هل فيه خطوره من صفارة تيل الفرامل الجديد؟

**hazzoom** · 23-12-2014 10:45 PM

السلام عليكم

اشتريت شاهين 2007 وغسلتها وتيل الفرامل صفر, قلت أغير طقم تيل قدام وورا بالمره كصيانه, واطمنت من الميكانيكي ان الطنابير سليمه وغيرت التيل والحمدلله, المهم بعد ما ركبته بيومين بدأ يصفر تاني, فهل فيه خطوره على الطنابير بغض النظر عن الصوت؟

**ahmedelrayan** · 25-12-2014 07:02 PM

ان شاء الله مفيش خطورة ولا حاجة ده نتيجة ان التيل جديد مجرد ما يطبع هتلاقى كل حاجة اتظبطت

**م/أحمد عبد الفتاح** · 25-12-2014 08:26 PM

لو استمر الموضوع تروح لواحد ميكانيكى نضيف يفك التيل ويغسله هو والطنابير بالبنزين وينشفهم بالهوا المضغوط لأن معظم الميكانيكية بيركبوا التيل وطبعاً ايديهم متعاصه زيت وشحم ومتوسخه وطبعاً لما تمشى بالعربية وتفرمل التيل والطنابير بيسخنوا وكل حاجه بتتبخر وبيفضل بس الوساخة والتراب