لانسربومه بتغيب في الدواره وخصوصا الصبح هام جدا لو تكرمتوا

**kareembelal** · 24-12-2014 01:13 PM

لانسر بومه سوبر اكشن 2007
العربيه فابريكه بالكامل مش ملعوب فيها نهائي حتي البويه فابريكه

في ليله معينه لمبة التشك نورت والعربيه برجلت وبعدين اتظبطت مع ان اللمبه منوره
بطلتها علشان اجيب حاجه من السوبر ماركت
وطلعت ادورها حلفت ماهي شغاله
بعد عشر دقايق اشتغلت ولمبة التشك انطفت بعد ما مشيت بيها بخمس دقايق

بعد كده العربيه بقت تغيب في الدواره وخصوصا لما تبرد
خصوصا في الصباح
غيرت بوجيهات
وحطيتها علي جهاز في دمنهور قال حساس الكامه

بعد ايام غيرت حساس الكامه وكان واقف واحد وانا باشتريه قال دي رشاشات
المهم بعد تغيير الحساس فضلت هي هي
اللي بيحصل انها بيحصل تعتيل في الدواره مش مارش سريع بدون دواره
ولازم ادوس بنزين ولو دوست بتدي مدفع من البوابه زي مدافع الكربارتير كده

وما زالت حتي الان
لما بتكون سخنه بتدور عادي
وسحبها ممتاز ما فيش اي اعراض بعد دوارتها
رجاء ارحموني من فتي الميكانيكيه واللي يعرف يساعدني يقول
وعزرا للاسلوب البلدي انا حبيت احكي بالتفصيل
اخيكم
مستشار بلال عبدالونيس من دمنهور بحيره

**zillo** · 24-12-2014 01:18 PM

ممكن جدا بوبينة ,ونضف الاسبيراتير لو فيها

**kareembelal** · 24-12-2014 02:41 PM

الموبينه لما بتفصل العربيه تتلت مش تغيب في الدواره
الاسبراتير بقول لحضرتك سوبر اكشن 2007

**demonarundo** · 24-12-2014 02:52 PM

البطارية حالتها كويسة ؟

**zillo** · 24-12-2014 03:27 PM

العربية دي عاملة كام كيلو علي متورها؟
لما بتزود اكسيرلتير في بدء الدواره وهي بارده ,بتقوم اسرع ؟
ايه اخبار استهلاك البنزين ؟؟

**Abo_Mazen** · 24-12-2014 03:36 PM

الموبينه عندي كانت بتغيب العربيه في الدواره..قعدت ادور على سبب غياب العربيه في الدواره ست شهور وفي الآخر طلعت موبينه بعد ما غيرت بوجيهات وفلتر هوا وفلتر بنزين ونضفت بوابه ورشاشات ....العربيه ما شاء الله زي الفل

**BlueBird** · 24-12-2014 11:18 PM

أفصل البطارية وأفتح السويتش وأرجع وصلها والسويتش مفتوح وانتظر دقيقة وبعدين شغل السيارة الخطوة الثانية لازم تنضف البخاخات ب علبة سيستم كلينر تفضي التنك وتحط العلبة على ١٠ لتر ٩٥ وتطلع طريق سريع تخلص ال ١٠ لتر وبتشوف النتيجة . وغير المحطة اللي بتمون منها.

**kareembelal** · 29-12-2014 03:26 PM

انا حطيت الرشاشات علي جهاز كشف بعد ما قاللي كده صديق ولقيت رشاش بيسيل غيرته
العربيه اتظبطت شويه بس لسه مش طبيعيه بتغيب برضو في الدواره
يعني ممكن تنطق من تالت مارش او تاني مارش احيانا
العربيه ماشيه 140 الف
السؤال ،،،،، اللانسر فيها اتنين موبينه
اغيرهم الاتنين واللا اعمل ايه ؟؟؟
انا حطيت منظف رشاشات فعلا ومافيش نتيجه

**kareembelal** · 29-12-2014 03:27 PM

المشاركة الأصلية كتبت بواسطة bluebird

أفصل البطارية وأفتح السويتش وأرجع وصلها والسويتش مفتوح وانتظر دقيقة وبعدين شغل السيارة الخطوة الثانية لازم تنضف البخاخات ب علبة سيستم كلينر تفضي التنك وتحط العلبة على ١٠ لتر ٩٥ وتطلع طريق سريع تخلص ال ١٠ لتر وبتشوف النتيجة . وغير المحطة اللي بتمون منها.

السويتش اللي هو ايه؟؟؟؟ الكونتاك ؟؟؟

**kareembelal** · 29-12-2014 03:29 PM

المشاركة الأصلية كتبت بواسطة zillo

العربية دي عاملة كام كيلو علي متورها؟
لما بتزود اكسيرلتير في بدء الدواره وهي بارده ,بتقوم اسرع ؟
ايه اخبار استهلاك البنزين ؟؟

لما بدوس بنزين فعلا بتدور اسرع
ولو دوست اكتر بتضرب مدفع من البوابه

الموضوع: لانسربومه بتغيب في الدواره وخصوصا الصبح هام جدا لو تكرمتوا

LinkBack

أدوات الموضوع

عرض

-

المواضيع المتشابهه

العربية بتغيب في الدواره احياناً ؟؟

العربيه بتغيب فى الدواره بشكل غريب- برسونا 2009

العربيه بتغيب فى الدواره ؟؟؟

عرفت ليه العربية بتغيب فى الدوارة الصبح ، ولكن برجاء المساعدة

رجاء من عمالقة المنتدى عربيتى بتغيب فى الدوارة الصبح

الكلمات الدلالية لهذا الموضوع

المفضلات

المفضلات

ضوابط المشاركة