صوت خبط في سيات ألتيا ٢٠١١

**OldVic** · 26-12-2014 09:45 AM

صباح الخير، محتاج نصيحتكم ضروري

بقالي فترة باسمع صوت خبط تحت العربية قدام على الشمال لما بامشي في حتة مكسّرة زي شوارع التجمع مثلاً. في الأول جه في بالي قواعد الموتور و وديت العربية للتوكيل و قعدوها عندهم خمس ايام قال إيه بيشوفوا الصوت جاي منين! المهم، قالولي القواعد مافيهاش حاجة لكن غيروا بيض المقص و بطاحة شمال. استلمت العربية و الصوت راح منها بنسبة ٩٠٪ و مشيت بالعربية حوالي شهر و نص دلوقتي و الصوت رجع تاني! (أقل حاجة بسيطة). الصوت عامل زي حاجة مفكوكة من مكانها و بتخبط.

يا ترى دي ممكن تكون إيه و أوديها فين غير التوكيل؟ بس حد يكون بيفهم و عنده قطع غيار أصلية؟ (و يا ريت يكون في المعادي أو التجمع). العربية موديل ٢٠١١ و عاملة ١٢٢ ألف كم.

**NaderNabil** · 26-12-2014 12:02 PM

بنسبة كبيرة علبة الدركسيون

**OldVic** · 26-12-2014 05:05 PM

شكرًا على الرد، كان عندي شك في كده، لكن إزاي الصوت راح و بعدين رجع؟!

**ehab_mansour** · 26-12-2014 05:08 PM

العفشة و الاصوات بيبقي صعب تحليل مشاكلها بدون معاينة من متخصص
اعتقد محتاج حد متخصص في فولكس يبصلك عليها و مافيش افضل من الماركز اللي في شارع الاربعين خلف حديقة بدر و انا جربت هناك احمد عزت و هو لحد ما كويس قبل المزلقان اللي خلف الحديقة

**ehab_mansour** · 27-12-2014 10:09 AM

المشاركة الأصلية كتبت بواسطة OldVic

أنا بأشبه على الإسم يا باشمهندس، إنت كنت في smg؟! المهم، هو فين العنوان اللي حضرتك بتقول عليه؟

لا ابدا ... انا جربت smg مرة واحدة و ندمت اشد الندم اني فكرت اروح ناحية هناك لأنهم كفتجيه

العنوان ده في شارع جسر السويس بمصر الجديدة و تكمل حتي تصل حديقة بدر تعمل يوتيرن و تخليها علي يمينك و تخش من جنبها يمين هتلاقي شارع الاربعين و فيه كتير شغالين في فولكس و متخصصين و منهم احمد عزت قبل المزلقان اللي انا جربته من قبل