السلام عليكم و رحمة الله و بركاته
ايه هو افضل حاجه في الاستثمار في مصر
يعني لو معايا مبلغ مثلا 500 الف جنيه
هل احطهم في البنك / هل اشتري شقة و ايجار / هل افتح مشروع
نصائحكم لان كل ما اسأل في الموضوع ده بقع في نفس الحيره
عرض للطباعة
السلام عليكم و رحمة الله و بركاته
ايه هو افضل حاجه في الاستثمار في مصر
يعني لو معايا مبلغ مثلا 500 الف جنيه
هل احطهم في البنك / هل اشتري شقة و ايجار / هل افتح مشروع
نصائحكم لان كل ما اسأل في الموضوع ده بقع في نفس الحيره
كان هناك موضوع مماثل منذ فترة يمكنك البحث عنه لزيادة الاطلاع....و من ضمن المشاركات فيه كان راي بالمشاركة في مشروع قائم و ناجح ان امكنك ذلك.................تحياتي
1) اشتري شقه او محل في مبني جديد بجزء من المبلغ و بعد 5 سنين علي الاقل بيعي الشقه او المحل
2) مش بنصح بفتح اي مشاريع اي كانت في التوقيت الحالي بسبب الظروف الاقتصاديه السيئه للبلد
3) لو حضرتك متضايقه من وضع البلد الحالي هاجري و استثمري جزء من فلوسك في البلد التانيه
اولا الرقم مش كبير اوى بصراحه للاستثمار الامن
يعنى باختصار مبلغ ممكن تخسريه بسهوله لو دخلتى مشروع غير مدروس
الاستثمار حتى فى العقارات المبلغ ضعيف نسبيا لشقه محترمه تدر عليكى ربح قوى وتحسى بالاستثمار
خليهم فى البنك موقتا ومتجازفيش وسيبك من موضوع المشاريع بتاع مصر ده الا لو ليكى خبره فى مجال معين ومعاكى فريق محترف فى الاداراه والتسويق واداره المشاريع والمخاطر وقتها ابتدى اقولك فكرى فى مشروع
معلش انا كلامى تقيل ومحبط شويه بس ديه الحقيقه والا جربى انتى بس المخاطره هتكون عاليه عليكى
أحسن استثمار عقارى فى الوقت الحالى هو شراء شقه فى القاهرة الجديده لان المنطقه عليها طلب عالى وكل يوم سعرها بيزيد ومنصحش بمناطق اخرى لان المناطق الاخرى مش بتزيد الزياده اللى هى إلا على المدى البعيد
يتقسم نصين
نص لشقه صغيره تتأجر في منطقه جديده
ونص في التجاره (اذا في حد امين تدخل معاه)
انا كل مشوف حد بيسال على انو عايز يشغل فلوسو
الاقى ناس بتتكلم فى العقارات
يا جماعه بصه واحده لحال السوق العقارى هتلقوه قارب على التشبع
ده اولا
ثانيا هضيفلك ايه فى حياتك انك تشترى شقه و تفضل مستنيها تغلى
بلد ماشيه بضهرها صحيح
+11111111111111111111111
و اضيف عليها بلاش تأجريها الا لحد معرفه و تثقى فيه و لو حتخاطرى يبقى تسيبيها مقفوله احسن
لإن قانونا انتى ماتقدريش تخرجيه بعد مده انتهاء العقد الا بحكم محكمه اللى بياخدله كام سنه كمان
و ماتفكريش بره القاهره الجديده
من واقع انى انا شخصيا عملت كده :Y_hi_3[1]:
قولى طريقه تانيه مأمونه للاستثمار ؟؟؟ او على الاقل الاحتفاظ بقيمه الفلوس لمده طويله
لو حطيت فلوسك فى البنك بعد 20 سنه حيبقى مالهاش لازمه فى ظل انخفاض قيمه الجنيه
افتكر المليون جنيه من 10 سنين بس كان بيعمل ايه و دلوقتى بقى بيعمل ايه
و خليني اذكرلك مثال واقعى
فيه شقه شفتها فى الرحاب كانت بتتباع سنه 2002 على 140 الف - الناهرده بعد 13 سنه بس بقيت بتتباع ب 700 الف يعنى ب 5 اضعاف
لو كان صاحب الشقه دى شال فلوسه فى بنك تفتكر كان جابتله الارباح دى فى الفتره دى (ده بصرف النظر عن حرمانيه ارباح البنوك اصلا)
انا متفق معاك ان القاهره الجديده اقتربت من التشبع - بس هذا لايعنى انخفاض قيمه الشقق فى المستقبل
مصر الجديده مثلا تشبعت من زمان اوى و زحمه جداا و اسعار الشقق فيها لسه زى ماهى
يبدو ان حضرتك مش قاعد في مصر
الاراضي بتغلى
والشقق بتغلى
والناس عماله تبني وتبيع
والطلب موجود, ولسه مادخلناش في زيادات سوق العقار اللي هتحصل في 2015 وحضرتك بتقول تشبع!
ثانيا هي فعلا بلد ماشيه بضهرها بس مش عشان العقار بس
هيضيفلي اما اشتري شقه ان الفلوس قيمتها بتقل والشقه قيمتها بتزيد
انا هشتريها وهأجرها بفلوس اكتر بكتير من اما احطها في بنك وفي الاخر لو بعت هكسب فيها كمان
ايه اللي يزعل في كده ؟
انت مثلا ممكن تكون بتعرف تتاجر غيرك لأ
كلام مظبوط
بس هو انا قصدى حاجه يمكن انتو مختوش بالكو منها
فى فرق بين الاستثمار و الحفاظ على قيمه الفلوس
شراء العقارات هى فكره للحفاظ على الفلوس
لاكن مفيهاش استثمار
معلش يعنى انا لو روحت جبت شقه فى التجمع ب ٥٠٠ الف
و اجرتها مثلا ب ٢٠٠٠ فى شهر
يعنى ٥٠٠ الف جبولى ٢٤ الف جنيه فى السنه و لو فكرت ابيع بعد سنه معتقدش هيكون الفرق كبير يعنى
يعنى لو الطموح ان اجيب شقه و اقعد جنبها
و يبقا هو ده الاسثمار يبقا مفيش مشكله دى دماغك و انتا حر فيها
لاكن البلد مليانه افكار و تعمل استثمار كبير
بس احنا البنريح دمغنا
دى حقيقه
رأيي تشتري محل في اي مول جديد وتأجريه ده استثمار للفلوس من ناحيتين ... دخل شهري جاي .. وبعد كده ممكن تبيعي المحل بعد فتره بمكسب او تشوفي اللي كان مأجره كان فاتحه ايه وتسحبي منه المحل وتشغليه انتي نفس النشاط ..
ابعد ابعد ابعد عن الشراكة الشعب المصري 99% لا يؤتمن
للاسف الشديد المال العقاري هو اكتر مجال ااااامن و مربح في مصر
متابع