انا عايز اعمل نفس الكلام دة عندي في الياريس لان برضة الاضاءة ضعيفة شوية خصوصا في السفر باليل...
انا قريت عن تعديلات الاضاءة و في الآحر استقريت علي التالي.
- مش هاغير اللمبات لاكثر من 55 او 60 وات...لان الـ 100 وات معناها انك هاتغير الضفيرة و هاتحتاج تغير ارضي و فيها لعب كثير و عايزة واحد فاهم قوي والا هايضرب دراع النور و الاشارات عندك جوة و ممكن يحرق الضفيرة الفابريقة..
- افضل نوع لمبات سمعت عنة للآن هو فيليبس اكسريم فيجين...دي بتدي اضاءة بقوة 100 وات بس بتستهلك 55 ...يعني كأنك ضاعفت الاضاءة من غير ما تلعب في الضفيرة..
اللمبات موجودة علي موقع سوق بحوالي 220 او 250 مش فاكر بس ممكن تشوفها...
- ايلي باقكر فية برضة اركب فوانيس شبورة ...و بعد ما اتأكد انها راكبة صح ووصلاتها سليمة اركب عليها زنون واسيب الفوانيس الامامي زي ما هي...
- فك الفانوس و تركيبة مش محتاج صنيعي ... انت ممكن تعملة بنفسك..لانة شوية كلبسات و جوانات كاوتش....الخطوات مشروحة في المانيوال بتاع العربية...
ان شاء الله لو غيرت ... هاعمل موضوع مصور و هانشرة هنا في المنتدي...
ولو عملت حاجة ابقي عرفنا ... التفاصيل و رأيك في التغيير...
بالتوفيق..
المفضلات