نصيحة اللى معاه اطفال يحاول يكون تحركه فى الطراوة علشان الحر
طب بخصوص موضوع الرخصة ياستاذ محمد
وآسف على الاسئلة الكتير
معلش مش فاهم السؤال بخصوص الرخصة لو تقصد انك مش معاك رخصة مصرية
يبقى لازم تسال هناك لان مش متاكد بس بتهيالى والعلم لله انك ممكن تدخل البلد بالسعودى وبعدين تتطلع المصرى
انا مش معايا رخصة مصرية ومعايا سعودية
هوا وانا خارج لازم يكون معايا المصرية ؟؟؟؟
الاهم من كده فى مشكلة لما ادخل وانا مش معايا رخصة مصرية .. هتعملي ازمة؟؟؟
وحاجة تانية ياستاذ محمد
لو إجمالا كده .. تكلفة الذهاب والعودة بالسيارة انا والزوجة وولدين اطفال .. فى حدود كام ؟؟؟
بص يا سيدى انا موضوع الرخصة مقدرش افيدك لانى لما بروح هناك اللى بيخلص الورق مش بيطلب رخصتى المصرية
بالنسبة للتكلفة
600 دفتر تريبتك ذهاب وعودة
450 حجز عربية ذهاب
1200 تذاكر لك ولزوجتك والطفلين
650 تريبتك ورسوم طبعا المبالغ كلها بالريال
--------
2900 تقريبا للذهاب
العودة
800 حجز للعربية
2000 تذاكر سفر ليك والعيلة الاسعار بالجنية
احسبها انت بقى وشوف ايجار العربية فى مصر كام والخطورة فى الايجار وصولات الامانة
جزاك الله الف خير ياستاذ محمد
بجد انا مش عارف اشكر حضرتك ازاي
فعلا افادة من حضرتك محترمة جدا .. بس النقطة اللى يالايت تقدر تفيدنى بيها وانا بردوا هسأل عليها
بتاعت الرخصة المصرية
بجد الف الف شكر ياستاذ محمد
حبيبى لا شكر على واجب ودة اللى اتعودنا علية فى نايل موتورز
بالنسبة لموضوع الرخصة سالت واحد حبيبى قالى انك لما توصل بالسلامة تشوف واد من المخلصين يظبطلك الاداء
ان شاء الله اول لما توصل الميناء هتلاقى المخلصين زى الرز هيتفاوض معاك من 500 يخلصلك الورق غير الرسوم انت خليك صايع مش أكثر من 300 من 250 المهم انك متروحش اى مكان هو هياخد منك الورق وانت تقعد على القهوة وهو يجيبلك كل حاجة
والله ياستاذ محمد إنت شرحك زى الفل بجد وريحيتنى جدا جدا جدا
وبجد بجد شبه نويت اشد بالعربية واروقها فى مصر بدل شغل الميكانيكية بتوع هنا
بالمرة لو تعرف حد يخلصلي موضوع الرخصة فى مصر ويباخدله سبوبة واخلص منها يبقى تمام اوي ياباشا
بدل ما ادخل فى حوار مدرسة والوش دا .. لإنك طبعا مدة الاجازة بتبقي عاملة ازاي والوقت ضيق جدا
حبيبى الله يخليك
بسا انت حدد انت منين فى مصر
والموضوع مش محتاج مدرسة فى مصر اسهل مليون مرة من هنا
فى مصر هتروح المرور اللى انت معاه ويكون معاك شهادة باطنة ونظر ومعاك اربع صور وتشترى ملف رخصة خاصة جديدة وبعدين انت تروح تدفع وتدخل تمتحن ممكن يومين تكون مظبط
ياباشا لو كانت بالسهولة دى كنت طلعتها من سنة ونص
عندنا فى المنوفية المدرسة بقت فرض عليك تقعد اسبوعين على ما تطلعها وبعدها تدخل اختبار غير كده مبقاش بقي
المشكلة النزول بتاعنا شهر فى السنة .. والشهر دا ماينفعش تضيع منهم اسبوعين عشان رخصة والحوارات دى
عشان كده بسأل إيه النظام إنها تسلك على طلوع
حبيبى انت ممكن تقدم مدرسة قبل لما تنزل واى حد تبعك هناك يظبط الراجل بتاع المدرسة تنزل تمتحن على طول
ربنا يبارك فيك .. بشكرك جدا ياستاذ محمد بارك الله فيك بجد