الموضوع: brilliance frv is now 60000 km or 3 years

السلام للجميع
بمعونه ربنا قدرت اجمعلكم حوالي 275صورة للعربيةFRV فيها ادق ادق ادق ادق تفاصيل العربية من الخارج والداخل والموتور والشنطة وكل حاجة.
الصور واضح فيها كل تفاصيل العربية وموضحا كل المميوات و العيوب وكمان كل الاوبشنز اللي في العربية.
وبعد ما اتفرجت على الصور عرفت معلومات مهمة جداُ (بس الكلام ده في الصين مش في مصر )
زي مثلاً ان العربية نازل منها موتور 1300 وكمان 1600
العربية في منها اوتوماتيك و مانيوال / فول اوبشن وهاف اوبشن
راديو ام بس ثري و اوديو / تكييف ديجيتال وكمان مانيوال
مش حقول اكتر من كده حسيبكوا انتوا تكتشفوا الباقي من خلال الصور...
نسيت اقولكم ان السايت اللي جبت منه الصور دي مكتوب على كل الصور بس المشكلة انه بالصيني وانا مش فاهم حاجة فلو في حد يقدر يترجم يبقى ممتاز.
على فكرة انا بنصح كل الناس سواء اللي اشتروا او اللي حجزوا وكمان اللي بيفكروا في العربية دي يشوفوا الصور لأنها فعلاً دقيقة جداً وممكن تكشف حاجات كتير في العربية الناس مش وخده بالها منها.
مش فاضل غير تعليق سيادتكم على الصور وتقرير من الاخوة اللي اشتروا العربية واستلموها بحالتها ومميزاتها وعيوبها.
على فكرة انا من انصار حركة خليها تصدي ومودلها يعدي ...! ويا ريت الفكر ده يكون عندكم انتوا كمان علشان نهدي نار الاسعار شوية.
لكم جميعا فائق الاحترام والتقدير.
لتنزيل الصور اضغط على اللينك :
http://rapidshare.com/files/18305623...e_FRV.zip.html

كل الصور على اللينك ده
http://betterlife.myartsonline.com/Brilliance_FRV.htm

العربيه التجميع بتعها ممتاز بلنسبه لعربيه صيني و بالسعر ده عضمها ناشف اوي والفلاز المحطوط في البايبان بتعتها هو المشكله من حيث انك لازم تقفل الباب جامد شويه بس مش اكتر. تقريبا مش بتستهلك بنزين انا ابتديت اقلك شويه هو المفروض 6.5 لتر كل 100 كيلو بس انا مش شايف حتي عداد البنزين بيتحرك (معلومه هندسيه بماني متخصص كنترول سيرات مهندس ميكاترونكس يعني بس. نظام الكنترول والانجيكشن مركه بوش و دي اللي بتعمل لعربيات مرسيدس الانجيكشن سيستم بتعها يعني نظام حقن الوقود وديره كنترول العربيه من الناحيه الميكانيكيه فا ده حاجه تطمنك)روشه اخر حاجه وعلي فكره انا اخدتها ب 75000 فوريييييييييييييييييييييي يييييييي بس كاش وانا اعد وكانت اخر واحده و مشتريها من معرض في الهرم)وعقبال مجبلها كل اللي ناقصها(معلومه لمستخدمين السياره هتسمع صوت هوا جاي من عند الدوسات وانت بتدوس فرامل ده طبيعي متقلقش).........................م.كريم( eltaalab2007)

يا جماعه لو حد يعرف سعر السمعات يبلغني علشان انا عايز اركب للعربيه سمعتين في البيبان الوراني و لو كمان اي معلومات عن تركيب الانظار وسعره اكون مشكور اوي ليكو

م/كريم

انا ما عنديش عربية ولا أي حاجة بس كنت مع صاحبي عند محل كان بيشوف تسجيل لعربيته... كان الانذار الوولف ب 220 جنيه ضمان 5 سنيين ... و كان فى نوع تانى ب 110 جنيه ضمان 3 سنين كان صيني .... انا قريت كلامك عجبنى جدا ولما سألت عن الانذار قلت أقلك اللى اعرفه

وبالذات ان انت ميكاترونيكس ... حبيبي يعنى
م/مالك ... 3 ميكاترونكس ... malekmfg2005