الموضوع: اقتراحات وخبرات كل الاعضاء عربية جديدة ف حدود من 300 لـــ 400 الف

المشاركة الأصلية كتبت بواسطة ozy77

الجيب مش اوبشنز كتير .... الاودى اعلى من 400 الف

Audi A4 Premium A/T أقل من 400 الف جنيه مصري.

المشاركة الأصلية كتبت بواسطة Batman372

انا مجرب الاتنين و اقدر اقولك ان مواتير البى ام بصفه عامه بتوفر فى البنزين ....
لكن كتكلفه صيانات و قطع غيار ... البى ام بتصرف اكتر فى المدى الطويل ... بالاضافه لاعاده البيع لصالح مرسيدس ...حتى لو ٩٥ ...لان بعد الزيادات و الغاء دعم ال ٩٢ ... حيبقى الفرق يمكن ٢ جنيه فقط ...
لوحتخلى العربيه معاك اكتر من ٤ سنوات يبقى المرسيدس اوفر
لو حتبيع البى ام بعد ٣/٤ سنوات يبقى مفيش تكاليف اضافيه ... و القرار لك ...
تحياتى ...

وجهة نظر برضه ... بس لو انت تقدر تجيب bmw 316 اعلى فئة او مرسيدس c بس الفئة الاولى .. هتجيب ايه !!

المشاركة الأصلية كتبت بواسطة Mohamed_Rashad

Audi A4 Premium A/T أقل من 400 الف جنيه مصري.

انا معاك انها اقل ب 10 الاف .. بس برضه المقابل ف bmw اهم نقطتين مش متوفرين ف الاودى

1- bmw جر خلفى
2- bmw فيها نظام ايموبليزر

بعيداً عن الإختيارين دول حضرتك مفكرتش في الأوبل إنسيجينيا وتوفر 100 ألف جنية مش هتوفرهم غير في الفلوس بس إنما في الجودة والعفشة والموتور والاوبشنز تقريباً فيها كل حاجه . وده مجرد رأي مش أكتر وربنا يوفقك للخير والأفضل والأحسن

المشاركة الأصلية كتبت بواسطة hanaf2005

بعيداً عن الإختيارين دول حضرتك مفكرتش في الأوبل إنسيجينيا وتوفر 100 ألف جنية مش هتوفرهم غير في الفلوس بس إنما في الجودة والعفشة والموتور والاوبشنز تقريباً فيها كل حاجه . وده مجرد رأي مش أكتر وربنا يوفقك للخير والأفضل والأحسن

تسلم يا كبير ... ممكن ابص عليها واشوف برضه ... انا عامل الموضوع علشان اعرف اراء مختلفة مش علشان الناس تقولى ايه الاحسن البى ام ولا الفولكس ... انا فعلا شكل الانسيجنا كان بيبهرنى بس مافكرتش اشوف الاوبشنز بتاعتها ولا الامكانيات قبل كده

المشاركة الأصلية كتبت بواسطة hanaf2005

بعيداً عن الإختيارين دول حضرتك مفكرتش في الأوبل إنسيجينيا وتوفر 100 ألف جنية مش هتوفرهم غير في الفلوس بس إنما في الجودة والعفشة والموتور والاوبشنز تقريباً فيها كل حاجه . وده مجرد رأي مش أكتر وربنا يوفقك للخير والأفضل والأحسن

انت عندك حق انها ارخص ... بس ف المقابل ان ف اوبشنز كتير مش موجودة ف الاوبل وموجودة ف bmw وكمان ده كله كوم وان الاوبل دفع امامى ده كوم تانى ... وبرضه معلش الbmw مش اى اى برضه وليها هيبة

كلام حضرتك على العين والراس بس اللي انا بدور عليه أنا عايز إيه من العربية والغرض من إستخدامها وفي نفس الوقت قطع غيارها مش قصة تيل وطنابير والحوارات دي عشان الزيرو مش بتحتك بالكلام ده غير بعد إستخدام وإستهلاك شهور وسنوات وقصة إعادة البيع طالما فلوسك حلال الحمد لله ربنا هيباركلك في حياتك وعربيتك وفلوسك ودي مسألة إحنا مش بنتحكم فيها زمان الناس كانت بتخاف من حاجه إسمها فرنساوي دلوقتي البيجو والرينو والسيتروين مغرقين الشوارع كلها بحلوها ومرها وقصة عيوب الوكلاء هنلاقي الناس بتكره وكيل إسمه غبور وواخد من السوق أكتر من 30 % فالسوق المصري ملوش مقياس إنما أهم حاجه راحتك ومستقبلك مع العربية عشان البنزين والصيانة بعد نهاية الضمان ومدى توفر قطع غيارها بره التوكيل . وربنا يكرمك ويوفقك لما فيه الخير وأنا بساعدك مش أكتر أنا عن نفسي مش بتحيز لماركة معينه كله بالتجربة الفعلية وبتشوف مدى راحتك فيها وقناعتك بيها وإنت عايز إيه من العربية مع إحترامي إحنا في الرينج السعري ده بنفكر بعقلنا مش بنجري ورا كلام الناس بشوف مصلحتي فين وبتوكل على الله وعلى قدر إستطاعتي جبتلك مواضيع من المنتديات بتقرب لك سهولة إتخاذ القرار وربنا معاك وتحت أمرك .

http://www.nilemotors.net/Nile/39217...6i-2014-a.html

http://www.nilemotors.net/Nile/387349-2015.html

http://www.nilemotors.net/Nile/410598-inter-view.html

http://www.nilemotors.net/Nile/389525-a.html

http://www.nilemotors.net/Nile/438761-d.html

http://www.nilemotors.net/Nile/448575-a.html