استخدم زيت ايه لكرستاله عامله 240 الف كيلو لانها بقت بتاكل زيت

**ahmed_elmelih** · 01-01-2015 07:57 AM

السلام عليكم ورحمة الله
انا العربية بقالها معايا 4 سنين وعامله 240 الف بس بعد 200 الف غيرت طقم الاوسهات ولاحظت ان الزيت بينقص ورفعت العربية ملاقتش مكان تسريب بس الزيت بينقص بعد 4000 كيلو انا كنت بستخدم شل الاصفر مكنش بيكمل معايا 3000 والاقيه ناقص حطيت توتال 5w وبيعد معايا 4000 بس صوت الموتور احسن
ترشحولى نوع ايه للعربية يكون تقيل ومناسب

**asa3eed** · 01-01-2015 08:45 AM

المشاركة الأصلية كتبت بواسطة ahmed_elmelih

السلام عليكم ورحمة الله
انا العربية بقالها معايا 4 سنين وعامله 240 الف بس بعد 200 الف غيرت طقم الاوسهات ولاحظت ان الزيت بينقص ورفعت العربية ملاقتش مكان تسريب بس الزيت بينقص بعد 4000 كيلو انا كنت بستخدم شل الاصفر مكنش بيكمل معايا 3000 والاقيه ناقص حطيت توتال 5w وبيعد معايا 4000 بس صوت الموتور احسن
ترشحولى نوع ايه للعربية يكون تقيل ومناسب

التعاون الازرق .. ما فيش غيره او كالتكس اى زيت ابو 50 جنيه ده ... لازم تشوف الزيت إيه مشكلته .. لانه مش هينفع تمشى كده كتير

**borio1704** · 01-01-2015 04:26 PM

نقص الزيت يعتبر شيء طبيهي في أي موتور..

اللي مش طبيعي هو إن معدل النقص يكون عالي.

أولا.. الاختيار الصحيح للزيت بيفرق كتير .. ولو اخترت الزيت حسب توصيات الكتالوج. . اتوقع إن النقص يقل.

ثانيا.. ممكن جدا يكون عندك مشكلة في الموتور..

راجع الآتي بالترتيب اللي هقوللك عليه:

1- راجع أي تسريب من الجوانات.. زي جوان الكارتير أو جوان غطا التاكيهات

2- شوف بلف خرطوم الفايظ معلق ولا بيقفل ويفتح ( مكانه تحت خرطوم الفايظ في غطا التاكيهات من فوق ).. البلف ده سبب رئيسي في نقص الزيت... ولو معلق يبقى لازم يتغير.

3- لو غيرت الأويسيلات.. اتأكد كمان من أويلسيل ترس الفولام ( اللي على عمود الكرنك من ناحية اسطوانة الدبرياج ).

4- اعمل اختبار كبس على السلندرات علشان تتأكد إن الشنابر سليمة وإن الكبس محكوم كويس.. ولو الضغط طلع ضعيف.. يبقى الموتور محتاج نص عمرة قريب .. ودي كمان بتفرق جدا في استهلاك الزيت.

على العموم.. لو عايز مساعدة في اختيار الزيت.. يا ريت ترفعلنا صورة صفحة الزيت من كتالوج العربية

ويا ريت كمان تعدي على الموضوع ده.. هيفرق كتير معاك
http://www.nilemotors.net/Nile/341680-a.html

...