مشورتكم في الاختيار الأفضل لبنتي

**إنسانة** · 23-12-2014 10:16 AM

المشاركة الأصلية كتبت بواسطة dongol123

اللي حضرتك بتقول عليه يحرق الدم ده يعتبر نعمة بالنسبة للامارات

انا بنتي عندها سنة و نص و بحاول احسب من دلوقتي هل هينفع اكمل في الامارات لما تدخل المدرسة و لا انزل انا و هي مصر احسن.

طيب واسعار الامارات في حدود كام ؟ وهل مستوى التعليم مميز هناك ؟

**إنسانة** · 23-12-2014 10:23 AM

المشاركة الأصلية كتبت بواسطة abdulkhaleq

بعد سنوات التعليم والشغل و..و..و...
بكل ثقه اقدر اقوللك المهم شهادة الجامعه
مش معنى كده ان المدرسه تتركن على جنب لان هي دي اللي بتأسس اصلا
لكن المبالغ دي كتير قوي وانتي قلتي انه صعب تكمل في نفس المستوى في الجامعه
لأ يبقى مستوى المدارس ينزل شويه املا في اسم جامعي قوي جدا ان شاء الله في المستقبل سواء كان هناك او هنا في مصر

انا شايفة الغالبية مع الرأي دا
هدور تاني في المدارس المتوسطة في المصاريف و هحاول اشوف حلول اضافية
كان نفسي أقدر أدخلها مستوى عالي لحد ماتتخرج بس يبدو إني هعيد التفكير

**إنسانة** · 23-12-2014 10:39 AM

المشاركة الأصلية كتبت بواسطة أبو صلاح

الناس اللي في السعودية
او الناس اللي عندها مقدرة مالية عالية في الفترة الحالية وخايف من المستقبل الجامعي
كلمة السر هي دراسة الماني
في السعودية في مدرستين بس الماني واحدة في جدة وواحدة في الرياض
انا رحت السفارة الالمانية وهم اللي قالولي ان دول بس المدرستين المعتمدين في السعودية
اعتقد مصاريفهم هتبقى عالية شوية لكن مش هتزيد عن المدارس الامريكي اكيد
الميزة في التعليم الالماني هو التعليم الجامعي - لما تخلص ثانوي دراسة بالالماني في مدارس معتمدة هتلتحق بالتعليم الجامعي دون شروط -
يعني هتدرس في المانيا اللي تعليم الجامعي فيها شبه مجاني
انا كنت بسال لمراتي كانت عايزة تكمل دراسات عليا في الطب في جامعة المانية السنة كانت بحوالي 800 يورو والسكن تبع الجامعة للعازب في حدود 200 يورو شهري شامل الاقامة والطعام
كذلك نفس الحال هو التعليم الجامعي العادي يعتبر شبه مجاني والميزة توفر فرصة العمل في المانيا فور التخرج
طبعا المانيا معروفة بدراسة الطب والهندسة على اعلى مستوى

على العموم روحي السفارة الالمانية في الرياض قسم الملحق الثقافي هيدولك كل البيانات

ياريت كان عندنا ألماني أنا في المنطقة الشرقية مش الرياض مع الأسف
وهسأل يمكن فتحوا عندنا فيه ألمان كتير هنا غريبة ملهمش مدارس معتمدة
شكرا كتير على المعلومة دي عمري ماخطر في بالي الألماني خالص

**إنسانة** · 23-12-2014 10:44 AM

المشاركة الأصلية كتبت بواسطة ahmed abdkarim

أكيد طبعا الاختيار التانى
لان برضه الاختيار التانى التعليم فيه برضه كويس و حتطلع وعندها انطباع كويس و ذكريات حلوة لانه برضه مش مجانى و بفلوس مش قليلة و حتشكرك فى المستقبل لو قدرتى توفرى ليها تعليم جامعى على مستوى عالى

ممكن فعلا لو مدرسة كويسة حتى لو متوسطة تسيب انطباع كويس في نفسيتها
هبذل جهد اكتر في البحث يمكن اشوف حاجة تجمع بين مميزات المستويين

**abdulkhaleq** · 23-12-2014 11:56 AM

المشاركة الأصلية كتبت بواسطة إنسانة

انا شايفة الغالبية مع الرأي دا
هدور تاني في المدارس المتوسطة في المصاريف و هحاول اشوف حلول اضافية
كان نفسي أقدر أدخلها مستوى عالي لحد ماتتخرج بس يبدو إني هعيد التفكير

ان شاء الله ده الاختيار السليم
المهم ان التأسيس اللغوي يكون قوي عشان الجامعه
انما الاسعار دي في المدارس حرام بصراحه حتى ان توفرت الفلوس

**خالد الشاذلى** · 23-12-2014 01:05 PM

تحديد الهدف هو اللى يخليكى تقدرى تختارى

الهدف هو ضمان حياه ناجحه لبنتك بعد التخرج صح ؟

والوسيله هى التعليم نفسه

حددى مستوى الجامعه اللى أنتى عاوزه بنتك تدرس فيها وشوفى المدارس الراقيه ولا المتوسطه هى اللى هتوصلك للجامعه دى وقتها هتقدرى تختارى

**Ahmed abdkarim** · 24-12-2014 02:55 PM

المشاركة الأصلية كتبت بواسطة إنسانة

ممكن فعلا لو مدرسة كويسة حتى لو متوسطة تسيب انطباع كويس في نفسيتها
هبذل جهد اكتر في البحث يمكن اشوف حاجة تجمع بين مميزات المستويين

على فكرة هو مش مستوى متوسط . هو لو حضرتك بصيتى ليه من المستوى الاعلى و المبالغ فيه حيكون متوسط انما لو بصيتى من المستوى العادى حيكون ممتاز جدا . اكيد طبعا المدرسة اللى بيكون فيها سباحة فى حصة الالعاب مستوى عالى جدا و مش مطلوب لو الطفل بيلعب رياضه بره فى اى نادى . يعنى من الأخر حضرتك حتدفع فلوس بدون داعى .