عايز اشترى جيب

**gbgeorge** · 22-12-2014 01:26 PM

اساتذه المنتدى الكرام انا من عشاق الشيروكى و نفسى اركب عربيه 4 سلندر موديل التسعينات و تكون حالتها كويسه
بس كنت قاعد مع واحد تاجر فى الحرفيين من كام يوم و بصراحه خوفنى من ال 4 سلندر قالى قطع غيارها غاليه جدا و مش موجوده يعنى المنترول لو عايز تشتريه هاتجيبه ب 3500 جنيه لو لقيته
سألته طيب و بالنسبه للنزين قالى ان ال 4 سلندر بتاكل بنزين اكتر من ال 6 سلندر علشان العزم ضعيف
يعنى من الاخر قلبلى دماغى 180 درجه انا كنت عايز اشترى 4 سلندر و فى الاخر فهمنى انها بتاكل بنزين و قطع غيارها نار اكتر من ال 6 سلندر
فياريت حد مجرب ينصحنى هل الكلام ده مظبوط والا ايه

**Mecha** · 22-12-2014 01:41 PM

شيروكي التسعينات كلو بلاعة بنزين بيعمل 5 كم/لتر
بس العربيه عفيه جدا في التسارع وراكزه زي الصخر و2 كرونه ,الخلفيه بتكسر في قرص الصحرا, متورها ال hui حمال قسيه كامه سفلي
,شغل امريكاني عاوز واحد بيحب العفيه وميهموش البنزين

**gbgeorge** · 22-12-2014 01:55 PM

بس هل ال 4 سلندر فعلا بياكل بنزين اكتر من ال6 ؟
وايه اخبارقطع الغيار

**Ahmed abdkarim** · 22-12-2014 01:59 PM

متابع

**Mecha** · 22-12-2014 02:16 PM

[youtube]https://www.youtube.com/watch?v=-81a4muUyYg[/youtube]

**Mecha** · 22-12-2014 03:28 PM

ال 4 سلندر لو زيرو مانيوال بيجبيب 6.5 كم/لترحسب الريفيو
الشيروكي عربيه فاحرا اللي يركبها لازم يقدرعليها ويلجمها ,عربية ليها كاريزما زي المرسيدس ,بتملي عليك احاسيس القوة والسرعه والمناوره والجبروت. زي عربيه بيك اب اسمها شيفروليه سيلفرادو عربية اجرام,شغل كاوبوي تكساس راكب اوتمبيل بدل الحصان
فاللي بيشتريها مبيهموش بنزين.لو عاوز معدل اقتصادي ابعد عنها

**م/أحمد عبد الفتاح** · 22-12-2014 07:13 PM

لو مش فارق معاك البنزين اشترى شيروكى وفعلاً الـ ٦ سلندر احسن من الـ ٤ سلندر لأن العربية تقيله فالموتور الـ ٤ سلندر بيبقى ٢٤٦٤ سى سى ١٣٠ حصان والموتور الـ ٦ سلندر ٤٠٠٠ سى سى ١٩٠ حصان ، الموتور الـ ٤ سلندر علشان صغير فبيطلع اقصى ماعنده علشان يمشى العربية ولكن الموتور الـ ٦ سلندر بيطلع اللى على قد العربية فبالتالى الموتور الـ ٤ سلندر بيحرق جامد ويمكن فعلاً يكون استهلاكه فى البنزين مقارب أو أعلى شوية من الـ ٦ سلندر ..... كمان قطع غيار الـ ٦ سلندر كتير ومنتشره لأن الـ ٤ سلندر مكانتش منتشره قوى لاهنا ولابرة. المواتير الـ ٦ سلندر ٤٠٠٠ سى سى أحلى مواتير نزلت فى أى جيب وياريتها فضلت تنزل لغاية دلوقتى :(

**احمد فهمى** · 23-12-2014 12:05 AM

خليك كما وضح الاعضاء الافاضل فى ال6 سلندر افضل فى كل شئ وكماليات اكتر وقصة البنزين نسبيه يعنى مثلآ ايه استخدامك لها ومشاوير اليوميه؟؟ حدد على ده تفكيرك هى بتعمل حوالى 120 كيلو فى الصفيحه يعنى ارخص من التاكسيات برضو معلش هو تشبيه عريب بس انا بحسبها كده احيانآ