عرض للطباعة
دي مشكلة في الفتيس غير النتشة المعهودة اما أكون في وضع السكون و أنا دايس فرامل أنزل الهاند و أنقل على الدي و أدوس شوية استجابة بطيئة و نتشة و رجه وحشة كده بتحصل في 50 %من المرات
سالت الراجل الي كنت شاري منو العربية قالي أنا غيرت زيت على 80 و ناس بتقول انو الزيت مدى الحياة
تطورات الموضوع
ليوم و أنا بشغل العربية و أنقل على Dاسمع صوت زنة أجي أنقل على ال
N تروح الزنة أنقل ترجع الزنة طبعا مع رجة خفيفة اما أنقل لل R
:help1:
حضرتك اكشف فى التوكيل.....لو العربية معداش عليها ٣ سنين هتتعمل فى الضمان لانها عاملة اقل من ١٠٠ الف كم
اغلب الظن هتكون سولونويد فالف الفتيس مع تغيير زيت الفتيس و بتلاقى الأمور رجعت تمام تانى
تحياتى
حضرتك الي أنا شاري منو العربية قالي أنا غير سولينويد على 80ألف كيلو علشان النتشة العادية الي هي بين الأول و التاني
العربية ماشية 91 هل معقولة أغير تاني ؟؟ زيت و سولينويد تاني؟؟
على فكرة: السولونويد ملهوش دعوة بالنتشة العادية اللى بين التانى و التالت فى الفلوانس القديم.....ده تصميم الفتيس كده و مش عيب و مش ممكن هتروح...ممكن غيار الزيت او طريقة السواقة تقلل الاحساس بيها و لكنها هتفضل موجودة علشان دى ناتجة من بداية تشغيل محول العزم او torque converter
السولونويد هيحسسك بهبده او رزعه مع برجله و العربية تلاقيها ملجمة و يكتبلك رسالة check gearbox لو كان فيه مشكلة
افضل الحلول خدها التوكيل و تأكد من موضوع تغيير السولونويد عند ٨٠ الف و لو كان مظبوط و تم تغييره فى التوكيل يبقى حضرتك التوكيل ملزم بإصلاحه لأن فيه ضمان سنة على قطع الغيار
تحياتى
طب حضرتك أعرف ازاي ان العربية عملت التغير أو عملت الصيانة ؟ الراجل بيأكدلي لحد دلوقتي اما أكلمه و معتقدش بيكذب عليا فهنا
هل من الخطر المشي عليها فترة قبل ما أروح؟؟
الي مكتوب فقط ( service reqiured)
التوكيل هيطلعلك تاريخ العربية و هل مالكها القديم كان بيعمل صيانتها بإنتظام و لا لأ و ايه اللى اتغير فيها و عند كام كيلومتراقتباس:
المشاركة الأصلية كتبت بواسطة atuarus
حضرتك بتقول ان العربية عاملة الأن ٩١ الف كم وواضح ان حضرتك معملتش صيانة ال ٩٠ الف و علشان كده هى مطلعالك الرسالة دى......
نصيحتى روح اعمل صيانة ال ٩٠ الف و اكشف تمام على العربية ( كان لازم تعمل كده قبل الشراء مش بعده) و خليهم يبصوا على الفتيس و قولهم على الزنه و التعليقه
تحياتى
حضرتك أنا كشفت على العربية كشف كامل ب 550 ج و معاي تقرير
أنا عملت صيانة التسعين برا الي هي زيت و فلتر
هل ححتاج أعمل كشف كلي تاني علشان أعرف كانت بتعمل صياانة ولا لا
ولا بمجرد رقم الشاسيه هما حيعرفو شكرا و أسف جدا اني شغلتك معايا
لأ مش هتحتاج تعمل كشف تانى.....اقتباس:
المشاركة الأصلية كتبت بواسطة atuarus
خد التقرير معاك و قولهم عايز اعرف العربية دى كانت منتظمة فى الصيانة و لا لأ و ايه القطع اللى اتغيرت فيها غير الصيانات الدورية و هل غيرت سولونويد فالف فى ال ٨٠ الف؟
برقم الشاشيه و التقرير هتعرف كل حاجه
ان شاء الله هتبقى حاجة بسيطة
تحياتى
شكرا يا أستاذ هاني معلشي سؤال أنا لو مشيت عليها فترة كده لحد ما أخلص امتحانات مشكلة ؟؟؟
لأ إن شاء الله مفيش مشاكلاقتباس:
المشاركة الأصلية كتبت بواسطة atuarus
خلص امتحاناتك بالتوفيق و بعدين افضى للمشكلة و ان شاء الله هتلاقى حلها سهل
تحياتى