الموضوع: تجربة زيت شل هيلكس الترا بيور بلس

المشاركة الأصلية كتبت بواسطة nader

الزيت لسه جديد وبتكنولوجيا جديدة ومصنف بالتصنيف الاعلى sn وفقا للاميريكان بتروليم انيستيتيوت لمحركات البنزين
ومصنف cf لمحركات الديزل

خلي بالك إن كود الـacea بتاعه a3.. وده ما يمشيش مع بعض العربيات اللي بتطلب أكواد acea أخرى.



...

المشاركة الأصلية كتبت بواسطة al_manara

محتاجين توضيح اكثر

أكواد الـACEA مختلفة عن أكواد الـAPI

كود الخدمة بتاع الـAPI بيقول إن كل ما كان الحروف اللي عليه متأخرة في الأبجدية الانجليزية .. يبقى الزيت ده أفضل من ناحية كفاءة التزييت والثبات الكيماوي والحراري والأداء العام بتاعه.

والأكواد القديمة مخصصة للعربيات القديمة... والجديدة للعربيات الجديدة.


إنما كود الخدمة بتاع الـACEA بيقول إن كل كود مخصص للاستخدام في نوع مواتير معينة حسب تصميمها وحسب نوع الوقود اللي شغالة بيه وكمان طبيعة الانبعاثات اللي خارجة منه.

ومواصفة الـACEA بتقول بكل صراحة إن استخدام الزيوت في غير محلها ممكن يعمل مشاكل في بعض المواتير ولازم تلتزم بتعليمات الصانع المكتوبة في الكتالوج.

تقدر ترجع للموضوع ده لتفاصيل أكتر
http://www.nilemotors.net/Nile/341680-a.html

والوصلات دي كمان:

تصنيف الـAPI لزيوت السيارات
http://www.api.org/certification-pro...GLISH_2013.pdf

مواصفة الـACEA لزيوت السيارات
http://www.acea.be/uploads/publicati..._Sequences.pdf

...