الموضوع: الاستثمار في مصر

المشاركة الأصلية كتبت بواسطة amr011111

أحسن استثمار عقارى فى الوقت الحالى هو شراء شقه فى القاهرة الجديده لان المنطقه عليها طلب عالى وكل يوم سعرها بيزيد ومنصحش بمناطق اخرى لان المناطق الاخرى مش بتزيد الزياده اللى هى إلا على المدى البعيد

+11111111111111111111111
و اضيف عليها بلاش تأجريها الا لحد معرفه و تثقى فيه و لو حتخاطرى يبقى تسيبيها مقفوله احسن
لإن قانونا انتى ماتقدريش تخرجيه بعد مده انتهاء العقد الا بحكم محكمه اللى بياخدله كام سنه كمان
و ماتفكريش بره القاهره الجديده

المشاركة الأصلية كتبت بواسطة minicooper20

انا كل مشوف حد بيسال على انو عايز يشغل فلوسو
الاقى ناس بتتكلم فى العقارات
يا جماعه بصه واحده لحال السوق العقارى هتلقوه قارب على التشبع
ده اولا
ثانيا هضيفلك ايه فى حياتك انك تشترى شقه و تفضل مستنيها تغلى
بلد ماشيه بضهرها صحيح

من واقع انى انا شخصيا عملت كده
قولى طريقه تانيه مأمونه للاستثمار ؟؟؟ او على الاقل الاحتفاظ بقيمه الفلوس لمده طويله
لو حطيت فلوسك فى البنك بعد 20 سنه حيبقى مالهاش لازمه فى ظل انخفاض قيمه الجنيه
افتكر المليون جنيه من 10 سنين بس كان بيعمل ايه و دلوقتى بقى بيعمل ايه

و خليني اذكرلك مثال واقعى
فيه شقه شفتها فى الرحاب كانت بتتباع سنه 2002 على 140 الف - الناهرده بعد 13 سنه بس بقيت بتتباع ب 700 الف يعنى ب 5 اضعاف
لو كان صاحب الشقه دى شال فلوسه فى بنك تفتكر كان جابتله الارباح دى فى الفتره دى (ده بصرف النظر عن حرمانيه ارباح البنوك اصلا)

انا متفق معاك ان القاهره الجديده اقتربت من التشبع - بس هذا لايعنى انخفاض قيمه الشقق فى المستقبل
مصر الجديده مثلا تشبعت من زمان اوى و زحمه جداا و اسعار الشقق فيها لسه زى ماهى