تغيير طقم الجلب

**abokoko** · 01-01-2015 07:56 PM

امس غسلت العربيه فى البنزينه - وقبل الغسيل رشها سولار من اسفل
لقيت العربيه بعدها بقيت عش عصافير بتصوصو وبالذات الناحية اليمين
اليوم غيرت العفشجة كتالى
طقم جلب مفروض انه بولندى لكنه اكيد صيني ب85
لحام الجلب بالمقص ( بنطتين لكل جلبه + فك جلبة بالاوكسجين كانت محجرة) = 40 جنية
مصنعية العفشجى 130 جنية وكان عايو اكتر
لسه لم اظبط زوايا

حاليا العربية بتعمل صوت كانه احتكاك مع تخبيط فى المطبات وكل ما تزيد السرعه على المطب يبان الصوت
العفشجى قال نها السوسته بتريح على المقص فى المطبات وممكت تكون الكاوتشة اعلى السوست ( الياي ) مش مريحة

قال لى امشي عليها يومين تلاثة ونشوف الصوت هيروح او ارجع له
وااجل ظبط الزوايا

**ahmscu** · 01-01-2015 09:50 PM

مبدئيا طقم جلب بالسعر ده يبقى اكيد صينى ومش هيعمر معاك كتير،مصنعية العفشجى مبالغ فيها جدا(اخره لو غيرلك الطقم كله 70جنيه) ،حكاية سوسته وياي والكلام ده ملوش اى علاقه بالاصوات اللى بتسمعها،انا رايى يا اما الجلب مش كويسه او مش متركبه كويس،عموما حاول تغسلها بالسولار تانى،لو الصوت راح يبقى اكيد عيب جلب على ما اظن

**abokoko** · 02-01-2015 11:07 AM

المصنعيه فى محافظتى دايما مبالغ فيها - المرة اللى فاتت اخد 120
الصوت ربنا يستر هتابعه الومين دول و ارجع له

الجلب كانت احسن اللى موجود فى حدود المعقول
كان في مايلي ب200 جنيه ومرضتش اجيبها لانى اللى كانت راكبة كانت مايلي وب150 وقتها ومعمرتش بالصورة الكبيره اللى تخليني ادفع فرق السعر الكبير بينها وبين الانواع التانية

**Zing0** · 03-01-2015 10:30 AM

الجلب الصح تركب بدون لحام, بيكون لها شفه عالية تدخل مكانها و يتربط عليها الصامولة (طبعاً ده لو مكانها فى المقص مفيهوش لعب)
من 40 الى 100 جنية,,, جلب صينى طبعاً
الروسى الأصلى 120 (الواحدة بـ 15 ج)
المصنعية فعلاً غاليه, كان الله فى العون
بلاش ترشها سولار خالص, السولار بينشف الأجزاء الكاوتش و تشقق, إحنا بنرشها سولار فى آخر عمرها كمسكن للصوت
و المفروض بعد السولار تسيب العربية تتهوى و مترشهاش مياة خالص (ده سبب صوت الصوصوه)
أضبط زوايا علشان صوت الإحتكاك معناه عجل مقفول أو مفتوح فى الغالب
أعانك الله

**Mecha** · 03-01-2015 11:29 AM

اللحام فيالمقص مبيعدش,الاحسن تغييره كلو

**ahmscu** · 03-01-2015 04:25 PM

على فكره مايلى مش المانى زى مالناس متخيله،مايلى اتحاد اوروبى يعنى ممكن تكون اوكرانى -قبرصى-بولندى-او حتى اسرائيلى،هات الروسى الاصلى ماركة بلماج،انا لسه مركبها والحمد لله ممتازه(الطقم 120) ومن غير لحامات ،بتدخل كبس فى المقص،المقص لو فيه لحامات فى المناطق الحساسه يبقى لازم تغيره فورا،ده ممكن يعمل كوارث لاقدر الله

**abokoko** · 03-01-2015 09:27 PM

اللحام تم فى ال4 مقصات
يعنى لو هغير - يبقي محتاج اغير الاربعه كلهم
هو لحم لان الجلب بتركب ومكانها واسع

هنا محدش بيستخدم المكبس فى الفك او التركيب
( كانه حاجه دلع لما اطلبه )

العربية فى وجود الاسرة كاملة
مفيش اصوات وماشية عادى
؟