تقريري عن صيانه 10000 للجميله فلوانس فرع العبور

**w_abaza** · 22-12-2014 07:31 PM

الفلوانس كعربيه ممتعه بكل الأشكال من ثبات و أعتماديه الي أوبشنز و نظام صوتي أكثر من رائع .

لكن

أولا : أنا ميعادي كان 10.30 صباحا .... ووصلت في الميعاد بالظبط العربيه دخلت 11.48 .... ودة بعد الحاح مع المهندس الي بيستلم .

ثانيا : كنت بشتكي من صوت صفارة من ناحيه سير الدينمو مع بدايه تدورير العربيه لما بتكون باردة و بيختفي بالتدريج بعد كدا ...... مع صوت صفارة مع الفرامل ...

ثالثا : العربيه كنت رايح بيها مغسوله و متلمعه ...

الي حصل أني سلمتهم العربيه و كتبنا الملاحظات و سيبتهم و روحت أبضع في كارفور العبور . لغايه الساعه 3.30 محدش أتصل بيا وصلت هناك علي الساعه 4 لقيت المهندس الي أستلم مني العربيه مش موجود (روح) و لقيت العربيه مركونه برا الورشه و عليها كوم تراب معرفش أتكوم عليها أزاي بالشكل دة . و كمان أصار صوابع الفني الي كان بيغير زيت علي الكابوت و أجزاء كتير من العربيه .

المهم الناس الي كانو مسافرين معايا قعدوا يهدو فيا و يقولولي التوكيلات كلها شغلها كدا فادفعت الفلوس و ختمت كتيب الصيانه و مشيت .... تاني يوم بقا يطلع نفس صوت الصفارة بتاعت السير و الفرامل ... طب دة كلام .

أسف للأطاله بس هل جميع الأعضاء حصل معاهم نفس الوضع ولا كان في أختلاف .
لأن بصراحه العربيه حلوة قوى فاحرام التوكيل يزعلنا بسبب الحاجات التافهه دي . لأني واحد من الناس ظروف شغلي متسمحليش بأني أخد أجازات بسهوله و كمان عندي حاجات أهم من اني أسافر كل شويه للتوكيل .

**hamaad** · 22-12-2014 08:53 PM

هما بعد فترة حيتصلوا بيك ويسالوك على الخدمة وقول لهم رايك بصراحة وتقربيا صوت الصفارة من الفرامل من الطنابير

**adel_edrees** · 22-12-2014 09:29 PM

هما يومين و حيتصلوا بيك و لو ما أتصلوش بيك كلمهم أنت و ما تسيبش حقك و لو ده كان المفروض ده كان من أول ماروحت التوكيل ولقيت العربية كده لكن هما ما بيتصلوش بيك ألا لو لقوا حاجة كبيرة فى العربية بيكلموك على طول