مش عارف اقولك ايه
كل الشكر والاحترام :tumb:
عرض للطباعة
تمام الله ينور بس مع تعديل ان الفئة الاولي والتانية نازلة بجميع وسائل الامان واحدة
والعربية فعلا فيها ESC بيحتوي على اكتر من منظومة امان خاصة بالفرامل واتزان السيارة
دة غير الستة AirBag اللي برضه نازلة فى الاتنين صراحة كنت بحترم التوكيلات لما بتنزل وسائل الامان واحدة في كل الفئات والكماليات تختلف برحتها لكن الامان اهم
بص يا سيدى ، أنا عايز أوصلك طريقة تفكيرى ممكن تلاقيها كويسه و تفيدك إن شاء الله :)
أنا لما بكون محتار كدا بعمل 3 خطوات ، .....
أولهم : إنى بجيب أسعار العربيتين و أشوف هل فى واحده أغلى من التانيه بفرق كبير بحيث إن مش مستاهله الفلوس دى كلها عشان الفرق دا و لا فعلاً هيه أغلى لأسباب جوهريه تستحق ؟؟
و بخش أجيب الأسعار من على موقع الصفحة الرئيسية - ContactCars.com
تانيهم : بجيب الصور الخارجيه و الداخليه للعربيتين من على موقع محترم بيجيبلى العربيات كانى فعلاً شايفها أدامى و بكذا أبعاد للصور لجودة الصورة ، و بشوف بقى أيهما أريحلى و أيهما أعجبنى شكلاً أكتر تمام ؟؟ و أسم الموقع Cars - All Makes. All Models. - NetCarShow.com
ثالثاً و الأهم : بخوش على موقع إختبارات الأمان الأوروبى و بشوف طبعاً أيهما أكثر أماناً و أكثر متانه و إتزان و أنا عن نفسى ، بناءاً على إختبارات الأمان دى بختار العربية بنسبة 90% ، لأن هوا دا أهم حاجه فى أى عربية الصراحة ، و أسم الموقع HOME | Euro NCAP - For safer cars crash test safety rating
و أخيراً : أروح أشوفها لايف فى المعرض :shine[1]: عشان أبقى مطمن لقراري 100% + إنى أركب فيها و أشوف خاماتها على الواقع و حجمها و لو عرفت أخد لفه أخد هههههههههههه
و ربنا يوفقك إن شاء الله لما هو فيه الخير كله إن شاء الله
تمام كلام جميل جدا عملت الثلاث خطوات كلهم وكان نفسي اجربهب بس لقيت صعوبة
بس صراحة بالكلام دة انا ميلت جدا للبيجو ٣٠٠٨ لان مش ناقصها حاجة وقابلة لتزويد بعض الكمليات البسيطة ومتجربة ... فادعو لي ربنا ييسرها لي علي خير
إن شاء الله ربنا يوفقك و ييسرهالك فى العربيه إلى فعلاً تعود عليك بالفائدة و النفع يا أبو حميد :shine[1]:
و عموماً أنا كنت بقارن القشقاى الجديدة بالبيجو الـــ 2008 ( و القشقاى تقريباً تفوقت ) ، أما بقى لو جيت تقارنها بالبيجو 3008 فأعتقد إنها فئه اعلى أساساً ، و الله أعلم
فأعتقد إنك على حق يا أحمد باشا :shine[1]:
بالتوفيق إن شاء الله
الحمد لله جبناها 3008 هاي لاين
مبروووك ياباشا ربنا يباركلك فيها ويحفظهالك يارب