سؤال لملاك الصني الشكل الجديد (عاجل)

**m_am** · 08-01-2015 10:10 PM

عزيزي ربنا يوفقك ان شاء الله و تجيب عربيه تتبسط بيها و ربنا يباركلك فيها ان شاء الله و تحس انك مخسرتش فيها فلوس

بص الصني بقيت عامله زي البطيخه يعني انت و حظك يعني ممكن تجيبها تمشي معاك تمام و ممكن تتعبك بس الغالب انها هتتعبك بناء على تجارب الكثرين هنا في المنتدي و مع الناس اللي بنتعامل معاهم في الحياه فنصيحه بلاش ..........

لو بتفكر في زيرو في السعر ده خليك في البيجو 301 او الستروين و البيجو افضل مجاش منها شكاوي كثير و هتكون راكب عربيه اوربي 100% اينعم هي عربيه اقتصاديه فنش هتلاقي الصاج محمل او في عزل في الكبوت زي اي عربيه في الرنج ده او ممكن تفكر في السويفت الجديده ناس كثير بتشكر فيها او تستني تبص ع الرينو سنديرو اتوماتيك 2015 بس هي لسه منزلتش قدمها شهرين او حاجه

بس لو حضرتك جديد خالص في القياده فممكن تفكر في حاجه مستعمله و لو ربنا كرمك و عرفت تجيب بيجو 307 هتلاقيها عربيه محترمه جدا جدا جدا بس المهم ربنا يكرمك في عربيه حالتها كويسه

بالتوفيق ان شاء الله يا اخي الكريم و ربنا يقدملك اللي فيه الخير ....................

**Hanytoto12** · 12-01-2015 11:57 PM

أخي المحترم ... العربية معايا موديل 2014 سوبر صالون الشكل الجديد ولسة عامل إمبارح صيانة ال 40000 ... أقسم بالله إن العربية زي الفل وما شفتش الهري إللي الناس شغالة عليه وبيبوظوا في سمعة العربية دي.
الإستهلاك ممتاز للبنزين وبالنسبة لسعرها وإمكانياتها أنا عن نفسي مبسوط جدا بيها والحمد لله.
ثانيا: معظم إللي بيكرهونا فيها أصلا ياإما ماعندهمش العربية ودول تبع حملات لعربيات ماركات تانية وبيشوهوا فيها عشان مبيعااتها بقت عالية زي بتوع البيجو الفاشلة 301 إللي أصلا سحبوها من أوروبا .. وبتوع الرينو الغالية علي الفاضي وهي فاضية أساسا .. كمان هتلاقي ناس ماعندهمش العربية أصلا ومعلقين .. وشوف كده في البروفايل بتاعهم هتلاقي عربياتهم أنواع تانية.
ثالثا: كل السيارات فيها وفيها ولكن في حد أدني من المطلوب .. يعني الأمان مثلا والثبات واستهلاك البنزين والوسع والمناورة والتوكيل وكده ... قسما بالله أنا باحمد ربنا إني اشتريت الصني .. وللعلم باجري 180 وأكتر وعلي طريق السخنة أقسم بالله مشيت 210 وكنت بناور وأعدي عربيات.
هي طبعا مش مرسيدس ولا زي الألماني لكن باختصار ... توكل علي الله لو ناوي وماتسيبش شوية كارهين أنفسهم يكرهوك في نفسك إنت كمان.
تحياتي

**yasnme** · 14-01-2015 05:42 AM

المشاركة الأصلية كتبت بواسطة hanytoto12

أخي المحترم ... العربية معايا موديل 2014 سوبر صالون الشكل الجديد ولسة عامل إمبارح صيانة ال 40000 ... أقسم بالله إن العربية زي الفل وما شفتش الهري إللي الناس شغالة عليه وبيبوظوا في سمعة العربية دي.
الإستهلاك ممتاز للبنزين وبالنسبة لسعرها وإمكانياتها أنا عن نفسي مبسوط جدا بيها والحمد لله.
ثانيا: معظم إللي بيكرهونا فيها أصلا ياإما ماعندهمش العربية ودول تبع حملات لعربيات ماركات تانية وبيشوهوا فيها عشان مبيعااتها بقت عالية زي بتوع البيجو الفاشلة 301 إللي أصلا سحبوها من أوروبا .. وبتوع الرينو الغالية علي الفاضي وهي فاضية أساسا .. كمان هتلاقي ناس ماعندهمش العربية أصلا ومعلقين .. وشوف كده في البروفايل بتاعهم هتلاقي عربياتهم أنواع تانية.
ثالثا: كل السيارات فيها وفيها ولكن في حد أدني من المطلوب .. يعني الأمان مثلا والثبات واستهلاك البنزين والوسع والمناورة والتوكيل وكده ... قسما بالله أنا باحمد ربنا إني اشتريت الصني .. وللعلم باجري 180 وأكتر وعلي طريق السخنة أقسم بالله مشيت 210 وكنت بناور وأعدي عربيات.
هي طبعا مش مرسيدس ولا زي الألماني لكن باختصار ... توكل علي الله لو ناوي وماتسيبش شوية كارهين أنفسهم يكرهوك في نفسك إنت كمان.
تحياتي

انا زيك بالضبط العربية موديل 2014 و عامل صيانة 30000 و العربية محترمة و عاملت حادثة و تريلا دخلت فيا من الجنب و الحمد لله التدعيم اللى فى الابواب هو اللى اخد الصدمة و اتصلحت فى التوكيل و رجعت زيرو

**salam100100** · 14-01-2015 08:18 AM

المشاركة الأصلية كتبت بواسطة yasnme

انا زيك بالضبط العربية موديل 2014 و عامل صيانة 30000 و العربية محترمة و عاملت حادثة و تريلا دخلت فيا من الجنب و الحمد لله التدعيم اللى فى الابواب هو اللى اخد الصدمة و اتصلحت فى التوكيل و رجعت زيرو

شكرا لمشاركتم المشجعة
انا كمان معايا العربيه ومقتنع بيها جدا

الرجاء من كل من له اسئله عن الصنى الجديده, سؤال ملاك السياره فى الواقع وليس الاكتفاء بالسؤل على النت فقط.

**Karim tolba** · 14-01-2015 01:11 PM

بص العربية معاية وزى الفل فى كل حاجة الى حاجة واحدة هيا الى مجننانى الصااااااااااااج ورق ورق ورق انا كل يوم القى نقرة جديدة فى العربية ومش عارف اعمل اية فى الحوار دا

**eng.m7md.ali** · 14-01-2015 01:21 PM

انا من رأيي تجيبها وتكتشف بنفسك عيوبها

**bassemali** · 19-01-2015 09:53 PM

من الاخر ابعد عن اي عربيه تجميع مصري ولو مرسيدس ليه لانك هتلاقي العربيه ماشيه مع ناس زي الفل ومع ناس تانيه زفت على حسب مزاج اللي قفل كل عربيه فماتقدرش تحكم عليها غير لما تجيبها وانت وحظك ... رأيي .. البيجو 301 عربيه محترمه وليها سوق .. الرينو لوجان الجديده .. البروتون بيرسونا ..

**FryCry** · 20-01-2015 01:17 PM

بص يا سيد يا محترم ...العربية جربتها موديل 2014 بتاعت صديق عزيز و هو مستاء و حاسس بندم شديد .....قولت أجربها العربية خفيفة جدا على سرعة 100 و ده عاى كوبرى أكتوبر مع الملفات سيئة جدا تكاد تشعر ان العربية ريشة.....شعور قيادة سىء جدا بحكم ان معايا هوندا فكنت حاسس بضعف شديد فى السيارة .....مش عارف أقوللك الله يكون فى عونه متساويش قيمتها خالص و أسوأ خامات ممكت تقابلها فى سيارة ككل....الفرامل بقى حدث ولا حرج