سؤال بخصوص رينو لوجان ..

**Mahmoud_Lutfi** · 25-12-2014 09:32 AM

المشاركة الأصلية كتبت بواسطة corsair

النبيتي من اجمل الالوان في اللوجان الشامبين بيجرب بسرعه في الجوا الجميل بتاعنا ونصيحة استلم وخلص نفسك انتا لو رفضت الاستلام غيرك مستني وما هيصدق ويستلم ويطلع يجري وانتا ترجع تنتظر تاني

واللوجان فعلا ليها احتمال كبير انها تزيد في بداية السنة

شكرا ليك

و الخيرة فيما اختارها الله

**Mahmoud_Lutfi** · 25-12-2014 09:39 AM

المشاركة الأصلية كتبت بواسطة adel_edrees

معلش هى تبقى اشتغالة لما التوكيل ما يكونش لاقى زباين لكن فى هذه الحالة لا أظن أنا حاسس أن النيو لوجان حتطلع لى فى شقتى فى 9 عربيات نيولجان فى الشارع بتاعى و فى 3 جيارنى جا يبينها

لا هو في زباين طبعا

بس في قايمة انتظار

و في ناس عاملة حسابها هتستلم بعد 3 شهور

ممكن تكون مش جاهزة ماديا دلوقت

فبياخد اللي بعده في القايمة و هكذا

العربية فعلا ابتدت تنتشر دا اللي لاحظته

**tarek emam** · 29-12-2014 04:00 PM

يا جماعه انا روحت شوفت اللوجان بصراحه عربيه حلوه اوي اوي ما شاء الله بس لما سالت علي الاتوماتيك قاللي منزلش محدش عنده اي معلومات هتنزل امتي وهل فعلا العربيه هتزيد 5 الاف جنيه في السنه الجديده وايه حكاية ال10%اللي هينزلوا دول يا ريت حد يرد .

**corsair** · 29-12-2014 04:49 PM

المشاركة الأصلية كتبت بواسطة tarek emam

يا جماعه انا روحت شوفت اللوجان بصراحه عربيه حلوه اوي اوي ما شاء الله بس لما سالت علي الاتوماتيك قاللي منزلش محدش عنده اي معلومات هتنزل امتي وهل فعلا العربيه هتزيد 5 الاف جنيه في السنه الجديده وايه حكاية ال10%اللي هينزلوا دول يا ريت حد يرد .

بص يا استاذ طارق بالنسبة للاتوماتيك انتظر شهر 3 القادم في معرض اوتوماك هتلاقيه والاستلام مش هيبقي قبل شهر 7 /2015

بالنسبة للزيادة ال 5000 جنيه محدش يعرف عنها حاجه ولا انا حتي احنا هنا في مصر بلد المفاجأت

بالنسبة لموضوع ال 10% اعفاء جمركي لا ينطبق علي اللوجان لانها معافاه بالكامل من الجمارك بسبب اتفاقية اغادير بين مصر والمغرب