اقتراح بسيط للقضاء على الدروس الخصوصية

انا تعبنت من اللف بالبنات على الدروس الخصوصية عندى ثانيه ثانوى وثانيه اعدادى وخامسه ابتدائى
ونبذل قصارى جهدنا انا وامهم لتعليمهم كويس لكن عبء التعليم فى بلدنا فظيع ويقطم الضهر وربنا يكون فى العون
وحتى ينعم المصرى بحياه هادئه بدون نكد بسبب المذاكرة توصلت لحل بسيط جدا لمشكلة التعليم
اولا تقسيم العام الدراسى الى اربع اجزاء وليس جزئين يمتحن الطالب فى كل جزء ربع المنهج فقط يعنى زى امتحان الميد ترم كده بس بشرط ان الجزء اللى امتحنه الطالب ميجيش مره تانيه فى امتحان الترم وبالتالى هيكون عبء المذاكرة اقل بكتير جدا
ثانيا ميجيش فى الامتحان اى اسئله تقيس الحفظ نهائيا يعنى ممنوع اسئله بما تفسر واسئله علل واسئلة اشرح واى اسئله يكتب فيها كلام كتير بل لابد ان يكون الامتحان صح ام خطا مع التصحيح واسئلة اختار واسئلة اكمل واسئلة المصطلح العلمى او ماتدل عليه العبارة

لو وزير التربيه والتعليم عمل حلين دول انا كأب مش هدى اولادى دروس خصوصيه واهو حل بسيط مش هيكلف الدوله مليم طبعا انا بتكلم على امتحانات النقل فقط امااثانوية العامه فى اقتراحات تانيه ليها
اسف للاطاله بس حبيت افضفض

ربنا يكون في عونك و الله

الف شكر
ايه رايك فى الاقتراح

والله اقتراحين ممتازين. فالشركات المالتي ناشيونال الكويز اللي بيبقي بعد كورساته الاون لاين بيبقي صح وغلط واختيارات وبيبقي صعععععب بس الناس بتستمتع وبتحاول تبذل قصاري جهدها للتفكير واختيار الصح مش بتبدل قصاري جهدها فالكتابة في الك والعك.

موافق عالاقتراحين. وربنا يكون في عونك.

هو حل كويس جدا بس فى مصر فى خلال 5 سنين هيتعمل بنك اسئلة مش هيخرج منه الامتحان الطلبة هتحفظ الاجابة وخلاص من غير مايفتحوا المنهج اصلا

اقتباس:

---

المشاركة الأصلية كتبت بواسطة maged

الف شكر
ايه رايك فى الاقتراح

---

اقتراحات ممتازه بس مين اللي هيعمل بيها؟؟؟‎
‎

متحاولش : المدرس المصرى زى الميكانيكى المصرى مش حيغلب و حيلاقى 100 طريقه يحط إيده فى جيبك و جيبى و يغرف

أسئلة للحفظ أو أسئلة للفهم برضه الناس حتروح بأولادها للمدرسين الخصوصيين .

وزارة التعليم و وزير التعليم إيدك منهم و القبر : لا يوجد منظومة تعليم من الأساس فى مصر علشان نحكم عليها بالفشل مش النجاح . الكادر و تطوير المعلم و النخع اللى بيصدعونا بيه ده كلام فارغ .

أنا أدفع دروس خصوصية لبنتى أولى ث و إبنى 6ب حوالى 2500 جنية فى الشهر . مادة الرياضة للبنت بس 8حصص فى الشهر * 40 جنية = 320 جنية و المجموعة 8 تلاميذ يعنى 2560 جنية من مجموعة واحدة يعنى لو 4 مجموعات فى اليوم يبقى مش أقل من 30 ألف فى الشهر . عايز بعد كدة الوزير يقوله حنديلك كادر و ذاكر و إعمل دبلوم علشان توصل 5000 جنية و ماتديش دروس .طبعا إنت عارف رد المدرس إيه ( إحتراما للمنتدى مش حأقول ).

المدرسين بقوا فئة قذرة لا تراعى أى ضمير . أبسط حاجة إنه يشرح فى الحصة لكن ده ما بيحصلش .مثلا بنتى أول السنة قالتلى مدرسة الإنجليزى ( مدرسة ثانوية حكومية بنات ) فى أول حصة قالت لهم طبعا كلكم بتاخدوا دروس يبقى مش عايزة وجع دماغ اللى أكتبه على السبورة تنقلوه فى الكشاكيل زى ما هو .


تجربتى مع الدروس الخصوصية لا تسع لها سيرفرات هذا المنتدى

اسف اراح غلط تماما.
انا حاليا في جامعة بس من واقع خبرتي الدروس دي عياقة و كبرت في الجامعة و سموعها كورسات
معلش يعني انا تعليم حكومي في المنصورة و كانوا بيشرحوا كلهم بدون استثناء بس العيال بتقول اشمعنى انا مرحش درس هو انا اقل من صاحبي و مش فاهم ان دا معناه ان عندو قصور عقلي
انا بقلهالك من واحد مجرب الدروس غلط على عيالك هيطلع طالب غبي دا لو مكنش متخلف عقليا وسامحني في لغتي
الطالب متعود من وهو في حضانة على ان واحد يديلو المعلومة وهو مجرد مستقبل عمر ما الطفل هيفهم ازاي يفكر او يطلع المعلومة بنفسو و هيحس ان التعليم دا شيء خرافي و من اساطير الاغريق و العلماء دول انصاف آلهة و تمدهم قوى خفية بالعلم
لما تشوف كل الي معاك متنحين في سؤال مباشر بس مجاش بنفس الفورمة الطبيعية هتعرف قد اية احنا بنخلي طلابنا متخلفين
انا شايف انك تقعد بناتك الي تحت الثانوي و تعلمهم تنظيم الوقت احسن
و بالنسبة للي فب ثانوي مش هتلحق تتعود فخليها كدا
و حكاية انهم يخلوهم 4 اجزاء لية يعني؟؟ هو التعليم انت بتاخدو و هترميه؟ يعني لو حاجة متعلمها في اعدادي المفروض متتككررش في الثانوي
انا في تجارة و معايا ناس بتسال ازاي تختصر في مادة الرياضة و يقولك اصلي كنت ادبي الاختصار بتاع الاعدادي!!
انا شايف ان التعليم المفروض يكون بفلوس لان التعليم المجاني عمرو ما هيكفي 40مليون طالب مثلا

اقتباس:

---

المشاركة الأصلية كتبت بواسطة maun00

اسف اراح غلط تماما.
انا حاليا في جامعة بس من واقع خبرتي الدروس دي عياقة و كبرت في الجامعة و سموعها كورسات
معلش يعني انا تعليم حكومي في المنصورة و كانوا بيشرحوا كلهم بدون استثناء بس العيال بتقول اشمعنى انا مرحش درس هو انا اقل من صاحبي و مش فاهم ان دا معناه ان عندو قصور عقلي
انا بقلهالك من واحد مجرب الدروس غلط على عيالك هيطلع طالب غبي دا لو مكنش متخلف عقليا وسامحني في لغتي
الطالب متعود من وهو في حضانة على ان واحد يديلو المعلومة وهو مجرد مستقبل عمر ما الطفل هيفهم ازاي يفكر او يطلع المعلومة بنفسو و هيحس ان التعليم دا شيء خرافي و من اساطير الاغريق و العلماء دول انصاف آلهة و تمدهم قوى خفية بالعلم
لما تشوف كل الي معاك متنحين في سؤال مباشر بس مجاش بنفس الفورمة الطبيعية هتعرف قد اية احنا بنخلي طلابنا متخلفين
انا شايف انك تقعد بناتك الي تحت الثانوي و تعلمهم تنظيم الوقت احسن
و بالنسبة للي فب ثانوي مش هتلحق تتعود فخليها كدا
و حكاية انهم يخلوهم 4 اجزاء لية يعني؟؟ هو التعليم انت بتاخدو و هترميه؟ يعني لو حاجة متعلمها في اعدادي المفروض متتككررش في الثانوي
انا في تجارة و معايا ناس بتسال ازاي تختصر في مادة الرياضة و يقولك اصلي كنت ادبي الاختصار بتاع الاعدادي!!
انا شايف ان التعليم المفروض يكون بفلوس لان التعليم المجاني عمرو ما هيكفي 40مليون طالب مثلا

---

إنت مركز قوى على التلامذة و الطلبة طيب إيه النظام مع أجيال من المعلمين مستواهم العلمى زفت

اقتباس:

---

المشاركة الأصلية كتبت بواسطة ahmedwagdy03

إنت مركز قوى على التلامذة و الطلبة طيب إيه النظام مع أجيال من المعلمين مستواهم العلمى زفت

---

ماهو المدرس نفسو كان طالب حافظ و لقى الدروس سبوبة حلوة فقال انا هدخل احفظ العيال كلمتين
تيجي تسأل المدرس يقلك هو كدا
انا مركز مع الطلبة و أولياء الأمور لان الحكومة لو حطت مرتب 5 الاف جنيه للأستاذ عمرو ما هيوصل لدخل الدروس الخصوصي و عمرهم ما هيقدرو يمنعوهم ودا كان واضح من سنين انا فاكر ايام الابتدائي كان في الدرا
فالاهالي هي الي تقدر تبطل
واديك قلت بتدفع 2500 شهريا في 8 شهور عالاقل يعني 20الف سنويا
طب ما لو الوزارة خلت المدارس الثانوي ب5 الاف مثلا شهريا مدرسة زي مدرستي كل سنة فيها 1200 طالب يعني 3600 طالب يعني 18 مليون جنيه من مدرسة واحدة بس
دي تكفي انك تشهيص المدرسين و تشهيص الطالب تخلي المدرسة 6 فترات حتى لو عايز ولو كل فصل فيه 20 طالب عدد مقبول ويكون في معامل و اقدر فعلا اشوف التجارب الي بسمع عنها في الكتب دي وهيكون في احتكاك بيني و بين المدرس فعلي
وكمان هيفيض فلوس للوزارة
ومتقوليش 5000 سنويا دا مبلغ لان ارخص اخص دروس اغلى من كدا
وبصراحة كتب المدرسة جميلة جدا بس الطلاب مش عجباهم لانهم مش بيعرفو يطلعو المعلومة منها
عايزك تبص في مذكرة معظم الطلاب هيطلعولك بالتقليعة بتاعة الهايلايتر و التخطيط و تلاقيه داهن الصفحة كلها
والطالب الي مش فاهم

ربنا يعينك و يوفق اولادك

اقتراح جميل...لكن ممكن نسهلة اكثر...لماذا لا يكون الامتحان اسبوعي....

و اقتراح حضرتك او ايه اقتراح سيظهر، لازم يواكبة حاجتين: 1- تغيير مناهج...2- تدريب معلم

فما الذي يقوم به المدرس تحديدا في الدرس الخصوصي ..سواء في المدارس او الجامعة ؟؟؟ هو انه يجعل الطالب محترف امتحانات...بيمرنه اذاي يجاوب....اذاي يجيب درجات

اقتباس:

---

المشاركة الأصلية كتبت بواسطة samyyousef

ربنا يعينك و يوفق اولادك

اقتراح جميل...لكن ممكن نسهلة اكثر...لماذا لا يكون الامتحان اسبوعي....

و اقتراح حضرتك او ايه اقتراح سيظهر، لازم يواكبة حاجتين: 1- تغيير مناهج...2- تدريب معلم

فما الذي يقوم به المدرس تحديدا في الدرس الخصوصي ..سواء في المدارس او الجامعة ؟؟؟ هو انه يجعل الطالب محترف امتحانات...بيمرنه اذاي يجاوب....اذاي يجيب درجات

---

الدروس فيدتها بتديك درجات بس بطلع حمار
لو الطالب تعب نفسو وفكر و ووصل للمعلومة لوحدو من غير مدرس خصوصي هيكون احسن بكتير
:_Alshmokh22[1]:

اقتباس:

---

المشاركة الأصلية كتبت بواسطة samyyousef

ربنا يعينك و يوفق اولادك

اقتراح جميل...لكن ممكن نسهلة اكثر...لماذا لا يكون الامتحان اسبوعي....

و اقتراح حضرتك او ايه اقتراح سيظهر، لازم يواكبة حاجتين: 1- تغيير مناهج...2- تدريب معلم

فما الذي يقوم به المدرس تحديدا في الدرس الخصوصي ..سواء في المدارس او الجامعة ؟؟؟ هو انه يجعل الطالب محترف امتحانات...بيمرنه اذاي يجاوب....اذاي يجيب درجات

---

المناهج مش هتتغير لان يظهر معمولها حجاب اكيد فى سر فى الموضوع
والمدرسين ميهمهمش التدريب اللى يهمهم الفلوس الكتير قوى من الدروس
عشان كده لا عايز تغيير مناهج ولا عايز تغيير مدرس انا بس عايز تقسيم المنهج وتغيير طريقة الامتحان
وعايزين نجمع بعض حوالى 500 ولى امر ونروح للوزير
وشكرا لكل من شارك فى الموضوع

اقتباس:

---

المشاركة الأصلية كتبت بواسطة maged

المناهج مش هتتغير لان يظهر معمولها حجاب اكيد فى سر فى الموضوع
والمدرسين ميهمهمش التدريب اللى يهمهم الفلوس الكتير قوى من الدروس
عشان كده لا عايز تغيير مناهج ولا عايز تغيير مدرس انا بس عايز تقسيم المنهج وتغيير طريقة الامتحان
وعايزين نجمع بعض حوالى 500 ولى امر ونروح للوزير
وشكرا لكل من شارك فى الموضوع

---

انت كدا محلتش المشكلة لمجرد انك طرف فيها و مش عايز تجرب في بنتك ودا شيء طبيعي
معلش يعني سامحني في كلامي
بس انت مثلا بعد 15 سنة هتروح لواحد مهندس يبنيلك بيت وهو حمار بسبب انو طلع بتقدير و اشتغل و ميعرفش حاجة لمجرد انو حفظ و امتحن و ارمي الي اتعلمتو و انت عارف الباقي بقي :bee5:

للاسف الدروس الخصوصية بقت عمله زى الكيف يعنى فى اباء كتير مش ح يكونوا مستريحين لو ولادهم ماخدوش دروس و لو خدوا برضه مش ح يكونوا مستريحين

اقتباس:

---

المشاركة الأصلية كتبت بواسطة canner

للاسف الدروس الخصوصية بقت عمله زى الكيف يعنى فى اباء كتير مش ح يكونوا مستريحين لو ولادهم ماخدوش دروس و لو خدوا برضه مش ح يكونوا مستريحين

---

ياباشا الدروس دي فشخرة بس و بقت مرض و الناس صدقت
يعني عاملين زي الواحد الي بيروح الجيم بعيد عن بيتو 500متر ولا كيلو بعربية وفي الاخر يقلك انا بعمل رياضة :Ta_clap[1]::Ta_clap[1]:

اقتباس:

---

المشاركة الأصلية كتبت بواسطة maun00

ياباشا الدروس دي فشخرة بس و بقت مرض و الناس صدقت
يعني عاملين زي الواحد الي بيروح الجيم بعيد عن بيتو 500متر ولا كيلو بعربية وفي الاخر يقلك انا بعمل رياضة :ta_clap[1]::ta_clap[1]:

---

بالنسبة للفشخرة فدى ناس نسبتها قليلة و ده زيه زى اللى بجيب عربية او هدوم علشان يتباهى بيها لكن السواد الاعظم من الناس بتدى اولادها دروس علشان تريح ضميرها و تحس انها عملت كل اللى تقدر عليه علشان اولادها و للاسف لو الاولاد ما جبوش درجة كويسة بيقولوا ان الاستاذ هو اللى مش كويس و ما بيقولوش ان عيالهم هم اللى ما زاكروش

اقتراح كويس بس مش عايز احبط حضرتك ......... وزارة التربية والتعليم لا حياة لمن تنادى

بالمناسبة انا لسه السنه اللى فاتت كنت طالب ثانوية عامة وحاليا انا طالب جامعى وادينى فى جامعة خاصة ب 60 الف جنيه فى السنه على الرغم من ان اندفعلى الافات فى الدروس الخصوصية ايام ما كنت طالب ثانوية عامة وياريت ان الدروس الخصوصية بتنفع دلوقتى
انا الصراحه معنديش تفاؤل بإزدهار التعليم فى مصر ولو بقى ليا أولاد لو ليا عمر فانا هخليهم يدرسوا بره مصر وهما لسه فى بدايات حياتهم

ربنا معاك ومع أولادك وتشوفهم فى أحسن المناصب

اقتباس:

---

المشاركة الأصلية كتبت بواسطة canner

بالنسبة للفشخرة فدى ناس نسبتها قليلة و ده زيه زى اللى بجيب عربية او هدوم علشان يتباهى بيها لكن السواد الاعظم من الناس بتدى اولادها دروس علشان تريح ضميرها و تحس انها عملت كل اللى تقدر عليه علشان اولادها و للاسف لو الاولاد ما جبوش درجة كويسة بيقولوا ان الاستاذ هو اللى مش كويس و ما بيقولوش ان عيالهم هم اللى ما زاكروش

---

هي بدات فشخرة و بعدين الناس من كتر ماتعودو حسبوها ركن اساسي
وفي ناس بتاخد درسين انا واحد اعرفو كان بياخد 12 درس
بس بيني و بينك ال98 دي درجات خرافية انا فاكر في سنة من السنين الطب كانت كاسرة ال100
الناس مقتنعة ان الدكتور احسن من المهندس احسن من المحاسب
مع ان معظم الناس الي طالعة دلؤتي شمامين و كل الي عملو حفظ منهج و لو سالتو عن المنهج دا هيسمعو علطول
من المواقف الي حصليتلي في درس كيميا كان في 5 اسئلة س1 س2 س3 س4 س5 والاستاذ قبل مايقول اخر كلمة في السؤال كانوت بيأجبوا وانا اقعد افكر و حسيت اني متخلف و دول عباقرة فبعدين الاستاذ كرر الاسئلة علشان كلو يحفظها س1 س2 س4 س3 س5 و اجابتهم كانت س1 س2 س3 س4 س5 برضو الخلاصة الطالب مش بيفكر خالص :crying1:

اقتباس:

---

المشاركة الأصلية كتبت بواسطة maun00

هي بدات فشخرة و بعدين الناس من كتر ماتعودو حسبوها ركن اساسي
وفي ناس بتاخد درسين انا واحد اعرفو كان بياخد 12 درس
بس بيني و بينك ال98 دي درجات خرافية انا فاكر في سنة من السنين الطب كانت كاسرة ال100
الناس مقتنعة ان الدكتور احسن من المهندس احسن من المحاسب
مع ان معظم الناس الي طالعة دلؤتي شمامين و كل الي عملو حفظ منهج و لو سالتو عن المنهج دا هيسمعو علطول
من المواقف الي حصليتلي في درس كيميا كان في 5 اسئلة س1 س2 س3 س4 س5 والاستاذ قبل مايقول اخر كلمة في السؤال كانوت بيأجبوا وانا اقعد افكر و حسيت اني متخلف و دول عباقرة فبعدين الاستاذ كرر الاسئلة علشان كلو يحفظها س1 س2 س4 س3 س5 و اجابتهم كانت س1 س2 س3 س4 س5 برضو الخلاصة الطالب مش بيفكر خالص :crying1:

---

اخى الفاضل المشكلة المتعمقة فى رأس الطالب المصرى انه اللى ح يذاكره ليه فايدة واحدة بس الا و هى الامتحان و بس علشان كده بيحفظه و بينساه بعد الامتحان و انا واحد عن نفسى عمال اقابل سواء فى حياتى او فى شغلى قابلته قبل كده و درسته فى الكلية او فى المدرسة
علشان كده انا مقتنع بالعكس مش لازم بس الواحد يكتفى بالمذاكرة لا لازم كمان يقرا و يشوف كل الجديد

و دلوقتى انا بقرا اللى درسته تانى علشان اقدر اتعامل

اقتباس:

---

المشاركة الأصلية كتبت بواسطة canner

اخى الفاضل المشكلة المتعمقة فى رأس الطالب المصرى انه اللى ح يذاكره ليه فايدة واحدة بس الا و هى الامتحان و بس علشان كده بيحفظه و بينساه بعد الامتحان و انا واحد عن نفسى عمال اقابل سواء فى حياتى او فى شغلى قابلته قبل كده و درسته فى الكلية او فى المدرسة
علشان كده انا مقتنع بالعكس مش لازم بس الواحد يكتفى بالمذاكرة لا لازم كمان يقرا و يشوف كل الجديد

و دلوقتى انا بقرا اللى درسته تانى علشان اقدر اتعامل

---

ياعم مانا بقلك احنا المشكلة فينا مش في منهج او كدا
والله ياعمي كتاب الفزيا و الكيميا بتاع الثانوي ناقص يجي يحللك الامتحان بس الناس عايزة يتحطلها في مربع و يرسملك Dora the explorer
ياعم دا حتى الي بيعمل هاي لايت بيدهن الصفحة مش هاي لايت يعني
مش عارفين الفرق بين الكلام الشرح و الكلام الخلاصة
والمدرس الي درسهم بيحفظهم
انا بحب القراءة جدا مع اني مبحبش المذاكرة بس لان في ناس بتحفظ و بتحاول تحفظني
ياباشا هنا الناس بتتعامل مع التعليم ولكأينه يعني من كوكب تاني ولا شيطان من الشياطين
من الحجات الي افتكرها (انا في تجارة) واحدة كنت بقولها على حاجة ودخلنا على حكاية العرض و الطلب وحسستني اني اخترعت علم جديد لما ربطت الاقتصاد بالحياة
مع ان في كتاب الأيام بتاع طه حسين الي درسناه في الثانوي الراجل كاتب "قانون العرض و الطلب يسري على العلم كما يسري على السلع فكلما زاد عدد العلماء كما في المدينة قل الاهتمام بهم"
لما تكلم واحد في حاجة خاصة بالتعليم بتاعنا يحسسك انك عملت اعجاز اكن مثلا مادة الاقتصاد دي مادة في كتاب بس زي اساطير الإغريق
دانا ياعم خدت تريقة لما بحاول اسأل علشان انا بحب اربط حياتي بالعلم الي باخدو وكل العيال تقولي بطل اسألتك الي برة المنهج :Copy of majd(4)::Copy of majd(4):

تعديل (1):
والدليل على كلامي المبدأ الشهير "مالا يفهم يحفظ، ومالا يحفظ يصم" الطالب يقول للاستاذ الحتة دي مش فاهمها يقولو طيب خلاص احفظها زي ماهي

تعديل (2):
اقرأ المقالة دي لقيتها عالنت http://www.alukah.net/sharia/0/44446/