ياريت تشرفنى ف الموضوع وتدينى رايك
http://www.nilemotors.net/Nile/453158-a.html
عرض للطباعة
ياريت تشرفنى ف الموضوع وتدينى رايك
http://www.nilemotors.net/Nile/453158-a.html
عايز اسأل سؤال كمان, مع انه شبه متجاوب في الموضوع التاني بس الاجابة مش كافية بالنسبة لي الصراحة
امتى الواحد يستعمل 5w30 و امتى يستعمل 5w40 ؟
او بمعنى تاني , هل مثلا لو الواحد بدل ما يستعمل 5w40 راح مستعمل 5w30 , عمر الموتور بدل ما يبقى 300 الف كيلو هايبقى 250 الف ؟ ولا عمر الموتور هايقل بصورة عنيفة ؟
انا عايز أسأل نفس السؤال .. الكتالوج عندي بيوصي ب 5w30 او 10w30 , 10w40 , 15w40
ال3 لزوجات التانيين مش هستخدمهم عشان مفيش منهم تخليقي
يتبقى ال 5w30 بس .. وخايف استعمله الصراحه حاسس انه مش مناسب لمصر
وبستعمل 5w40 مع انه مش مكتوب في الكتالوج
هل اكمل عليه ولا اجيب ال 5w30 ؟ انا جربته مره واحده والحمدلله ماكانش فيه اي مشاكل وكمل 10 الاف كم مستريح ومانقصش
زي ما قلنا.. أسهل بلد موضحين الفرق بين المجموعة الثالثة وباقي المجموعات هي ألمانيا..
أي زيت تخليقي ألماني من المجموعة الثالثة هتلاقي مكتوب عليه (أو مكتوب في البروشور بتاعه) واحدة من الكلمات دي:
Hydro-Carbon Synthetic
HC-Synthetic
HC-Synthesis
لو الزيت من المجموعة الرابعة أو الخامسة هتلاقي مكتوب عليه
Fully Synthetic
مثلا.. ادخل على الصفحة دي علشان تشوف الفرق واضح بين الزيوت في ألمانيا
BIZOL products for driver's safety - German Quatilty product range
بالنسبة للزيوت من باقي دول العالم... الموضوع صعب جدا
الزيوت الأمريكية بالذات فيها لخبطة جامدة.. كل شركة ليها طريقة في الكلام!!! والمشكلة إن مفيش حد فيهم بيقول بصراحة إن زيوته تبع أنهي مجموعة...
وحسب ما قريت على بعض المنتديات الأجنبية.. بيقولوا إن شركات كتير بتعمل خليط من المجموعات 3، 4، 5
بس ما أقدرش أعتمد عالكلام ده لإنه مش جاي من مصدر يعتمد عليه.. والمنتديات بره فيها آراء كتير تعتمد على أهواء وتجارب ومعلومات خاطئة بردو زينا.
لكن حاليا.. شركة "شل" والشركات التابعة لها زي "بنزويل Pennzoil" بتقول إن زيوتها تخليقية معمولة بتقنية "بيور بلس PurePlus" من الغاز الطبيعي
كده الزيت ده بيتصنف مباشرة تحت مجموعة 3.. لإن أصله مركب معدني مستخرج من باطن الأرض.
بس فيه شركات أمريكية معروفة إنها بتعمل زيوت من مجموعة 4 ومجموعة 5.. زي AMSOIL .
وفيه شركات تانية على مستوى العالم بتقول صراحة إن زيوتها معمولة من مجموعة 4 ، 5 .. زي:
بنرايت Penrite الاسترالية
موتول Motul الفرنسية
فعليا ... مفيش زيت أساسه المجموعة الرابعة (PAO) لوحده.. لإن الزيت ده زي ما قلنا الإضافات ما بتدوبش فيه... وبالتالي لازم نضيف ليه زيت من المجموعة الخامسة (إستر)
إنما ممكن نلاقي زيت أساسه من مجموعة 5 لوحدها.
...
أنا أتوقع إنه لو حصل نقص في عمر الموتور هيكون بنسبة قليلة.. ما أعتقدش تزيد عن 25%
والمؤكد إنك تروح على اللزوجة الأعلى لو العربية بتستخدمها مع أحمال كبيرة بصفة منتظمة.. يعني مثلا:
* قطر سيارات أو مقطورات
* استخدام الموتور بشكل رياضي أو زيادة دورانه فوق منتصف مدى الدوران
* تحميل حمولات أو أوزان كبيرة
رأيي تمشي على الـ5w-30 زي توصية الكتالوج.. خصوصا إنك مش شفتش منه حاجة وحشة
الأهم في رأيي إنك تختار الزيت بشكل صحيح ، وخصوصا تراعي أكواد الـacea.. لإنها بتفرق كتير في أداء الزيت
ولو كتالوج العربية ما طلبش كود الـacea... فحاول تلاقي زيت يكون متصنف في الـapi بس.. يعني مخصص للسيارات الأمريكية واليابانية والكورية.
على فكرة أنا عايش في جدة في السعودية .. ويكاد يكون ما عندناش شتا (يعني زي جو الأقصر وأسوان تقريبا)... وأنا بستخدم زيت 5w-30 حسب توصية الكتالوج.. وطبعا مراعي كل الأكواد المطلوبة.
وعلى فكرة... دي لزوجة الزيت اللي بيحطوها في التوكيل هنا.
فما تقلقش خالص.
عمنا
انا كده بدأت مفهمش اى حاجه خالص
ما أنا قايل من الأول.. الموضوع بيلخبط فعلا..
عموما... ارجع للموضوع ده الأول.. لإن فيه المعلومات الأساسية
http://www.nilemotors.net/Nile/341680-a.html
...
https://dc666.4shared.com/img/9mVrGD...50711907073855 كنت بستعمل موبيل ال5000 كيلو وبعد ماغيرت لXADO سخونه العربيه بقت بتاخد وقت زياده وده بيدايقنى قوي والصوت بقي اهدي بس العربيه بقت رخمه اوي في الدواره الصبح يعنى محتاجه ادور اربع او 5 مرات وبقي في صوت صفاره موجود مع التدويره الصبح ومش بتظهر باقي اليوم مع العلم ان العربيه 2014 ده ممكن يكون عيب في الزيت ولا عيب ايه
ما أعتقدش إن كل اللي حضرتك بتقول عليه ده ما له علاقة بالزيت... لإن دي أعراض طبيعية نسبيا للتشغيل في الجو البارد.. ويجوز إنها صدفت إن الجو بدأ يبرد في نفس وقت تغيير الزيت.
اتأكد بردو من طلمبة البنزين... وابقى سيب فترة 3-4 ثواني ما بين وضع المفتاح في الكونتاك على وضع (ON) وما بين التدوير الفعلي للموتور... علشان الطلمبة تقدر تحضر بنزين من التانك.
وبالنسبة للصفارة.. راجع شد السيور
عموما.. اتأكد إن مواصفات الزيت الجديد تكون زي ما الكتالوج موصي.. لإني متوقع إن اللزوجة دي مش هي المطلوبة في الكتالوج.
ولو عايز تعرف ازاي تختار الزيت المناسب.. أنصحك تدخل على الموضوع ده:
http://www.nilemotors.net/Nile/341680-a.html
...