الموضوع: بخصوص ارتفاع كورولا 2015 ومشاكلها

المشاركة الأصلية كتبت بواسطة yassermahmmoud

انا اشتريت كورولا ٢٠١٤ وبعدها ركبت شارك ٢٠١٥ ، اقسم بالله فرق كبير لصالح الشارك، من ناحية الارتفاع والوسع الداخلي والخامات وتصميم التابلوة ، الفرق الوحيد فقط لصالح الكورولا هو الشنطة . والآن انا بفكر أبيع الكورولا

طب بالنسبة لفرق الاوبشنز و وسائل الامان.
و ان الكورولا باعت في مصر في 2014 اكتر من 6000 عربية و تصدرت سيارات فئتها في المبيعات، ازاي باعت اكتر من الشارك لو كانت الشارك افضل منها و ارخص في نفس الوقت، انا مش قصدي اقلل من الشارك بل بالعكس انا بحبها وابحبها والله بس كل عربية حلوة في فئتها السعرية و الشارك توكيلها هو السبب في انها تنزل في الفئة السعرية ديه عشان منفضها من الاوبشنز و منزلها من غير عازل، تبقي قاعد في الكابينة حاسس ان الموتور قاعد جمبك عالكرسي.

الشارك ثباتها وهمي و تسارعها ممتاز و اعتمادية عالية جدا محدش يقدر يتكلم بس مقارنة بمواصفات امان كورولا ESP نظام الثبات الالكتروني،traction control و الBrake Assist مساعد المكابح و الHAC hill assist control و 7 ايرباج في اعلي فئة كل ده مفيش مع العلم ان مواصفات الامان ديه كلها ستاندارد في في جميع فئات الكورولا، و اوبشنز الكورولا مكتسحة طبعا اوتوبارك و مثبت سرعة و Follow me home حساسات امامية و خلفية و ححساسات ضوء و مطر و فتيس CVTi-s، عفشة رياضية الخ.....،، الكورولا الجديدة كمان نقلة جامدة في الثبات مهياش زي الموديلات السابقة ابدا بتجيب ال215 عادي جدا و ثبات عالي جدا بفضل العفشة الجديدة، الغرض من كلامي اني اقول ان الشارك لا تقارن مع الكورولا لان ديه غئة سعرية و ديه فئة سعرية لوجود فرق شاسع في مواصفات الامان و السلامة و الاوبشنز.

المشاركة الأصلية كتبت بواسطة yassermahmmoud

الصديق الاستاذ احمد عبدالسلام .. سأرد على كلامك نقطة نقطة:
بالنسبة لان الكورولا باعت في مصر مبيعات اكتر من الشارك مضبوط وذلك لعدة أسباب، أولاً شكل جديد وجميل وجذاب، ثانياً سمعة الكورولا القديمة ، ثالثا الاوبشنز الزيادة في الكورولا ، ولكن في مقابل هذا سيارة اخف بكثير من الشارك، صاج ضعيف جداً مقارنة بالشارك، ثبات اعلى لصالح الشارك بعد ١٢٠ كم ، خامات أفضل للشارك لانها ياباني ١٠٠٪ ، الشيء الوحيد الذي أراه عيب كبير في الشارك هو العزل، تحياتي لك ولجميع الأعضاء الأفاضل .

اهلا بك استاذ ياسر: احب اوضح فقط ان الشارك هي اللي اخف من الكورولا, وزن الشارك 1245 كجم بينما وزن الكورولا 1295 كجم و انا متاكد جدا من الارقام ديه، انا مجربتش صاج الشارك قبل كدة عشان احكم عليه فمش عايز افتي، انا عارف ان الشارك ثابتة جدا بس الكورولا الجديدة ثباتها ملوش علاقة بثبات الكورولا القديمة، منتهي الثبات فوق ال200 مش هقولك 120 بفضل قاعدة العجلات اللي طولها اصبح 2700 ملم بينما قاعدة عجلات الشارك 2635 ملم،، زائد انظمة الثبات الالكتروني اللي موجودة في الكورولا و مش في الشارك، انا متاكد ان ثبات الكورولا الجديدة ان مكانش يساوي ثبات الشارك هيكون افضل من ثباتها، انما من ناحية الخامات فمش عايز افتي عشان مدققتش في خاماتها قبل كدة.