معايا 60 الف ومحتاج عربية سواء فى الجديد او المستعمل

**Mohamed Awny91** · 04-01-2015 03:37 AM

المشاركة الأصلية كتبت بواسطة ahmzd

بنك فيصل لا غبار عليه في التقسيط والله أعلم .. وبناء عليه رأيي إنك تشتري حاجة جديدة تقسيط لإن المستعمل حاليا مش قد كده الصراحة .. وربنا يهديك للأصلح .

اه فعلا بنك فيصل محترم جدااا وتقريبا هو الوحيد اللي بيقسط إسلامي مع بعض المعارض. وانا لو جبت جديد مش هجيب غير تبع بنك فيصل ان شاء الله. بس الفكرة اني اجيب جديد واول مرة اسوق دي موضوع محير شوية.. لأن العربية لو اتخبطت هازعل جدا خصوصا لو غلطة مني يعني.

**ahmzd** · 04-01-2015 08:35 AM

المشاركة الأصلية كتبت بواسطة mohamed awny91

اه فعلا بنك فيصل محترم جدااا وتقريبا هو الوحيد اللي بيقسط إسلامي مع بعض المعارض. وانا لو جبت جديد مش هجيب غير تبع بنك فيصل ان شاء الله. بس الفكرة اني اجيب جديد واول مرة اسوق دي موضوع محير شوية.. لأن العربية لو اتخبطت هازعل جدا خصوصا لو غلطة مني يعني.

حضرتك خُد بالأسباب وسلّمها لله ، حتى اللي بيسوق بقاله 20 سنة زيي العربية بتتخبط منه عادي جدا هنا في بلدنا الجميلة حيث الميكروباص والتوكتوك والتربسكل والتاكسي والنقل والملاكي و... إلخ!! إنت اشتري أوتوماتيك عشان تسهّل المهمة على نفسك، واقعد لمدة شهر متواصل وبصورة يومية أو شبه يومية بتتدرب ع السواقة في أوقات وطرق رايقة وياريت يكون بصحبة حد بيعرف يسوق، ساعتها هتلاقي نفسك حفظت أبعاد العربية كويس وتقدر تدوس ف السواقة وإنت مطّمن .. وبعد كده الحرفنة تيجي مع الوقت وأهم حاجة حفظ ربنا وحمايته إن شاء الله، فالله خير حافظا وهو أرحم الراحمين.