الموضوع: محتار في فئتين من الفلونس للشراء من الخارج

المشاركة الأصلية كتبت بواسطة care

أستاذ ميدو لو سمحت ايه انطباعك عن الفلونس فى السعودية
عشان ناوى اشترى 2015 نص فل
وهل هى ولا الكورولا الجديده
وهل ينفع نسجل مالك اول عشان لو حبينا ننزلها مصر واذاى ؟

وشباب فلونس تنصحونى بيها ولا لآ

وشكرا

صديقى العزيز بالنسبة لانطباعاتى عن الفليونس

الشكل طبعا مش محتاجة كلام سيارة فخمة و شيك جدااا
الامكانيات رائعة
الاداء السيارة عند استلامك لها سوف تلاحظ ان تسارعها او سحبها بطى لحد ما و ده بيتحسن مع الوقت بعد 3000 هتلاحظ فرق و بعد ال 10000 لن تلاحظ هذا و لو لاحظتة لن تجدة مؤثر اطلاقا السيارة ادائها يتحسن كلما مر عليها الوقت
السيارة بتجرى ما شاء الله و اقدر اقول انى بجيب بيها سرعات و بكون مش حاسس انها بتجرى انا جبت بيها لحد 190 بسم الله ماشاء الله مكانش فيه اى سيارة واقفة امامها بس علشان تبقى عارف السيارة سيارة فخامة و ليس جرى و لو انتى من هواة الجرى باستمرار و الغرز و خلافة الكورولا تعطى افضل من الفوانس
و لكن ارجع و اقولك بداية انطلاقها تختلف عن السيارات الاخرى ابطى منهم ليست مثلا مثل الكورولا التى انطلاقها افضل
بالنسبة للعزل انا شايفها عزلها رائع و بلسان صديق لى عندة كورولا 2014 ركب معايا و جرب الفليونس قالى لى ان عزل سيارتك افضل كثيرا من الكورولا

باختصار علشان متحتارش كتير

عايز جرى و غرز كورولا
عايز فخامة و شياكة فليونس
عايز ثبات فليونس
عايز امكانيات مقابل السعر فليونس
عايز اعتمادية اكثر كورولا
فى حين ان ايضا الفليونس انتشرت فى الفترة الاخيرة بشكل جيد جدااا
من هواة التغيير و البيع و الشراء كثيرا كورولا

بالنسبة لتسجيل مالك اول سواء الكورولا او الفليونس ينفع تسجل مالك اول
بالنسبة للكورولا التقسيط من خلال عبد اللطيف جميل مباشرا
بالنسبة للفليونس التقسيط ممكن من خلال الوكاله او من خلال البنك العربى او الاهلى و نصحية يبقى من خلال البنك افضل

ميزة اخرى

عند شرائك السيارة و بعد مرور 6 شهور لو حبيت تنزل اجازة ممكن تاخذ سيارتك معاك لمصر و ترجع مرة اخرى

بالنسبة للكورولا لابد ان تاتى بضامن سعودى و دوشة و وجع قلب
بالنسبة للفليونس تقدر تنزل بيها بدون اى ضامن سعودى كل ما عليك فعلة هو دفع قسط ثلاث اشهر مقدما
لكن لابد ان يكون مر عليك 6 شهور على شراء السيارة و تكون منتظم فى دفع الاقساط

و اى استفسار انا حاضر و اسف على الاطاله و لو كنت نسيت اوضح اى حاجة فمن فضلك لا تتردد فى السؤال

ربنا يهديك للصالح ان شاء الله

المشاركة الأصلية كتبت بواسطة semsem7777

شكرا على التوضيح استاذ ميدو يا ترى عندك في السعودية اسعار ها ايه وفئاتها ايه وهل يا ترى حضرتك تقدر تعرف الجمرك اللي حيدفع على السيارة كمان ثلاث سنوات حيكون كام

صديقى العزيز هنا فى السعودية يوجد ثلاث فئات
الاستاندر
و النص فل
و الفل اوبش
بالنسبة للاسعار مش متذكر بالضبط
لكن بالنسبة للفل اوبش حوالى 76,500 ريال

الجمارك حقيقة مش عارف بالضبط و لو عرفت اى شىء عنها هقولك ان شاء الله

المشاركة الأصلية كتبت بواسطة semsem7777

استاذ ميدو انا شوفت الكابشر تربو هنا في قطر هي شكلها تحفة بس شنطة صغيرة وكمان 1200 سيسي تربو زي القاشقاي تقريبا وحاسس انها النسخة الافضل من ال stepway اللي في مصر بس نازلة بسعر اغلى من الفلوانس وده مش ظريف على عربية زيها على ما اعتقد

معاك حق بالنسبة ليا الفليونس ملهاش منافس
الكابتش شوفتها شيك و حلوة بس الفليونس حاجة تانية
هى تقريبا فى حدود 70,000 هنا

المشاركة الأصلية كتبت بواسطة care

شكرا جزيلا ميدو
وشكرا على تحملك اسألتنا لان ما صدقنا لقينا حد يعرفنى خبرتة مع السيارة فى السعودية
وربنا يباركلك .

تحت امرك يا باشا احنا اخوات و اى استفسار او سؤال انا موجود