الموضوع: سلبيات الهجرة

المشاركة الأصلية كتبت بواسطة أبو آسر

المقال حلو وقريب جدا من الواقع الأمريكي اللي بنشوفه متجسد في الأفلام بتاعتهم اللي أكيد بتجسد الواقع هناك بدقة
مش لازم أكون عايش في أمريكا عشان أقدر أستنبط الكلام ده .. الميديا مخلتش حاجة
لذلك أنا أفضل جدا أعيش في دولة أوربية ولا إني أعيش في أمريكا
مش تناكة ومش مسألة هو انت طايل والكلام ده ، بس فعلا اللي بيفكر يعيش في أمريكا لازم يأقلم نفسه على مجتمع مباح فيه كل حاجة وإنه ينسى أي قيم أو مبادئ اتعود عليها هنا حتى لو كانت الحياة هنا في المجمل أسوأ من هناك بس أنا شايف المجتمع الأمريكي مجتمع مفكك ومنهار اجتماعيا وأخلاقيا بزيادة عن الدول الأوربية مثلا

يا اخي تحس ان كاتب الفيلم عنده عقد نفسية
ومسلسل game of thrones يأكد الكلام ده
لان ازاي الكاتب تجيله الافكار الشنيعه دي !! ههههههه

المشاركة الأصلية كتبت بواسطة prof2013

يا اخي تحس ان كاتب الفيلم عنده عقد نفسية
ومسلسل game of thrones يأكد الكلام ده
لان ازاي الكاتب تجيله الافكار الشنيعه دي !! ههههههه

وانت بتتفرج عليه لية يانمس؟
وبعدين شوف السبكي و انت تعرف الافكار دي بتجيلو منين
ومعظم الحجات الي في المسلسل اساسا من الاساطير و تجميعة يعني زي لورد اوف زا رينجز و ضافو عليه بس شوية Nudity

المشاركة الأصلية كتبت بواسطة أبو آسر

يا أخي الكريم أمريكا عايشة على البلطجة على باقي الدول وعايشة على فلوس بعض سفهاء الخليج والمساعدات اللي بتصرفها دي مش كرم وسخاء منها ولكن لضمان ولاء الأنظمة الفاسدة عشان تقدر تنهب أكتر

امريكا يا حبيبي دولة متقدمة لانهم مبيرحموش،انت شغال او مش شغال
ممكن تكون رتبتك عالية جدا و تتطرد عادي
الي عاجبني في امريكا على عكس اوروبا التنوع في كل حاجة وكلو بتمنو طبعا

المشاركة الأصلية كتبت بواسطة SeiffoZ

احب بس اقول حاجات عن الهجرة وعن المعيشة فى الدول الاوروبية وامريكا بشكل عام ...

امريكا على سبيل المثال ، بالنسبة للمعماريين مثلا .. مرتبك فى امريكا مش بيكون عالى. بيكون بردوا يا دوب بيكفيك من ايجار شهرى ومصاريف اكل وشرب و و و .... بس هتلاقى تأمين صحى كويس (لو الشغل عملهولك) وجودة العيشة هناك افضل من هنا.

لكن هتتخلى عن اهلك وعيلتك وحياتك، وهتتحمل العنصرية (اه فى عنصرية، زى ما انت بتكتب هنا فى ابليكيشن الشغل او المدرسة او حتى اشتراك النادى دينك ايه، فى امريكا بتكتب عرقك ايه) ، هتتخلى عن عيشة قد تكون مرتاحة الى حد ما لانك هتدخل فى دوامة الشغل والعمل فى بلد مش بلدك واهل مش اهلك وعيشة مش عيشتك. و و و الخ ...

انجلترا مثلا هناك الطقس بشع، واعرف ناس بيجيلها اكتئاب من حالة الجو ومعظم الانشطة ان دور، ده غير غلو المعيشة جدا . غير ان الحياة مختلفة كتير عن هنا.

مفيش مكان جنة ... جودة المعيشة هناك افضل طبعا، لكن مين قال انى عايز النوع ده من المعيشة؟ يمكن تكون مبسوط هنا وتحوش فلوس تسافر تتفسح كل سنة.

غير كده اسأل نفسك انت عايز تعمل ايه، ايه هدفك فى الحياة؟ عايز فلوس يبقى تروح الخليج مش اوروبا ومش امريكا. عايز دراسة ؟ يبقى تشوف انهى دولة شاطرة فى المجال بتاعك وتروحه. عايز تخدم وتشتغل مع لاجئين وتقدم خدمات انسانية، يبقى تحاول تشتغل مع الامم المتحدة فى دول افريقيا الفقيرة.

الموضوع مش مجرد اتوبيس نضيف ولا جودة معيشة، الموضوع انت عايز ايه وتعمل ايه ونفسك فى ايه .. الموضوع هو انك تكون راضي وقنوع ومرتاح. الراحة النفسية هى الهدف المنشود. السعادة هى الهدف المنشود .

كلامك صح فعلا
امريكا مش للناس الي مسافرة سنتين يجيبو فلوس و يجو امريكا للناس الي عايزة تهاجر
يعني معلش يعني الناس الي في الخليج هتقبض بشهادتهم اعلى بكتير من الي في امريكا
في ناس في الخليج بتوفر 100الف جنيه شهري فاهم اية الرقم دا؟
انت اساسا علشان تبدأ تحط رجلك لسة هتاخد شهادة و الذي منو لو اشتغلت ديليفري جاي هتاخد مبلغ كويس يعيشك و يبسطك بس ملكاش مستقبل
زي ما سيفوز قال انت المكان المناسب ليك هو الي يخدم هدفك