عرض للطباعة
السلام عليكم علي اجمل منتدي الخاص بالسيارات الحقيقه ليه طلب صغير
انا ان شاء الله ناوي اشتري عربيه لانسر بومه 2009 اتوماتيك واول مره اركب فيها الاتوماتيك فحابب ياريت حد يعلمني كيفيه استعمال الامثل والغير مؤثر علي المدي البعيد علي الفتيس الخاص بالاتوماتيك
وياريت حد يشرحلي الحروف المكتوب عليها في الذراع الخاص بالاتوماتيك بالتفصيل
وشكرااا جدااااا
وجزاكم الله خيرااااا
ألف ألف مليون مبروك لحضرتك
ويارب تبقى وش السعد عليك بإذن الله
بص حضرتك
الجير فيه
P = parking
دي لما العربيه تقف خالص
R=revirse
عشان تخلي العربيه تمشي لورا مارش دير
N=natural
زي المور في المانيوال لو أنت في أشارة أو أرض مستويه وواقف
D=drive
ده بتجيب عليه عشان العربيه تطلع لقدام
2
1 أو L= low gear
وبعض سيارات بيكون فيها
3 كمان
دول بقى زي ال 1و 2 و 3
بيخلوك تختار النقلات الأقل عن السرعه النهائيه
يعني مثلا 2 يخلي أأعلى نقله هي ال2
وال1 يخلي أعلى نقله 1 تجيب عليهم لما مثلا تطلع مطلعايه جامده وعايز عزم تقوم جايب عليهم
بس في الغالب محدش بيستخدمهم وكل تعاملاك بال D وبتتحكم بالبنزين والفرامل
ده توصيف للحروف
أما بالنسبه للقياده بيها
حضرتك في الأوتو طبعا مافيش دواسة الدبرياج عشان كده بنستخدم
دواستين بس فرامل وبنزين
دلوقتي حضرتك عال P
وعايز تطلع قدام تعمل ايه ؟؟
تدوس على الفرامل وتحرك الجير لل D وترفع رجلك من الفرامل تلاقي العربيه تتحكر لوحدها
نفس الكلام لما تجيب الR
السبب اننا بنحط رجلنا عالفرامل عشان العربيه اول ما بتجيب النقله الD او الR بتتحرك لوحدها فعشان متعملش منك رأيكشن أنها تمشي لوحدها وعشان تحافظ عالتروس بتدوس فرامل
بالنبسه للN
نفترض حضرتك داخل على اشارة وهي بتطول او بتنزل حد معاك وانت على أرض مستويه تعمل ايه حتحرك الجير وانت ماشي من غير فرامل للN حتلاقي صوت الموتور هدى معاك أو ممكن بعد ماتقف خالص بأستخدام الفرامل تجيب الN
ده بيخلي العربيه تهدى ويقلل استهلاك وقود
ممكن برضو تجيب الP بس انا بتكلم ان انت مش حتقف كتير او تركن العربيه وكمان على ارض مستويه عشان الN العربيه ممكن تزقها وهي عليه فاكيد ممكن تتحرك لو مش أرض مستويه
ال p
تجيبه لما تبقى عاوز تركن خلاص يعني بمثابة الهاند بريك ومور مع بعض
أي أستفسار تاني؟؟؟
تحت أمرك أي وقت
وبروض لو في أي حاجه نسيتها اكيد الأعضاء مش حيسيبونا ..
جزاك الله خيرااااا
اللهم أمين ولك بمثل إن شاء الله
ربنا يبارك في عمرك بإذن الله
وفي سيارتك بإذن الله
شرح وافي الحقيقة يخلي أي حد ينزل يسوق اوتو و هو مطمن :002:اقتباس:
المشاركة الأصلية كتبت بواسطة mohamed_88sk
ربنا يخليك يا موترايزراقتباس:
شرح وافي الحقيقة يخلي أي حد ينزل يسوق اوتو و هو مطمن :002:
بجد أخجلتني بزوقك ألف شكر ليك
الف مبروك على العربية
وربنا يديك خيرها ويكفيك شرها
bas 3ala fekra 3'alat el rakna 3ala el p 3alashan law el car etza2et 7ateksar el teros
العربية لو علي P مش هتتزق أصلاَ إلا بقي لو حد جاب ناس و شالوها شيل أو ونش شالها من ورا مثلاَ دي تبقي مشكلة .. و لكن المشكلة فعلاَ إن فيه عربيات كتير المفتاح ميطلعش من الكونتاكت إلا لو جايب الفتيس علي P .اقتباس:
المشاركة الأصلية كتبت بواسطة hoba
الأوتو صعبه في زقها من غير مفتاح السويتش يكون موجود ,,اقتباس:
bas 3ala fekra 3'alat el rakna 3ala el p 3alashan law el car etza2et 7ateksar el teros
ومبتتزقش من غيره ,, لازم تترفع بكرين وتتجر
وكمان في عربيات عشان تشيل السويتش من الكونتاكت لازم تبقى عال p
وفي كمان عربيات الهاند بريك مش بيحوق معاها وممكن تتزق ولو هو مرفوع حتى .. فعشان كده بيتجاب الp
على فكرة عربيتنا من العربيات الحاله الأخيره !!! حتجنني :d:d
bas 3ala fekra zay ma ba2oloko 3'alat el rakna 3ala el p we ana 3aref en fi car's mesh beyetla3 el mofta7 3'er 3ala el p bas fi car's zay el corolla 2007 fiha zorar gamb el fetes maktob 3aleh shift lock dah ba3d ma tshil el mofta7 dos 3aleh we 7arak el fetes 3ady
يا سلام على الشرح الوافى الكافى
تسلم يا مهندس
بالنسبة للسيارات اللي المفتاح مش بيطلع غير علىP مثل النيسان صني مثلاً فيه زرار صغير أمام الفتيس يمين بعد ما تخرج المفتاح تضغط عليه وتحرك الفتيس على الوضع المطلوباقتباس:
المشاركة الأصلية كتبت بواسطة MoToRiZeR
بالنسبة لفتيس اللانسر سبورت
P
R
N
D
Ds
L
المحرك لا يعمل الا على P'N المفتاح يخرج في أي وضع
سؤال
لو الاتو عطلت لازم تترفع ومقطورة تشيلهاا؟؟
ماينفعش عربية تاخدها بحبل من قدامها ؟؟
ينفع يا جميل بس يكون الجير عالn ده الأسلم وممكن عالdاو R او اي وضعيه تسمح بتحرك السيارة ,,
بس الأفضل N ومتنساش يكون السويتش موجود في الكونتاكت
شكرا يا عثل ..
جبت عربية ولا لسة : )
ههههههههههههه
لسه والله يا جميل ,,
كنت خلاص حجيب أوبترا من الكويت بس حصل شوية كعبلة ,,ربنا يسهل
وانا راضي بتوكتوك ههههههههه
وانا راضي ببسكلتة :smartass:اقتباس:
المشاركة الأصلية كتبت بواسطة mohamed_88sk
ربنا يوفقك وتجيب العربية الي انتا عايزها .
موضوع تمام وفيه حاجات جديده عليا
ازيك يا اسلام يا رب تكون بخير ..
246456549874987 مبروك ...
كده هتسيب العصابه؟؟
نعيش ازاى من غيرك بقى هههههههه
مبروك عليك مقدما و متخفش الاوتو سهل و مفيهوش حاجه صعبه و طبعا انا مش هقول حاجه فيه بعد الى الناس قالته !
ما هو السويتش ؟؟ المفتاح يعنى ؟؟اقتباس:
المشاركة الأصلية كتبت بواسطة mohamed_88sk
ونفتح الكونتاكت ولا أيه ؟؟
طب لو أنا هتوقف على مطلع أو منزل
هجيب بردة N أو P ؟؟؟
?????????????????????????????????????????????????
where is the answer??????????
ولو هي مش شغالة نتبتدي اول حاجة بأيه ؟؟؟؟؟؟
فرامل برضه و d?????????
ما الفرق بين D و Ds ؟؟؟اقتباس:
المشاركة الأصلية كتبت بواسطة nasr-eldeen
هل ينفع أنقل من D الى R مباشرة أو العكس ؟
هل ينفع أنقل من D الى P مباشرة ؟
هل ينفع اركن السيارة على N مع الهاند بريك ؟
هل ينفع أنقل من P الى N الى D ؟
هل ينفع أنقل من P الى R مباشرة والعكس ؟
الاخ العزيزاقتباس:
المشاركة الأصلية كتبت بواسطة mga747
ترتيب الغيارات في العربيات الاوتو بيكون كالتالي من فوق لتحت
p
r
n
d
3
2
1
لازم العربيه تكون واقفه تماما في الحالات الاتيه
النقل من d الي r و العكس
لانك لو حبيت تجيب مارشدير و العربيه بتتحرك لقدام يبقي بتجني علي الجير بوكس تماما و العكس صحيح
اما بالنسبه لفكره انك تجيب p و انت علي ال d فده برضو خطر لازم العربيه تقف الاول تماما و بعد كده ترفع الهاند بريك و تجيب ال p
اما فكره انك تنقل من p الي n الي d فمش فاهم ايه الغرض ده جير اوتوماتك مش مانيوال يعني انت مش لازم تمور و بعد كده تمشي لقدام انما لو عايز و مصمم مفيش مشكله
و موضوع النقل من p سواء الي d او r مباشره مافيش مشكله طبيعي جدا جدا لأن العربيه و هي علي ال p بتكون واقفه
و بخصوص انك لما تركن العربيه تجيبها علي الn و ترفع الهاند بريك فاهقولك علي نصيحه من سبعاوي مباشره
لو راكن عمودي علي الرصيف و ضامن ان مفيش حد هيجي يخبطك و هو طالع او بيركن يبقي سيبها علي ال p و ارفع الهاند قبل ما تجيبه طبعا
لو راكن موازي للرصيف و في عربيات قدامك و وراك يبقي الاسلم انك تسيب الرعبيه علي الn و ترفع الهاند بريك علشان لا قدر الله حد غشيم طالع من وراك او قدامك ميجيش يحركلك العربيه و لو حتي زقه صغيره و هي علي ال p لأن ده هيخلي الفتيس يبوظ منك و هتلاحظ اداء غير مستقر للجير بوكس بعدها
ارجو اني اكون عرفت اوصلك المعلومه
الفرق كالتالي و الكلام عن اللانسر الاوتواقتباس:
المشاركة الأصلية كتبت بواسطة mga747
d ده اللي بيخليك تمشي لقدام و بيغير النقلات الاماميه بتاعت العربيه كلها علي حسب سرعتك لوحده من دون تدخلك
اما بالنسبه للds فمعروف ان بالاساس معظم الاوتو بيكون اربع نقلات اماميه و لما بتجيب الفتيس علي ال ds فأنت بتخلي العربيه تنقل ثلاث نقلات اماميه فقط دون استعمال النقله الاخيره الرابعه و ده بيفيدك لما تكون عايز تجري بسرعه بالعربيه ساعتها بتفضل علي النقله التالته و تحرق عليها
لو عملنا مثال بسيط في المانيوال
و كأنك حارق علي الغيار الرابع و مش عايز تجيب الخامس لأنك عايز تجري بسرعه
معلم والله على شرحك يااستاذ محمد
والله اسسسسسسسسسسسف بجد بجد عالتأخير دهاقتباس:
المشاركة الأصلية كتبت بواسطة mga747
اها السويتش هو المفتاح
وعشان تحرك السيارة لازم في اغلب السيارات يكون موجود في الكونتاكت
لأ مش شرط تفتح الكونتاكت
بص حضرتك ال Pاقتباس:
المشاركة الأصلية كتبت بواسطة mga747
حيوقف السيارة خالص ومش شرط ترفع الهاند
يعني شغال معاك لو مرفعتش الهاند
ال N
كأنه وضع المور في المانيوال
فلو حتجيب ال N ترفع معاه الهاند كمان
فالأفضل تجيب الP