و انت بتختار الفلوانس كنت بتقارنها مع مين؟ و ليه استقريت على الفلوانس فى الأخر؟

**yasser100** · 02-04-2015 11:43 AM

المشاركة الأصلية كتبت بواسطة amr gamal 01

انا خدت قرار الفلوانس بعد معناه مع السيراتو 2011 وبدأت رحله البحث وكانت كالاتي
1-السيراتو الجديده خرجت من المقارنه بدري بدري لان انا مش هاركب كوري تاني بعد ال انا شوفته السيراتو في كلمتين هي عربيه غير محترمه بس توكيلها محترم
2-الفورد فوكاس كانت ديقه وكمان غاليه اوي على الاوبشنز ال فيها وكمان مشاكل الناس مع الفتيس الفئه. ب 185 تقريبا فاضيه متتركبش غير من اول فئه ال 205
3-بيجو 301 منت خلاص هاحجزها لان انا ماكنش معايا فلوس الرينو لحد لما لقيت كل الناس هتجنن من الوكيل ومن مشكلها قلت مش جايبها وهأجل الشراء لحد ما اكون فلوس الفلوانس
4-هوندا سيفيك طبعا اسعار اخر هبل عربيه فاضيه فعلا ب 205 الف والكامله الهي بارضو فاضيه ب 225 ياخي ...
5-مازدا 3 ازاي تكون في سنه 2015 وتقبل تركب عربيه فتيس 4 نقلات وموتور 105 حصان ووكيل غبور ب 218 الف خلص الكلام
5-نيجي بقى للتويوتا كورولا عربي مش ثبتا تماما والبيقول غير كده مسأش فلوانس. انا سوقت الكورولا وجبت بيها لحد 160 وغرز ونفس الكلام في الفلوانس الكورولا طبعا بجمع بسرعه وكدا بث الفلوانس لا ثابته اكتر وعفشتها اريح. وكمان فئه الكورولا 190 لا تقارن ب الفلوانس اعلى فئه
نجي اه الشدني في الفلوانس
1-التوكيل المحترم
2-الثبات
3-اسعار قطع الغيار
4-اعلى اوبشنز بالسعر ده
5 -موتور نيسان وفتيس كمان نيسان

رأى يحترم من شخص جرب على الواقع

**Baron HK** · 08-04-2015 05:58 PM

أنا المقارنة عندي كانت بن الفلوانس والشارك وفضلت شهور محتار واستقريت على الشارك بس المدام قالتلي شكلها مش حلو والفلوانس أحلى...أنا عارف من البداية ان الفلوانس احلى بس كنت خايف من الرينو عموما وخصوصا سعر اعادة البيع واسعار قطع الغيار بس عملت استقصاء صغير كده اتضحلي في النهاية ان قطع غيار الشارك أغلى نوعا ما من الفلوانس رغم ان سعر اعادة البيع في الشارك اعلى بس انا قلت لنفسي انت مش بتركب عربية كل يوم توكل على الله في الفلوانس ولو خسرتلك 10 الاف جنيه زيادة عن الشارك عند اعادة البيع اديك حتتبسط بيهم وهي دي حكايتي :)

**Batman372** · 08-04-2015 07:06 PM

المشاركة الأصلية كتبت بواسطة baron hk

أنا المقارنة عندي كانت بن الفلوانس والشارك وفضلت شهور محتار واستقريت على الشارك بس المدام قالتلي شكلها مش حلو والفلوانس أحلى...أنا عارف من البداية ان الفلوانس احلى بس كنت خايف من الرينو عموما وخصوصا سعر اعادة البيع واسعار قطع الغيار بس عملت استقصاء صغير كده اتضحلي في النهاية ان قطع غيار الشارك أغلى نوعا ما من الفلوانس رغم ان سعر اعادة البيع في الشارك اعلى بس انا قلت لنفسي انت مش بتركب عربية كل يوم توكل على الله في الفلوانس ولو خسرتلك 10 الاف جنيه زيادة عن الشارك عند اعادة البيع اديك حتتبسط بيهم وهي دي حكايتي :)

تفكيرك و قرارك سليم :)
حتى لو عنده اعاده البيع الشارك افضل ... الفرق مش حيوصل ل ١٠ الاف ... هما ٥ بالكتير :)
تحياتى ...

**drcobra** · 08-04-2015 10:28 PM

انا لسة بفكر
والمقارنة محسومة بين الفليوانس والكروز
غالبا ان شاء الله فلوانس

**Hany Saad** · 08-04-2015 10:53 PM

المشاركة الأصلية كتبت بواسطة drcobra

انا لسة بفكر
والمقارنة محسومة بين الفليوانس والكروز
غالبا ان شاء الله فلوانس

العربيتين كويسين جداً، مبروك مقدماً

تحياتى

**pop3** · 09-04-2015 04:05 PM

السلام عليكم
كان معايا النترا وبعتها من اكتر من سنه و من وقتها وانا راكب العربية الصغيرة i10 لأني قررت اني مستعجلش و اجيب اي عربية وخلاص.
كانت المفارنة بين 3 عربيات مازدا 3 هاي لاين / فلوانس هاي لاين / سيفيك vti
المازدا:
• شكل خارجي و داخلي اكتر من رائع
• كمالات و تجهيزات محترمة جدا
• امان جيد
• رحابه و وسع غير مريحة لشخص متزوج و عنده اسرة العربية فعلا ضيقة من الخلف على الرغم من ان الكنبة الخلفيه عريضة.
• قطع غيار و توكيل ( غبور ) بس خلاص
• اداء غير مقنع بالمرة لانها بتنزل لاموتور القديم للأسف مع فتيس 4 سرعات فقط ولو العربية دي نزلت بالفتيس و الموتور الsky active هتكسر الدنيا.
• تمنها اعلي مش اقل من 30 الف جم من قيمتها الحقيقية.
209.000 بعد خصم غبور

الهوندا:
• شكل خارجي اقل من العادي و اقل من المتوقع من عربية بحجم هوندا
• شكل داخلي افضل كتير لكنه لايتناسب مع ما يعبر عن المظهر الخارجي للسيارة
• كماليات و تجهيزات جيده
• امان جيده جدا
• رحابة و وسع مريحة جدا وبتوفر مساحة محترمه للركاب في الخلف او الامام
• قطع غيار مش غاليه بالنسبة للمنافسين ليها المازدا و الكورولا و الاسترا و الأوكتافيا
• اداء رائع مع ثبات جيد جدا بتوفره عندا من خلال الموتور ال vti مع تحكم دقيق في نظام توجيه الدريكسيون اللي بيتيح المناورة بثبات.
• تمنها اعلى من قيمتها مش اقل من 20 الف جم
219.000 ال vti
الفلوانس:
• شكل خارجي متناغم مع تصميم الانتريور بتاعها لإختصار مظهرها داخليا و خارجيا ( راقي )
• كماليات و تجهيزات جيده الا في فئة ال navi وان كان ينقصها ماوس شاشه لبعدها عن متناول السائق خامات عالية الجوده و دهان خارجي غني.
• امان اكتر من رائعة و وجود كارت تشغيل المحرك بيدي ميزه الامان من خطر السرقة لا قدر الله
• رحابة حدث ولا حرج بالإضافة لفتحات تكييف بالخلف و نعومة واضحة على الطرقة الغير ممهده
• قطع غيار مناسبة نسبيا و وكيل محترم
• اداء جيد وثبات محترم جدا
• اكتر السيارات في قئتها تحقيقا لمبدأ القيمة مقابل المال
189.000 الهاي لاين

لسه مانفذتش لكني استخرت الله و نويت على الفلوانس

**ALshahba** · 01-06-2015 12:25 AM

بكام الهاي لاين 2016 فوانيس خلفيه لد ؟

**Dr. Assem** · 09-06-2015 08:59 AM

بعد مااستقريت على احتياجاتي اني محتاج عربية عائلية و فخمة. و شفت ميزانيتي. كان الاختيار بينها و بين الكارينز و الكورولا.

و الاتنين اغلى علشان اجيب اوبشنز بدون قيمة مضافة تستاهل فرق الفلوس من وجهة نظري

و قريت مقارنة الكوروللا مع الفلوانس في المنتدى هنا و كان فيها الرد الحاسم و النهائي

**amirz** · 07-02-2016 06:26 PM

انا كنت بقارنها مع الكروز والسيراتو وطبعا كنت طلعت تﻻلنترا من حساباتى وبعدها السيراتو عشان المغالاه اللى على الفاضى فى السعر فى عربيات مش شايف انها مستاهلة وكمان عشان الأستهتار بعوامل اﻷمان .. يعنى ممكن تلاقى عربية فتحة سقف والمفروض هاى ﻻين بس من غير اى بى اس حتى او فيها ايرباج واحد .. اخر عك .. الفلوانس سعرها كان مناسب وامكانيات هايلة وعوامل اﻷمان ثابتة فى كل الفئات .. ناس بتحترم حياة الانسان

مشاهدة نتائج الإستطلاع: كنت بتقارن الفلوانس مع مين؟

الموضوع: و انت بتختار الفلوانس كنت بتقارنها مع مين؟ و ليه استقريت على الفلوانس فى الأخر؟

LinkBack

أدوات الموضوع

عرض

-

-

-

-

-

المواضيع المتشابهه

esp في الفلوانس !!!

الفلوانس عربية عالية مفيش كلام : خلوص الفلوانس عن الأرض....Ground clearance

صوت طقة في الفلوانس

رقم لون الفلوانس

صوت في الفلوانس

الكلمات الدلالية لهذا الموضوع

المفضلات

المفضلات

ضوابط المشاركة