الموضوع: قريبا .. سيارة سوزوكي الجديدة Ciaz

المشاركة الأصلية كتبت بواسطة hosam_optrawy

الضهر فعلا هوندا سيتى بالظبط اللى هو قبيح جدا ، الوش تمام

لو 120 الف يبقى كويس عليها

عربيه حجمها اكبر من عربيات تانيه في نفس رنج الأسعار

طبعا اكبر من اتراج وجراند i10 والديزاير ، أكبر من أكسنت - ريو بفرق مش قليل ، أطول من 301 وسى اليزى بحوالي 5-6 سم ونفس العرض وقاعدة العجلات ، أطول من صنى وأعرض وقاعدة عجلات أكبر ، نفس طول وعرض البيرسونا تقريبا بس قاعدة عجلات السوزوكى أكبر

غير ان شنطتها واسعه 510 لتر وعاليه عن الأرض 17 سم

عيبها بس موتورها يعتبر ضعيف عليها 92 حصان 130 نيوتن رغم ان وزنها خفيف حوالى 1010 كجم فقط واستهلاكها للبنزين ممتاز

هانشوف هاتنزل بكام وياريت التوكيل مايقتلهاش ويخلى الحجز بال 10 شهور والسنه !!!

لا متقلقش أحمد مرعي جزمه قديمه ويموت أي حاجه ..

انا كنت في التوكيل انهارده بحجز سوزوكي سويفت لاخويا وشفناها هناك بجد شكلها روعه وفعلا تعتبر فل اوبشن وواسعة وعالية وسعرها ١٢٣ الف اوتو والاستلام خلال شهرين مستنيين رأي الخبراء في المنتدى بخصوص امكانيات العربية وهل فعلا تستحق الاهتمام ولا لأ
http://www.youtube.com/watch?v=n_ZjyfYhHG4

ياريت مزيد من الأخبار والتحاليل عنها

موجوده فى الطارق ب128 الف

المشاركة الأصلية كتبت بواسطة Mahmoud.Fathy

موضوع انها 107 حصان ده حاسه اشتغالة من التوكيل .... كل المواقع الاجنبية بتقول انها 92 حصان فقط ... وطبعا لو الكلام ده حقيقي تبقى العربية ضعيفة شوية بالنسبة لحجمها وفئتها ... والسويفت افضل منها لانها موتور اصغر و 87 حصان يعني موفرة اكتر

فعلا مكتوب فى مواصفات السياره على موقع سوزوكى الهند ( اللى العربيه مستورده منها ) ان قوة الموتور 68Kw ، يعنى ما يساوى 92 حصان تقريبا