السلام عليكم
من شوية كان شغال على قناة دريم 1 واحدة اسمها اظن هبة عادل بتكلم عن حقوق المرأة فبتقولك المرأة مظلومة و الكلام دا ازاي يجي في كتاب المدرسة عمر يعمل و أمل (مس متأكد من الأسم) في المطبخ، و بتقول ازاي يعني يقولو كدا المرأة ازاي تتهان كدا (يعععععععععع المرأة بتطبخ كخ كخ) و المرأة حقوقها متاكلة و معرفش اية و الناس فاهمة ان المرأة شغلتها الأساسية الطبخ و الأولاد و لو فضى وقت ممكن تروح تشتغل مين قال كدا
انا مش فاهم هو الستات الي بيطلبو حقوق المرأة و المساواة و الهجص دا معندهمش دم؟
شفت بنات من 15 سنة و هم مخطوبين و في مجوزين انا لغاية دلؤتي 18 سنة وفي جامعة و مفيش واحدة جات تطلب ايدي؟ ولا المساواه هنا كخ
يعني بصراحة انا مش عارف لو الراجل اشتغل و المرأة ربت الأولاد اية نوع الأهانة في دا؟
هي اهانة ليها انها تربي ولادها؟ لقوهم دول مثلا ولا اية؟ اذا كان المفروض و الناس مش شغالة العيال طالعة فاسدة امال لو اشتغلت
وبعدين ماشي يا ستي كل واحد يشتغل و كلو تمام لو جيت تقول لمراتك مش هنخلف عيال هتقلك انت عايز تجوز عليا
هو حقوق المرأة و حقوق الأنسان دول ليهم لازمة بجد ولا هو خالف تعرف و اقعد اهرتل في اي موضوع يعني واحد منجحش في السياسة يروح يشتغل في حقوق الانسان
ياريت يعني لو حد يعرف واحدة من حقوق الانسان يخليها تيجي تجوزني و هي تعمل و انا في المطبخ عادي