وش التيكهات

**احمد احمد** · 25-12-2014 02:36 PM

عايز اغير وش التيكهات بنفسي لان في رشح زيت علي بسيط علي الماتور وظاهر من مسامير وش التيكهات انا شوفت موضوع تغير وش تيكهات بس عايز اعرف اكتر ايه الادوات المطلوبه وايه افضل انواع وش التيكهات وهل اخد القديم واجيب شكله ولا هو هو له اسم معين او رقم معين هل احط سيلكون ولا لا العربيه اوبل فيكترا 1997 اتوماتيك 2000ccالماتور شكمله اسود من فوق او غطاء التيكهات شكله اسود
وبكرر شكري لكل رجاله الاوبل وبالاخص الاستاذ عمر اللي دايما مش سيباني احتاس وبيرد علي كل صغيره وكبيره ربنا يبارك فيه ويشفي والديه ويقوموا بالف سلامه

**احمد فهمى** · 25-12-2014 03:54 PM

تغير وش ليه؟ اشتري جوان جديد وركبو ولو حابب تحط سليكون مع الجوان الجديد ميضرش

**احمد فهمى** · 26-12-2014 01:31 PM

المشاركة الأصلية كتبت بواسطة احمد احمد

متشكر جدا استاذ احمد ده عشمي بردوه ناس كلها زوق
ممكن سؤال تاني
عايو اخلي الراديو صوته يبقي اوضح مع العلم ان الكاسيت اللي في العربيه هو الكاسيت الاصلي
انا سمعت ان في قطعه بتشري لتقويه ارسال الراديو ممكن اعرف اسمها ايه وثمنها كام تقريبا

مشكلة الفيكترا بي ان الاريل فى الزجاج وده اثبت عدم فاعليه جيده بسبب ضعف الاشاره فمصر ومفيش حل فعال غير اريل خارجى وبالطبع شكلو وحش فى بعض المقويات بتركب بس مش فارقه كتير

**فادى محمد** · 25-12-2014 05:24 PM

ده موضوع عن تغيير جوان وش التاكيهات عندك بالصور..
مواضيع فادى مجمعه - نايل موتورز - NileMotors.net
بس نصيحه من اخوك..ماتشتريش الجوان الا من التوكيل , بيفرق كتير جدااا .اللي بره الماني بحوالي 70ج
اللي في التوكيل ب160ج بس مختلف في خامته وعمره اطول عن تجربه..
تاني حاجه نظف كويس بالبنزين قبل ماتركب ومش محتاج سليكون او اي شيء لو ركبت جوان التوكيل وماتحرقش ع المسامير جامد علشان ماتحلقش. راعي انها بتربط في المونيوم!! ربنا يوفقك

**فادى محمد** · 26-12-2014 02:23 AM

جوان غطاء التاكيهات..بس كده معروف , هاته من مقار الدقي او التوكيل..
هتنظف وش التاكيهات ( مكان تركيب الجوان في الغطاء الفبر وفي الالمونيوم) بحته قماش نظيفه وبنزين