BBC News - Pharmaceutical industry gets high on fat profits
عرض للطباعة
والله ياجماعة انا مرتاح في الوقت الحالي ومش محتاج اهاجر عندي وظيفتي وشغل النت اللي يكفوني كأعزب
بس انا ببص لقدام عايز اعمل حاجه لعيالي اللي لسه ماجوش مستقبلا واخواتي الصغيرين علشان غلابه والحاج سافر 20 سنه ومش سايبلنا الا البيت اللي قاعدين فيه وبيقولنا كل واحد يكون ويجوز نفسه
بجانب اني لما اتجوز المسئوليات هتكتر وهحتاج دخل اكبر من الحالي بجانب المشاكل المعروفة زي مشاكل التعليم والصحه والطرق .... الخ
انا دالوقتي مش حاسس بيها لاني مش بخرج كتير لاني اعزب لكن لما اتجوز هواجه المشاكل دي كلها فعايز اختصر الطريق من دالوقتي احسن
ربنا يكرمنا بخوجايه محترمه ان شاء الله علشان مش عايز اتجوز مصرية
كلام مخالف للواقع
البيئة والمجتمع بتأثر تأثير شديد على النشأ رغم أنف الجميع
ولا يستطيع بشر أن يمنع تأثير المجتمع على أبنائه سواء أولاد أو بنات بنسبة كبيرة مهما فعل
إلا إذا كان سيبني لهم سجن ويضعهم فيه ويعزلهم تماماً عن المجتمع
لو بنتكلم في إقناع وتربية ده ممكن يحافظ بنسبة 30% أو 50 % بس كده
كلامك صح نسبيا لان مفيش حد بيربي صح
احنا المفروض نربي بالأقناع مش بانو كدا و خلاص لو انا مش متربي على الاقناع و اتربيت عالاجبار فانسى حكاية انك هتفضل كدا لانك طول الوقت هيكون جواك شك وبالذات لان في اهالي بتألف و تكدب ولما الابن يكدب
يعني لما ابنك مثلا ال13 سنة يجي يسألك لية متفرجش على أفلام أبيحة متقولش لانو حرام او تقولو لانو هيجبلك شلل رعاش اقنعو بطريقة سليمة و مناقشات و بعدين الواحد بياخد خبرة من احتكاكه اما انت لو اديتو الحاجة جاهزة فملهاش لازمة
الحكاية بالظبط عاملة زي الطالب الي فاهم الحاجة و الطالب الي حافظ الحاجة
الأولاني ممكن يناقشك التاني لو قلتلو "بخ" هيتردد ويشكك في كل كلامك
من اشد سلبيات الهجره الاحساس بفجوات الثقافة والعوالم والاغتراب والوحدة
بالاضافة للعنصريه الكامنة وعدم تقبل التفكير او طريقة العمل المختلفة
وكتير مهاجرين وقعوا في الفجوات والنبذ من المحليين واضطروا يعيشوا في جيتو ويعملوا مع اهل ثقافتهم فقط