ارجو الاجابه مع ذكر الاسباب بدون تعصب
عرض للطباعة
ارجو الاجابه مع ذكر الاسباب بدون تعصب
الاجابة صعبة
ممكن اجاوبك لما اهاجر واشوف
)))):)
اهاجر ومش هرجع تاني نهائي الا بعد 30 او 40 سنة ان شاء الله
كفاية قوي كده على البلد دي .. كفاية قوي قوي
بالنسبالي .. الاسباب واضحة:
مفيش تعليم .. مفيش صحة .. مفيش اكل نظيف .. مفيش هواء نظيف .. مفيش شغل عدل .. كل حاجة بالواسطة .. لو ليك ظهر هتسلك فى البلد دي .. مفيش قانون .. احمي نفسك بنفسك .. اتفاوض وهات عربيتك اللى اتسرقت
هحكيلكوا على قصة حصلت امبارح
كنت نازل اقابل واحد صاحبي على باب العمارة تحت .. فوجئت بعربية ربع نقل نازل منها مسلحين ودخلوا على المكوجي اللى قدام البيت .. وبيجروه بالعافية على العربية .. جريت علشان اشوف في ايه كنا فاكرينها خناقة لقيناهم المباحث
المهم الساعة واحدة بليل لقيت الواد رجع تاني وشغال عادي جدا
ايه يابنى اللى حصل؟؟
قال انه كان مشغل الكاسيت في المحل على اغاني بصوت عالي .. المهم حد من الجيران مش عاجبه الوضع والصوت عالي .. نزل اتخانق معاه وضربوا بعض ..
الولد اللى نزل ده ابوه ظابط ... فبعتله عربية جابته واترمى فى الحجز ..
حظ الولد المكوجي ان في ظابط تاني اعلى رتبه كان بيتعامل معاه .. فراح الظابط ده سأله ايه اللى جابك هنا .. وعرف منه القصة وراح مطلعه وخلاه يروح على المحل بتاعه
الخلاصة .. احنا في بلد بنت ستين كلب مفيهاش قانون .. ليك واسطة عند ابو 50% هتسلك .. ليك واسطة وتعرف مستشار او قاضي هتاخد براءة .. واعرف ناس والله العظيم اتسجنت ظلم فى البلد دي لمجرد ان القاضي كان بيجامل الطرف اللى رافع القضية
بلا قرف !!
ملعون ابو دي بلد ماشية بالفهلوة
كفاية اللي احنا بنشوفه من الظباط والجيش من قلة ادب وتعدي علي القانون
وعمر البلد دي مهيتصلح حلها
عايز اسافر اصل لما اسافر هرتاح هعد علي مكتب سنه والسنه التانيه هكون صاحب شركة
عشان كل الي بيهاجرو مفيش شقي نهائي بيروحو يشتغلو بالمؤهل بتاعهم زي في مصر وبعد الشغل يروح المطاعم يعملو بهوات
والله لو مافيش غير إسرائيل هاروح بس اطلع من البلد دي بأي طريقه
حهاجر.. وهتكلم علي مصر كمان 30-40 سنه
انا داخل على 32 سنة وبيتهيألي كفاية كدا، عايزين نعيش كبني آدمين بقي، نفسي أهاجر مكان أشتغل فيه باللي اتعلمته، مش شرط أعيش عيشة عالية، بس أحس إني بني آدم زي الل يبنشوفهم عايشين
انا لقى مش عارف .. بحب مصر بكل سلبياتها و اما بسافر بتوحشنى بجنون
اول ما انزل اجازة و ابتدى احتك بالناس او اروح مشوار المرور مثلا احس انى مش طايق اقعد فيها ساعة واحدة و اول ما اسافر تانى و انا فالمطار الاقى نفسى عاوز ارجع
بس بأمانة و بدون حساسية ... انا مش عاوز ولادى يتربوا هنا بس مقدرش اسيبها غير طبعا انى الولد الوحيد لوالدى ووالدتى
أنا بس عاوز اتكلم على بعض النقاط لما اى حد بيفتح موضوع الهجره تلاقى الناس بتشتم فى البلد هنا وان مفيش ولا صحه ولا تعليم ولا مرور مظبوط ولا اى سيستم فى اى حاجه
طيب هل الحكومه لوحدها هى اللى هتظبط أداء البلد المفروض لو الحكومه عملت اللى ما يعمل والشعب مش عاوز يخلى البلد تبقى كويسه يبقى البلد عمرها ما هتبقى كويسه
يعنى مثلا اللى بيشتم فى المرور والصحه والدكاتره اللى مش شايفين شغلهم والممرضات اللى فى المستشفيات الحكوميه اللى بتعامل المرضى بطريقه سيئه
طيب ما كل المهن ديه اللى بيمتهنا احنا او قرايبنا يعنى لما بتروح اى جهه حكوميه تلاقى بسلامته الموظف اللى هوه انا او انت او قريبنا ده الشغل بادىء عنده الساعه 9 صباحاً تروح تلاقى طابور كبير واقف قدام سيادته وهوه كل البرود اللى فى الدنيا فيه وبيفطر هوه وزمايله قدام الطابور الطويل العريض ده ( هتقولى حقه انه يفطر ) ماشى يفطر سندوتشات لوحده انما تلاقيه عامل فرشه على المكتب وممكن يكون ضامم مكتبين جنب بعض وبيفطر مش سندوتشات لا جايب صينية فول من على العربيه عليها فول وطعميه وبصل وفجل وجرجير ولو حد اتكلم من المواطنين يحطه فى دماغه وميخلصش ليه مصلحته ويقوله فيه ورق كذا ناقص وهكذا
فالبلد مش هيتصلح حالها طول ما انا وانت واى مواطن من اول العامل لحد الوزير ما يشتغل ويراعى ضميره
فمثلا بالنسبه لحوادث الطرق ده بتحصل نتيجه كذا حاجه منها ان المهندس المرتشى اللى استلم الطريق بالعيوب اللى فيه ومنها الموظف اللى عمل اعمده نور بغباء ارتفاعها خمسين متر عشان اللمبات متتسرقش ومش مهم الشارع يبقى منور ولا لاء ومنها عدم اتقان العمل فى الرصف ومنها عدم وجود ضابط المرور اللى بينظم عمليه المرور
فكل الوظائف اللى مش شايفه شغلها ديه هى ناس مننا وفى الاخر اللى بيموت على الطرق ديه من قريب تلاقى اتنين ظباط وطالب ماتوا يعنى نتيجه الاهمال بتطول كل الناس يعنى المهندس المرتشى ده ممكن يكون الطالب اللى مات ده قريبه وهكذا
عمر البلد ما هتتطور الا لو كل واحد اخلص فى عمله وموضوع الرشوه ده انتهى تماماً
وده اللى مخلى بلد زى اليابان متطوره لانها بتعمل بتعاليم الاسلام وهى ليست بالدوله المسلمه
وربنا سبحانه وتعالى بيقول فى كتابه العزيز
بسم الله الرحمن الرحيم
" ظَهَرَ الفَسَادُ فِي البَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ "
صدق الله العظيم
(الروم:41).
أنا بسافر ألمانيا كتير و معايا الجنسية الألمانية و الفرق بين هناك و هنا في الناس نفسها مش في البلد ... لو المصريين كلهم راحوا ألمانيا و الألمان كلهم بقوا في مصر ... مصر هتتصلح و ألمانيا هتخرب ... الفكرة كلها في احترام عقلية اللي قدامك و احترام رأيه و دينه حتي لو مختلف معاك !!!
المصريين شعب مش ماشي غير بالكرباج و عايزين ياكلوا و يشربوا و يهيصوا من غير مايتعبوا عشان كدة مصر عمرها ما هتتقدم غير لما نخلص من الناس معدومة الضمير !!!
آسف لو كلامي offensive لكنه واقع أليم
الموظف اللي قاعد بيفطر 9ص وزمايله مين سابهم يعملو كدا ؟؟؟
مين اللي عمل الطابور الطويل والاجراءات المعقدة في عصر الحاسبات وخدمات البريد والدنيا شغاله بيهم.
المهندس المرتشي ليه ماتحاكمش وانطرد من النقابة وميمارسش المهنة دي تاني ولا حد هيشغله ويجوع
اليابان نظام رأسمالي قاسي بحت ولا يعرفو الاسلام من قريب او بعيد .اللي مش بيمشي علي نظامهم بيجيب اكله من الزباله
موضوع الناس تخلص من نفسها دا عالم مثالي خيالي
ولولا دفع الناس بعضهم ببعض .........الخ.
الحقيقه استمتعت بالنقاش الجميل في الموضوع هنا
و بالمره اذكر اسبابي الشخصيه :
1) الشاب المصري عشان يتجوز محتاج نص مليون جنيه علي اقل تقدير + انه هيتربط في الساقيه عشان يصرف علي المدام و عيالها لحد ما يموت بدون اي ترفيه او حتي كلمه شكرا
2) مفيش شغل محترم بمرتب محترم الا لما يكون معاك واسطه تقيله و حاول بقي ترد الجميل ده في اي حاجه لو عرفت
3) لو فتحت مشروعك الخاص هتلاقي الزباين او العملاء بتوعك بيطلعوا الفلوس من لحمهم الحي كأنهم بيدوك صدقه هما مجبرين عليا+ الفصال و المعامله المقرفه
4) النزول للشارع اصبح مغامره لان ممكن يجيلك غيبوبه سكر او ارتفاع مفاجئ في ضغط الدم نظرا لاخلاقيات الناس و حاله المدقات اللي بنمشي عليها + المهارات الرهيبه لقائدي العربيات
5) قطع كهربه + مياه ملوثه + انترنت قذر يعني من الاخر بنيه تحتيه معدومه و مفيش امل في اصلاحها
6) مستوي التعليم "صرف صحي" سواء حكومي او خاص
7) مستوي الطب و العلاج و المستشفيات في خبر كان
8) تطفل من الاخرين و حسد و حقد طبقي لحد ما تبقي تحت الصفر عشان الناس دي ترتاح
9) ثقافه صفر + امن صفر + اقتصاد تحت الصفر و عايشين علي المعونات
10) مفيش حريه من اي نوع و اللي مش عاجبه بيتجاب من قفاه كأنه بينشر الالحاد
كفايه النقط دي
مفيش حد قال لما تسافر هتعد علي مكتب و تاني سنه هتكون صاحب شركه
مفيش حد قال ان اللي بيهاجروا مش بيتعبوا او بيشتغلوا بالمؤهل بتاعهم او بيبقوا بهوات
علي الاقل اللي بيهاجروا بيتعاملوا معامله ادميه و بيعيشوا زي البني ادمين الطبيعين بغض النظر عن مستواهم العلمي او هما بيقبضوا كام
طبعا مش في كل الدول الكلام ده
عموما انا بتمني ان حضرتك تفضل في مصر علي طول حضرتك و كل عائلتك و اصدقاءك و تستمتعوا بالنهضه المصريه :)))))
لا بقي شخص منتج يحترم القوانين و بيقدر يبتكر و يفكر و يبدع كمان ... هنا مثلا ممكن تلاقي حد بيرمي المهملات في الشارع عادي و يقولك ماهو كدة كدة مش نضيف ماجتش عليّ إنما هناك لو حصل كدة (مع إنه مستحيل) بيدفع غرامة فورية ... بس الفكرة مش في الغرامة لأننا هنا برضه هنقول عادي ندفع الغرامة و نكمل في السكة الغلط ... للأسف "الأنتخة" بقت طبع فينا بس ده ممكن يتغير في لحظة لو تغيرت الأسباب المؤدية ليه ... هناك بتتعب فعلا و بتلاقي إنما هنا للأسف ممكن تفضل تتعب علي شوية ملاليم في الآخر إلا لو هتشتغل شغلانة مش شريفة و مش لازم أوضح النقطة ديه ... هناك العيشة غالية برضه بس المقابل المادي كويس و بعدين انت هناك مش بتبقي شايل هم أي حاجة خالص ... مش بتحتاج تحوّش يعني ... أولادك هيتعلموا و يتعالجوا علي حساب الدولة ف انت الراتب بتاعك بيروح للرفاهية و ديه نقطة معدومة في مصر ... هناك صعب جدا تحوّش لأن اللي جاي علي قد اللي رايح بس already انت لو مش بتاخد راتب الحكومة هناك بتتديلك راتب ل 3 سنين و خلالها بتحاول تدورلك علي شغل ... الفكرة هنا في البطالة و عامة أنا بحب مصر ف مش هأفضل أعدد في الحاجات الوحشة !!!
مصر هتبقي جنة و أنا متأكد من الكلام ده بس لو البلد بطلت تتقلب و الحكومة حست بالشعب الغلبان ده يعني لو الحكومة بتوفر الخدمات الأساسية للشعب زي برة هتعرف تخلق جيل يقدر يشتغل و يعمل أحلي أداء ... التخطيط الإقتصادي في البلد ضايع !!!
أنا مش حابب أتكلم أكتر من كدة هنا ... لو عايز تسأل عن حاجة تاني تعالي inbox
انا ضد تمام وضع اللوم علي الشعب، انا اشتغلت شويه في حاجه اسمها change mangement, و اول حاجة بتتعلمها ان التغيير بيبتدي من فوق و لازم يستهدف حاجات معينة يمكن قياسها و عادة بتبدي بالسهل و تحط خطة طويلة المدي، معني كدا ان تبتدي بالprocess, زي مثلا معاملات المرور، سهل تجعلها ابسط و هتيدك مردود و دفعة كبيرة تخلي الناس تثق فييك تروح لحاجة اكبر، يبقا بالتاكيد البداية مش من الناس او حتي المبادرات المجتمعية محدودة التاءثير
انا فعلا بتمني اولاد والعائله تعيش في بلدي مصر معلش اصلي بحب بلدي ممكن زيادة بالنسبه لحد تاني بس بحبها
انا ولدي عاش في امريكا اكثر من١٨ سنه وانا رفضت من زمان حتي من قبل مجوز اني اروحها ووالدي اتوفي هناك وجبته مصر بلده وهيا ديه وصيته انه لو اتوفي هناك نجيبه بلده وعلي فكره اتوفي في حادث هناك والجاني حر طليق عشان المجني عليه مصريه
هو المطار بقى منفد على المنتدي
عاوز اهاجر علشان انسى
مشكله البلد دى شعبها
و ثقافه البقاء للاقوى و الفهلوه
و بالتالى عمر ما البلد دى حتتقدم او تنضف سواء حصلت ثوره او لا
ولو حصلت ثوره تانيه نفس الشعب ده حيرجع نفس العصابه القديمه زى ماحصل قبل كده
و بناء عليه اختيارى عاوز اهاجر و مارجعشى البلد دى تانى
و هو مين قالك كده !!!
كان فين الشعب المصرى فى الثلاثينات و العشرينات ؟؟؟ كان فى الارياف شغال بالسخره فى عزب الباشا و الاقطاعى
كان شغال فعليا بالكرباج - اللى بتشوفهم بقمصان مكويه فى الصور اللى بالابيض و الاسود فى مصر الجديده و الدنيا فاضيه حوليهم و نضيفه دول مش مصريين اصلا دول الاجانب اللى كانو واخدين خير البلد
طلع المصرى فى الصوره دى
[sor2]http://www14.0zz0.com/2010/04/25/18/500783515.jpg[/sor2]
ولا فى الصوره دى
http://www.ahl-zaman.com/wp-content/...26-595x375.jpg
و قصه الموضه اللى كانت بتنز فى مصر قبل باريس لأن وقتها كانت مصر سوق "انجليزي" كبير زى دبى حاليا الفارق ان السوق ده كان تحت اداره انجليزيه يعنى مش شطاره مننا و لا حاجه
التقدم اللى كانت فيه مصر فى الوقت ده ماكنشى بسببنا و لا كان خيره لينا - يعنى مصر مثلا اول بلد يبقى فيها سكه حديد فى الشرق الاوسط - السكه الحديد دى اصلا ماكنتشى اتعملت لسفر البنى ادمين لمده طويله و كانت بتنقل القطن بس من الصعيد علشان يتباع فى الاسكندريه بسرعه !!!
يعنى دول المصريين فى الفتره اللى بتقول عليها
[sor2]http://t1.gstatic.com/images?q=tbn:ANd9GcSm50-WY5N15gz9e54ciXbITSKSYCf6TvTnx8ULggQesxzTGsWQ[/sor2]
و معظم المصريين كانو كده
http://www.ahl-zaman.com/wp-content/...80-595x375.jpg
وللاسف بقى طبيعه فى الشعب ده انه مابقاش يمشى غير بالكرباج (زى كرباج السخره)
و لغايه الناهرده احنا شعب مش بيمشى غير بكرباج
الصور اللي انت جيبها لمصريين بسطاء ولا كانوا فهلوية ولا بلطجيه فلاحين من احسن الفلاحين ,وكان فيه كتبة وموظفيي الحكومه غير مرتشين,ومنهم اغنيا زي طلعت حرب وعبود وقطاوي والجمال ومنهم مفكرين ومبدعين زي طه حسين والعقاد ومشرفة وعلي مبارك والرافعي
السكه الحديد اول خط القاهرة للسويس مع افتتاح القناة
كمان مبنكلمش عن الرفاهية انت بتقول ( ثقافه البقاء للاقوى و الفهلوه )
مكنتش الامور بالسوء دا. الغالبية كانت محترمة وملتزمه
السخره اتلغت مع اخرالقرن 19 ,ومتنساش ان فرنسا قبل ثورتها كانوا عايشين سخره وجلد غير الجوع اللي كان متفشي رغم غني الارض
البني ادم واحد في كل مكان المهم ازاي تديره وتطبعه
تعصب لية انت لو بصيت لعدد النجوم و المجرات و كوكب الارض و انواع الكائنات الحية كالقلقااس و السحالي والانسان
هتلاقي نفسك انسان كائن حي اتولدت في مصر تحديدا
سبحان الله و لا حول ولا قوة الا بالله
ثانيا
انا هجرت الحمدالله و طلع عيني لحد مخليت ابني جنسيتة بريطانية مع اني مش معايا الجنسية بس اقامة دائمة و دة عشان اوفر علية العذاب و المؤامرة الكونية علية لو بقي مصري
والاجابة علي سؤالك انا افضل الهجرة و لحد تلت شهور كنت بفضل العيشة في مصر لكن نزلت اجازة اسبوع لقيت مصر محضرالي خبووووو@#@(*$ر و معرفتش ارجع
حجزت تذكرتين و نزلت لقيت و احد صاحبي بيقولي انت خلاص اجازتك اسبوع قلت ايوة قالي هتسافر ازاي من غير تصريح سفر قولتلو انا واخد تاجيل لم يصبة الدور و الاعفاء نهائي بعديها لان انا 28 سنة قالي لازم تصريح سفر حتي لو معاك اعفا رحت منطقة التجنيد قالولي البطاقة منتهية و جواز السفر مينفعش عملت بطاقة جديدة مستعجل و رجعتلهم قالولي فين شهادة التاجيل القديمة قلتلهم اجبها منين انا دلوقت انا جي استلم الاعفا رحت القسم عامل بدل فاقد ورجعت يوم كامل واقف مستني استلمها وال يعرف مجند بياخدها الاول
قلت الحمدالله قالولي لازم تروح تختم من الجوازات انك مش في التجنيد رحت قالولي الختم دة كان للجواز القديم الكبير لازم تعمل جواز جديد لان الجواز المميكن بتاعك فية مطلوب للتجنيد لازم تتغير طب انا مسافر بكرة قالولي معلش المرة الجية اعمل حسابك تنزل اجازة اطول
حلفت مانا راجع البلد بنت ^%^%^# دة تاني
من واقع كلامي وتعاملي مع أجانب كتير
مصر بلد كويسة زي أي بلد في العالم وفيها نفس المشاكل اللي في أي بلد
ومقابلتش حد عاجبه حاله ولا حتى في أمريكا ولا ألمانيا ولا انجلترا ولا ولا ولا
بالظبط كده
بس فيه لغز هنا
المصري لما بيروح البلاد دي بينجح وبيرتاح في العيشه هناك ومش كلهم طبعا لان فيه اللي مش بيستحمل الغربه
اما الاجانب مش بيرتاحوا في العيشه هنا وبيحنوا لبلدهم تاني حتى لو مكانوش مرتاحين
بدليل الجوازات الفاشلة لمصريين من اجانب وخاصة الانجليز
الحكايه كلها ان الممنوع مرغوب
انا اشتغلت مع اجانب في مصر قاعدين فيها من السبعينات وكانوا بيتحايلوا عليهم يروحو فرع في هانوفر وفرع في كنساس وهما ابدا.
لما سالتهم قالولي الضرايب وعاجبهم الشمس ورخص الحياة وعاجبهم الاكل المصري ومنهم اجوز عراقيه ومصرية