ايه الافضل 125 الف الى 135 الف

**mr_fa** · 05-01-2015 12:45 AM

المشاركة الأصلية كتبت بواسطة meka1990

الزيرو زيرو يا باشا ربنا ما يحكم عليك تركب مستعمل و الله و اعلم فيه ايه و تبقي ايدك علي قلبك و الفلوس الواحد تعبان فيها برضوا و دي عربية عيله كمان , خليك في الشارك الفءه اللي فيها abs عشان الامان و ابعد عن الكوري مهما كانت الابشنز السلامه اهم بكتير

شكرا لحضرتك وانا مع حضرتك فى ان السلامه اولا قبل اى شى بلا ابشن بلا كلام فاضى المهم الثبات وعوامل الامان والصاج والتقفيل المحترم مش عربيه بلاستك حتى مسامير بتلاقيها بلاستك واصوات تزييق فى الطابلوه

ومش كل المستعمل ماهو فيه مستعمل بتمن اجده عربيه كورى اللى تمنها وصل ل 200 الف مثلا المرسيدس والبى ام
بس الواحد اللى مش بيعرف فى الميكانيكا وكل شويه عند الميكانيكى بيفضل الزيرو
ماعدا المرسيدس والبى ام معروف عنهم ان قطع غيارهم معمره جدااا بس كله بتمنه

**eng_amg** · 05-01-2015 09:02 AM

كل التفضيلات إلي هضرتك ذكرتها من ثبات وقوة وقطغ غيار و...........
حتلاقيها في (لانسر - بيرسونا)
يعيب اللانسر ضيف الشنطة قليلا (مش ضيقة لكن بالمعنى لكن بالمقارنة بتكون أقل) ولكن يميز اللانسر سهولة التعامل والأمان الكبير وإعادة البيع

**mr_fa** · 05-01-2015 05:15 PM

طيب بما ان يا جماعه ان الترشيح لعربيه زيرو جاتلى فكره قولت اخد راي حضراتكم
طيب لو انا دفعت المبلغ اللى معايا اللى هو 130 الف مقدم عربيه والباقى هاقسطه
الاسئله بقى اللى فى دماغى كالتى :
1 _ كده انا هادور على عربيه تستاهل انى اقسط واستحمل قرف التقسيط والفوايد بس هى تستاهل "مين العربيه اللى تستاهل ؟ " وفيهاالمواصفات اللى ذكرتها ؟ سعرها كام واى فئه ؟
2_ طريقه التقسيط الافضل مع البنك ولا مع المعرض او وكيل
نظامه التقسيط المتعارف لما تدفع مقدم كبير زى ده

ياريت اعرف راى حضراتكم وياريت لوحد جرب وعمل كده يفيدنى

**eng_amg** · 05-01-2015 11:27 PM

المشاركة الأصلية كتبت بواسطة mr_fa

طيب بما ان يا جماعه ان الترشيح لعربيه زيرو جاتلى فكره قولت اخد راي حضراتكم
طيب لو انا دفعت المبلغ اللى معايا اللى هو 130 الف مقدم عربيه والباقى هاقسطه
الاسئله بقى اللى فى دماغى كالتى :
1 _ كده انا هادور على عربيه تستاهل انى اقسط واستحمل قرف التقسيط والفوايد بس هى تستاهل "مين العربيه اللى تستاهل ؟ " وفيهاالمواصفات اللى ذكرتها ؟ سعرها كام واى فئه ؟
2_ طريقه التقسيط الافضل مع البنك ولا مع المعرض او وكيل
نظامه التقسيط المتعارف لما تدفع مقدم كبير زى ده

ياريت اعرف راى حضراتكم وياريت لوحد جرب وعمل كده يفيدنى

1 - الإجابة لانسر شارك الفئة الثالثه الهاي لاين او الثانية حسب ميزانية حضرتك. لكن الهاي لاين مش خسارة فيها المبلع بتاعها.
2 - رايي تاخد فرق الفلوس من بنك قرض شخصي وتسدد ثمن السيارة كاش وتقسط مع البنك

**egyptiandiver** · 06-01-2015 12:38 AM

هتعدي الميت ألف يا باشا... يبقى زيرو وش أكيد. في عربية من سوزوكي لسة نزلة اسمها ciaz شفتها يوم من يومين في التوكيل... بصراحة حكاية. جنوط سبور 16 abs 4 زجاج كهربا ستيريو فوج اتوماتيك تكييف شياكة ممتازة، شنطة 500 لتر باور. دة إلي فاكرو دلوقتي. هي ب-123.000 إستلام من 6 إلى 8 اسابيع. مفيش مشكلة في التسليم عشان التوكيل إستورد كميات كبيرة على كلامه. كدة تبقى جبت عربية كاش موديل السنة بشوكها زي ما بيقولو و أهم حاجة متنمش مديون!

**egyptiandiver** · 06-01-2015 12:40 AM

https://www.youtube.com/watch?v=wsGrHou5leU

**mr_fa** · 11-01-2015 03:02 AM

المشاركة الأصلية كتبت بواسطة egyptiandiver

هتعدي الميت ألف يا باشا... يبقى زيرو وش أكيد. في عربية من سوزوكي لسة نزلة اسمها ciaz شفتها يوم من يومين في التوكيل... بصراحة حكاية. جنوط سبور 16 abs 4 زجاج كهربا ستيريو فوج اتوماتيك تكييف شياكة ممتازة، شنطة 500 لتر باور. دة إلي فاكرو دلوقتي. هي ب-123.000 إستلام من 6 إلى 8 اسابيع. مفيش مشكلة في التسليم عشان التوكيل إستورد كميات كبيرة على كلامه. كدة تبقى جبت عربية كاش موديل السنة بشوكها زي ما بيقولو و أهم حاجة متنمش مديون!

اعتقد دى 90 حصان ؟؟! فا قليل على عربيه عائليه

**abohend** · 11-01-2015 08:47 AM

اشتري و اركب على قد فلوسك احسن
مش مستاهلة تداين عشان عربية
الرنج ده في ال 301 و الشارك
ال301 افضل كأبشن و وسع شنطة و صالون و خامات تابلوه و اسعار قطع الغيار و العزل و عوامل الامان
الشارك افضل كموتور و اعتمادية و ثبات و اعادة بيع
استخير و ربنا يهديك للافضل

**abohend** · 11-01-2015 08:50 AM

الciaz لسه جديدة على السوق و صعب نحكم عليها
كخامات داخلية و وسع شنطة و صالون مش بطالة
لكن التقفيل الهندي واضح اوي فحوض العربية

**drcobra** · 11-01-2015 08:43 PM

لو جديد شارك يعنى اعتماديه اليابانى وانت قلت فى اى وقت اركب واسافر
عفشه محترمه لاقصى درجه عاليه قله اعطال
يعيبها فقط التوكيل مش متاز لكن العلربيه محتره ومتجربه كتير ومفيهاش مشاكل
صوت الماتور عالى والعزل مش اد كده
الشنطه ضيقه

بس لوبتحب تريح دماغك اركب يابانى او كورى

لو بتحب البرستيج بس دماغك هتوجعك يبقى اوروبى وبالاخص فرنساوى ومفيش غير 301