ارجو المساعده فى سياره ( عيون صفيه ) موديل 90

**m_mm702** · 27-12-2014 12:22 PM

السلام عليكم ورحمه الله وبركاته
انا عضو جديد لول مره اشارك فى المنتدى
ولسه متعلم السواقه جديد
الحمد لله ربنا كرمنى اشتريت عربيه لانسر موديل 90 عيون صفيه
بس محتاجه شويه تزبيط فى الكهرباء
محتاجه مرايه شمال مكسوره فيه مرايات تانيه تركب عليهازى مريات الاكسيل مثلا اشيك منها
مفتاح الانتظار بيعلق وعاوز يتغير
نور الصالون مش شغال محتاجه مفتاح ولمبه بتوعها لان المفتاح مش شغال
مجتاجه 2 مساعدين امامى بس مش هعملهم دلوقتى لانى زى ما قلت لحضراتكم لسه بتعلم ورجلى تقيله
فلو سمحتم عاوز اعرف اماكن بيع قطع غيار العربيه منين اجيب حاجتها وموجوده عند مين
ولو فيه نصائح منكم نستفيد
وكل سنه وانتم طيبين

**ihabyossef** · 28-12-2014 11:33 AM

اولا الف مبروك على العربية ربنا يديك خيرها ويكفيك شرها

ثانيا انا عندي نفس عربيتك من حوالي سنة هي عربية الحمد لله ممتازة جدا
قطع غيار الموتور هي قطع غيار الاكسيل لأنهم نفس الموتور

المساعدين بيركب عليها مساعدين الكريستالة بدون اي تعديل

بالنسبة لنور الصالون ومفتاح الانتظار اي كهربائي يظبط الكلام دة في خمس دقايق

المرايات تعتبر اغلس حاجة فيها انا قعدت ادور عليهم ثلاث شهور بس ليهم كذا حل
ممكن تركب مرايات شاهين ( بس مش حلوة اوي )
ممكن تركب مرايات نيسان 99 بتعديل بسيط في القاعدة
ممكن تجيب المريات بتوع عيون صفية استعمال بحوالي 400 جنية من بورسعيد واحد بس اللي عنده - انا رحت عنده هو بيشتغل في الموديل دة بس
بصراحة انا ركبت مراية النيسان جبتها استعمال بحوالي 150 جنية كهرباء

انا معرفش قطع غيارها فين في القاهرة بس عندنا في اسكندرية موجودة الحمد لله كتير

ولو عايز نمرة الراجل بتاع بورسعيد ممكن ابعتهالك ع الخاص

واي استفسار تاني انا تحت امرك

م/ ايهاب يوسف