مشكلة تنتيش في النقلات ابيزا 94

**Ahmed A** · 29-12-2014 03:36 PM

السلام عليكم:
ربنا انعم عليا وحبت ابيزا 94 وبقالها معايا فترة عندي مشكلة اني في نقل الغيارات كل الغيارات بحس نتشة كأن العحل بيتحرك الاول وبعدين يشد العربية وبحس عصاية الفتيس مع كل رفعة او دوسة بنزين بتتهز كان الفتيس بيعشق ويسيب وبعدين يثبت وغيرت قواعد الموتور وجلب وبيض مقصات والمشكلة خفت شوية اعلي الدبرياح مفيش فايدة ناس قالتلي قواعد فتيس وكبالن وحاجات كتير ..مش عايز اغير عالفاضي..بعد ازنكم ياريت حد يفيدني

شكرا

**Ahmed A** · 29-12-2014 06:30 PM

ياجماعة مشاهدات كتير ومحدش رد...ابيع العربية يعني ولا ايه

**BEKOOO_HUNTER** · 01-01-2015 12:26 AM

ربنا يبارك ليك فيها ويكفيك شرها انا برضو سئلت علي مشكله في الاسبراتير عندي في العربيه لسه ايبها برضو ومحدش رض عليا
بس انا هسئل ليك وان شاء الله ارد عليكي
تقريبا الناس هنا كلها نايمه

**asaeed** · 01-01-2015 09:58 PM

لازم تبص على قواعد الفتيس الاول

**Ahmed A** · 02-01-2015 09:15 PM

شكرا ليكو اوي يا جماعة علي الرد..هكشف علي قواعد الفتيس الاول ان شاء الله
وايه اللي بيحصل عند حضرتك في الاسبراتير او المشكلة عامة..ممكن نفكر سوا ان شاء الله

متشكر جدا علي اهتمامكوا يا جماعة

**Ahmed A** · 13-01-2015 09:49 AM

ياحماعة انا غيرت كوبلنين داخلي وخارجي عشان قريت قبل كدا انهم لازم يتغيروا مع بعض افضل وبعد التغيير التنتيش دا راح الحمد لله ....طلع كان فيه بوش في الكوبلن الداخلي هوا اللي بيعمل النتشة دي...انا متشكر ليكوا انكوا حاولتوا تساعدوني وفي حبة حاجات خفيفة كدا هنقاشها بعد كدا عشان الكل يستفيد حتي اللي بيشاهدوا بس