تجربة زيت شل هيلكس الترا بيور بلس
تجربة زيت شل هيلكس الترا المصنع بتكنولوجيا بيور بلس الجديد
الزيت ده حصلت شل به على برائة اختراع لاعتمادة في تصنيعها له من تسييل الغاز الطبيعي لتكوين زيت الأساس وطبقا لكلام شل الزيت تخليقي ومصنع معمليا بالكامل.
وصلتني عبوة زيت للتجربة وفقا للاتفاق بعد حضور مؤتمر شيل الرابع للريادة التكنولوجية في سهل حشيش بالغردقة بداية شهر نوفمبر 2014 ووصلت العبوة عندي يوم 18 ديسمبر تقريبا كانت مبعوته على جمل عنده نقص تغذية واخروني على معاد الصيانة (صيانة 70 الف)
السيارة التي تم التجربه عليها هي هيونداي فيرنا موديل 2011 بتستخدم أساسا زيت شيل هيلكس الترا القديم من الزيرو وفقا لنصائح الوكيل!
http://up.nileup.com/do.php?img=173
http://up.nileup.com/do.php?img=174
تم تغيير الزيت يوم الأحد 25 ديسمبر 2014 (في ورشة زيوت خارج التوكيل ) مع تركيب فلتر زيت جديد بالطبع
السيارة استهلكت حوالي 3 لتر ونصف او اقل شوية 3.3 لتر وفقا للكتالوج.
الزيت نفسه لونه يعتبر متوسط فاتح شوية افتكر افتح من الاترا القديم
http://up.nileup.com/do.php?img=175
http://up.nileup.com/do.php?img=176
الملاحظات الأولية عن الزيت بعد التجربة القصيرة
صوت الموتور بيهدى ويقل في وقت قليل جدا بعد تشغيله وده يعتبر دليل على خفة الزيت وسرعة انتشاره داخل الموتور وبالتالي تقليل للاحتكاك اللي بيتم في كل مرة مع بداية تشغيل الموتور.
وصوت الموتور بعد سير السيارة هادي جدا على اللفات القليلة تحت 2500 RPM وده لاحظته لما بسوق السيارة الأخرى فيرنا 2012.
بالنسبة لاستهلاك البنزين مش ملاحظ فرق ملحوظ وملحقتش اقفل 1000 كم علشان يكون الحكم واضح .
درجة لزوجة الزيت 5w-40 فاكيد مفيش اي تاخير ولو لثواني عند تدوير الموتور الصبح بدري في البرد وبينتشر بسرعة لتغليف الأجزاء الداخلية للموتور وده جيد لتقليل التآكل
طبعا غير معروف أداء الزيت في الجو الحار بالنسبة لي لعدم تجربته في أجواء حارة قبل الشتاء
بشكل عام المؤشرات الأولية مبشرة وإيجابيه وهكتب تفاصيل تانية بعد تخطي 5000 كم إن شاء الله علشان تكون التجربة اكثر واقعية