وش سليندر فيكا الصيبنى

**hourus21** · 26-12-2014 03:35 PM

عايز اغير وش السليندر بواحد تانى عشان تم قشطة اكثر من مرة وبالتالى ماثر جامد على سحب وسخونة العربية بس محتار جدا بين الاستيراد اللى غير مضمون حالتة وبين واحد جديد صينى ماركة فيكا

انا سالت ع الجديد ولقيتة هايكلف 1200 بكل مشتملاتة بس قلقان انة يكون مصنع من مواد لا تتحمل ظروف التشغيل والسخونة ويضرب بسرعة

وفى حل تالت عرضة عليا واحد مهندس قلى انة بيتعامل مع خراط عندة مكن حديث يقدر يملى كل التاكل فى الوش القديم ويرجعة ستاندرد بالمللى

انا محتار وياريت لو حد عندة تجربة مع الوش الصينى يفدنى [/size][/size][/size][/size]

**م/أحمد عبد الفتاح** · 26-12-2014 07:08 PM

أول حاجه إبعد عن الصينى أخره سنه لو كملها وبيعمل مشاكل كتير من أول ماتركبه لغايه ماترميه وده عن تجربه فى عربية تويوتا .
تانى حاجه الوش القديم بيبقى قفع يعنى واطى من النص وعالى من الأحرف وده بيبان لو حطيته على قطعه زجاج مستوية او مرايه حتلاقيه منور من النص وحكايه الخراط يملاه ويرجعه استاندرد بيبقى استاندرد شكل ومقاسات بس لكن حكاية الملو باللحام دى بتاثر على الوش تأثير حرارى وبتضعفه مش حايتحمل الشغل بتاع الموتور كتير وبرضه فى الأخر حاترميه .
يبقى مافيش غير إنك تجيب واحد إستيراد ومعاك ميكانيكى أو خراط يبص عليه معاك أو تقول للتاجر إنك حاتوديه للخراط يقيسه ولو طلع مش مظبوط ترجعهوله وفعلاً توديه لخراط يشوفه مستوى ولا مقفع هو كمان وربنا يوفقك وتلاقى واحد استيراد كويس.

**EngAhmedSayed** · 27-12-2014 06:59 PM

سيادتك وش سليندر
عليك و على الوش الاستيراد و يكون معاك ميكانيكى فاهم
و يفضل سيادتك تنزل تلف لوحدك و تظبط السعر و كل حاجة
و بعدين هات الميكانيكى علشان ميلعبش
ربك المستعان