الموضوع: استكمالا لقصتي

المشاركة الأصلية كتبت بواسطة mesaharaty

مش الزوجة بتشتغل يعنى معاها دخل ؟
أولا ماتدفعش أى فلوس فى البنك أو لنقل قلل شوية من المبلغ اللى بتدفعه (يستحسن تدفعه عن طريق أشخاص حتى يكون هناك شهود على ذلك )
الخلع جاى جاى متستعجلش ، وفى هذه الحالة لا شقة ولا عفش (حضرتك كمان قلت ان مافيش قايمة) وكل اللى حضرتك حتدفعه نفقة البنت فقط بعد الخلع .

معذرة ولكن للاسف هذه النصائح لا تنم عن خبرة في الأمر ولكنها طبقا للشائع بين الناس
لا ترسل اي اموال عبر اشخاص اما عن طريق حوالات بنكية باسمها او من خلال مكتب البوسطة باسمها ايضا
حتى تتمكن من الحصول على مستندات تفيد بذلك واحتفظ بها
أحيانا الأشخاص ترفض الشهادة بحجة القرابة بينك وبين الزوجة

الشقة من حق الحاضنة سواء طلقت او طلبت الخلع
حتى يصل الطفل إلى عمر معين يختلف من الذكر والانثى
ولو فيه قايمة حتضطر تردلها كل اللي في القايمة سواء كان طلاقا او خلعا

الفكرة في الخلع انها ستتنازل عن نفقاتها فقط
اياك ان تفكر في الطلاق وخلي ردك جاهز
عايزين طلاق - معنديش مانع - ارفعوا قضية خلع - وانا حوافق على خلعها من اول جلسة
غير كده ارفض الطلاق بحجة حفاظك على البيت

يمكن أنا آخر وحدة ممكن تقدم نصيحة في موضوع متعلق بالمسائل دي بالإضافة لعدم فهمي لقوانين مصر بالشكل اللي بيه أقدر افتي
بس حبيت أعلق على كام نقطة كدا
حضرتك غلطان إنك إطلعت على حاجة بينها وبين صاحباتها , جايز تكون متعصبة وكتبت الكلام دا وقت نرفزة وبتفضفض مع صاحباتها
صحيح الكلام يزعل جدا بس مكنش يصح من الأول تفتح شيء خاص بيها

وبعيدا عن مين فيكم غلطان ومين له حق في النهاية هي مش حابة الحياة معاك و طلبت الطلاق
ليه رافض تطلقها كل المدة دي ؟ أنا بجد مش قادرة أستوعب ليه الراجل مش بيحس بزوجته لما تقوله أنا عايزة أطلق خلاص !
خلاص سيبها براحتها وكفاية مشاكل لحد كدا عشان خاطر بنتكم حتى
ومفتكرش خالص الموضوع مادي . اللي طلبت الطلاق مابتفكرش غير إنها تتطلق حتى لو هتدفع فلوس وتخلص من الحياة دي ومش بتفكر في أي خسائر ولا هيهمها

ثانيا اللي بيقول إنها هتتجوز بعد العدة
ليه الواحد يشغل نفسه اساسا بهتتجوز ولا لا خلاص طالما استحالة العشرة وحصل الطلاق
كل واحد يخليه في حياته وميتدخلش في حياة التاني بغرض الإنتقام أو أي سبب تاني
ومن حقها تتجوز ولو عايزة هتتجوز ولو مش عايزة مش هتتجوز دا قرارها وحدها

والبنت من حقها تفضل معاها إزاي حضرتك هتراعي رضيعة ولا طفلة ؟

اقولك علي حل
غير كالون الشقة بتاعتك وخد الحاجة والدتك وبنتك وسافر واعتبر مراتك ماتت فعلا
ومتسألش عليها نهائي
وشوف بعد شهر واحد
هتتجنن رسمي ويكون كل امالها انك ترد علي الموبايل

امساك بمعروف او تطليق باحسان

لو لم يكن هناك امل في الصلح....لا تضع اية اعتبارات مالية في حساباتك....ضع مصلحة بنتك فقط في حسابك......اذا شعرت زوجتك بانها ظلمت ...لو تم طلاقها بغير تراضي ( باحسان ) استعوض ربنا في بنتك.......فالامر لن يقف على انك ستجد صعوبة في رؤيتها.......بل تعمد بعض المطلقات الى ان تسوء صورة الاب لدى البنت من باب الانتقام......و يصل الامر لان يكره الولد او البنت ابيه

بخصوص القائمة...فالموضوع مش انت موقع عليها و لا مش موقع ...الموضوع العفش بتاعها و لا مش بتاعها

و لا انصحك باذار الطاعة...فمسكن الزوجية به والدتك...فلا يحق لك دعوتها فيه

ربنا يوفقك لطاعته.....و احسبك على خير...فمن يبر والدته....سيعدل مع غيرها

المشاركة الأصلية كتبت بواسطة eslam atia

اقولك علي حل
غير كالون الشقة بتاعتك وخد الحاجة والدتك وبنتك وسافر واعتبر مراتك ماتت فعلا
ومتسألش عليها نهائي
وشوف بعد شهر واحد
هتتجنن رسمي ويكون كل امالها انك ترد علي الموبايل

المشاركة الأصلية كتبت بواسطة amr011111

للأسف هى مش مقدرة النعمه اللى هى فيها وأبوها وأمها مش هيعيشولها طول العمر وهى بتلوى دراعك بالبنت
ومهما حاولت انك تعدل دماغها مش هتعرف واللى بينضر فى الموضوع ده الابناء ليس إلا
وتلاقى ان الزوج رغم ان فى ايده يتجوز على مراته ويعيش حياته مع واحده تانيه الا انه بيقدم مصلحة ابناءة وبيجى على نفسه ولكن الزوجه العنيده ولا بتفكر فى الابناء ولا عاوزه مصلحتهم وميهمهاش كمان انها عاوزه بنتها تبقى معاها ليس لسبب سوى ان تكون ورقة ضغط على الزوج للرضوخ لمطالبها
والقانون فى مصر ما شاء الله مع الست
فأنت اعمل قعده فيها ناس من عندك وناس من عندها واتفقوا على ان البنت تبقى عندك تلات ايام وعندها تلات ايام واكتبوا ورقه بشرط جزائى بكده مقابل انك تطلقها
غير كده طلقها شفهى ومتوثقش الطلاق عند مأذون الا لو وافقت على موضوع الحضانه ولو تقدر تبيع شقتك وتشوفلك سفريه السعوديه وتاخد بنتك ووالدتك هناك يبقى افضل علشان تتحسر على اللى عملته رغم ان كل ده مش كويس لنفسية الطفل وبعض الناس مش هتبقى موفقانى فى النقطه بتاعة انك تاخد بنتك وتسافر معاك ولكن العند بيورث الكفر

بعيدا عن كل افتراضات حضرتك المتعلقة بإنها عايزة بنتها ورقة ضغط وكل الكلام أعلاه
أنا شايفة إن مراته أساسا قالت ببساطة الحل وقالتله أرجع معاك بس نعيش في بيت لوحدنا ياكدا ياننفصل
وقالها لا مش هنعيش لوحدنا
إذا هو اختار خلاص الطلاق يسيبها في حالها ويتجوز بدل الوحدة 4 غيرها
و يطلقها ويسيبها تعيش حياتها بدون مايكون معلقها بالشكل دا
وبعدين إيه سر تفكيركم فيما بعد طلقها هتعمل إيه ؟
براحتها بعد الطلاق أصبح إنسان غريب عنها و حياتها ملكها وحدها