راي الشخصي البيجو افضل ان شاء الله
عرض للطباعة
راي الشخصي البيجو افضل ان شاء الله
اعتقد لو هتفكر على المدى البعيد نيسان أفضل اعادة بيع وقطع غيار ولقشقاي سمعتها حلوة وتقريبا أكتر كروس أفر موجودة والموتور الجديد استهلاكه رائع وتربوا عادي مالأكتفيا نازلة 1400 فجربها االاول وأحكم
حعملكو مقارنة سريعة بين العربيتن بما أني عندي القشقاي ١٦٠٠ و عند اختي البيجو ٣٠٠٨
الموتور والسحب البيجو أفضل في التسارع و السحب بس الموتور صوته عالي و خشن شوية
القشقاي السحب عادي ومش بطة ووزة زي مالناس بتقول وبتجري بس التربو فارق في البيجو
البنزين ٩٢ في الاثنين شغال كويس مفيش مشاكل رغم ان العربيتين مكتوب علي غطاء التنك ٩٥
العزل كويس في الاتنين بس صوت الموتور واضح في البيجو القشقاي الموتور ناعم جدا و مالوش صوت
العفشة و دي نقطة مهمة البيجو نشفة و بتحس بكل نقرة في الطريق مقاس العجل مع الجنط بيعمل بلالين من المطبات العظيمة و لبسنا لغاية دلوقتي ٣ فرد سعر الفردة الأصلي ١٨٠٠ جم ماركة ميشلان
القشقاي العفشة نعمة وهادية
الثبات الاتنين حلوين جدا بور البيجو تقيل شوية عن القشقاي
الشنطة القشقاي صغيرة جدا ٣١٠ البيجو ٤٢٠ و فيها رفين وواسعة و تشيل
الصالون البيجو أفخم خصوصا الكونسول الأوسط الكراسي الامامية في البيجو مش مريحة اوي لان الكونسول عالي فبتحس انك محدد الإقامة في الكرسي الكنبة الي وراء واسعة و مريحة القشقاي أديق بس مريحة
البيجو التكييف متوسط الأداء و ده راجع لمساحة الزجاج الأمامي الكبيرة فبدخل الشمس علي رجلك طول الطريق
القشقاي التكييف قوي الاتنين تكييف اوتوماتيك وفي تلاجة في الدرج مساحات التخزين البيجو تكسب
الاوبشن ٣٠٠٨ تكسب
الرفراف في البيجو فبر مش صاج التوكيل وحش خصوصا فرع غمرة علمنا بيها حادثة صغيرة كلفت ١٢٠٠٠جم
اجمالا العربيتن حلوين وأفضل من الاسبورتج و الآي اكس ٣٥
الموضوع في الاخر يرجع انت بتحب أية السعر متقارب
أنا بفضل اليباني رغم ان البيجو موديل ٢٠١٣ عاملين بيها ٤٠٠٠٠ الف بدون مشاكل الحمد لله و القشقاي كذلك
وشكرا وأي استفسار أنا في الخدمة
والله يا جماعة انا نفسي كنت اجربهم واعمل Test drive لكن غير متوفر الموضوع دة
مشعارف ازاي توكيلات غريبة واللي فقعني ان توكيل بيجو رغم ان العربية بقالها فترة نازلة ومع ذلك مش متوفر TEST DRIVE
طبعا القشقاي يقولك لسة نزلة ومفيش عربيات اصلا
ممتازة المقارنة علي الرغم ان حضرتك عملها مع نيسان قشقاي القديم بس الجديدة مختلفة اكيد كموتور وكماليات بس اكيد قريبة في الاداء
لكن كمان واضح ان اداء موتور البيجو اعلي لكن في المقابل عفشة ناعمة في القشقاي
لكن لو تقدر توضحلي اخبار توكيل البيجو وقطع غيارها ايه ؟
بالنسبة للنيسان كتوكيل انا عارف بس قطع غيار القشقاى غالية برضو دونن عن كل عربيات النيسان زي التيدا او السنترا يمكن عشان اغلبها من انجلترا
بالنسبة لقطع الغيار البيجو متوفرة عكس ما يقال يعني بعد جبنا العربية بشهر خدت العين و الزجاج الخلفي شمال اتكسر سرطن لوحده وده يبقي لونه مخضر شوية بالتركيب كلّف ٣٥٠ جم فمش غالي علي عكس القشقاي في حد كان بيسئل علي الزجاج مكنش متوافر وحيجي بعد أسبوع لأنهم بيجي بالطلب
القشقاي كل قطع الغيار غالية لانها بتيجي بالجنيه الاسترليني مش بالدولار و ده الي مغلي السعر الشبكة الأمامية ب ١٢٠٠ جم بالتركيب و اللوجو ١٢٠جم يعني تقريبا ١٥٠٠ جم بعد الضرايب دي أمثلة بس مش اكتر لكن الحاجات المستهلكة سعرها عادي تيل سيور الخ٠
القشقاي الجديدة رحت شوفتها من الداخل حلوة بس الكنة الي وراء ضائت شوية علشان يوسع الشنطة من ٤١٠ الي ٤٣٠ لتر مش فارقة خالص
العفشة أظن حتبقي انشف علشان بقت وتورشيم بيم و الموتور ليه عليه ملحوظة اولا حجمه صغير و عليه خراطيم كتييييير زي مايكون في العناية المركزة
وكل الخراطيم دي مكتوب عليها رينو مش نيسان أنا عارف انهم شركة واحدة فده زعلني
طب الي شاري فلونس بيقي فرحان لما يلاقي كلمة نيسان عنده طب الي جايب نيسان و يلاقي عليها رينو يعمل ايه
دي ملحوظتي مش اكتر بس أكيد العربية حلوة وتستاهل
يا باشا اسائل براحتك انا عارف العربية دي تقيمتها قليلة و ركبنها مش كتير
في السحب و الجري متخفش حطول رقبتك وفي الغرز كمان علشان فيها esp بس ده في الهاي لين بس.
وفيها كمان اتزان خلفي يعني لما ترفع العربية و تبص تحت حتلاقي زي ماتور بيضغط زيت يعلي العربية في الناحية الي وطيط فيها علشان يحافظ علي التوازن بتاع العجلتين الخلفيتين
اي خدمة محدش يعرف دي ولا حتي بتوع المبيعات التربو بتاعها حلو والموتر جامد و الفتيس نقلاته مش محسوسة .