نصيحة لشراء هوندا سيتي

**ahmad_tahan** · 02-01-2015 08:54 AM

برجاء المساعده يا جماعة انا كنت خلاص نويت اشتري رينو فلوانس بس بصراحة لما شفت الهوندا سيتي عجبتنى جدا ولاقيت سعرها تقريبا زي الفلوانس اللي فيها نفس الاوبشنز..بس انا محتار الصراحة لأن الفلوانس منتشرة وسألت عنها وعن توكيلها وعرفت عيوبها ومميزتها فكنت واخد القرار وانا عارف راسي من رجليا..بالنسبة للسيتي ماعرفش عنها اي حاجة

فبرجاء المساعده تقولولي كل المعلومات زي:

مميزاتها وعيوبها
اخبار صيانتها وقطع غيارها
توكيلها كويس ولا لا وكل حاجة..
تقفيلها ياباني ولا ايه
وشكرا جزيلا مقدما

**M2014** · 02-01-2015 10:53 AM

السلام عليكم

الرابط المُرفق تفضَّل به زميلنا الغالى بالمنتدى ( ma7dy ) حيث يُقدِّم هوندا سيتى ٢٠١٤ موديل EX بتوكيل هوندا إيچيبت بدون إمكانية مرايات ضم كهرباء ، وللمزيد من المعلومات يرجى التفضَّل بالإتصال بالرقم المختصر للتوكيل وهو ١٩٨١١ودائماً وأبداً مفتاح الخير و التوفيق يكون صلاة الإستخارة و التوكُّل على الله سبحانه وتعالى .
خالص تحياتى

http://m.youtube.com/watch?v=7dEkx6Hh2ug#

**محمد نوح** · 03-01-2015 12:02 AM

متابع

**semsem85** · 04-01-2015 12:52 PM

انا هقول وجهة نظري بما اني املك سيتي 2005 وكنت في التوكيل يوم الخميس بعمل صيانة وشوفت السيتي الجديدة بجد عربية ما شاء الله تحفة من حيث الخامات اعتمادية وسع ارتفاع شنطة قطع الغيار اكيد متوفرة لو اقدر اشتري الجديدة مش هفكر في نوع تاني روح شوفها وجربها واسأل علي قطع الغيار وان كنت مش هتحتاجها الا بعد 5 سنوات علي الاقل مش هتحتاج غير فلاتر وزيوت وربنا يوفقك للي فيه الخير

**محمد نوح** · 06-01-2015 07:19 PM

سيارة رائعة لكن سعرها عالى

**samyyousef** · 06-01-2015 07:51 PM

كم سعرها

**hanyyacot** · 07-01-2015 10:43 AM

المشاركة الأصلية كتبت بواسطة semsem85

انا هقول وجهة نظري بما اني املك سيتي 2005 وكنت في التوكيل يوم الخميس بعمل صيانة وشوفت السيتي الجديدة بجد عربية ما شاء الله تحفة من حيث الخامات اعتمادية وسع ارتفاع شنطة قطع الغيار اكيد متوفرة لو اقدر اشتري الجديدة مش هفكر في نوع تاني روح شوفها وجربها واسأل علي قطع الغيار وان كنت مش هتحتاجها الا بعد 5 سنوات علي الاقل مش هتحتاج غير فلاتر وزيوت وربنا يوفقك للي فيه الخير

السلام عليكم , انا قدامى هوندا سيتى 2005 اوتوماتيك وانا طبعا باحب الهوندا , وكنت عايز اعرف من حضرتك السيتى عاملة معاك ايه وايه اهم عيوبها , وسعر ال 2005 مستعمل يكون فى حدود كام تقريبا , وشكرا للاهتمام

**semsem85** · 08-01-2015 12:54 PM

السيارة من وجهت نظري لا اجد لها عيوب قوية وتعتبر موفرة جدا للبنزين ب 8 بوجيه مما يعطي عزم قوووي وارتفاع عن الارض مناسب واتساع صالون وشنطة مرتاح قطع غيار متوفرة وسعرها الاصلي في التوكيل نف العر عند التجار قد يعتبر العض انه غالي ولكن مقارنة بعمره الافتراضي تجده عادي ... المهم تبحث عن سيارة جيدة غير شقيانه