تركيب ثرموستات كوع المياة والريدياتير والنتيجة غير مرضية( آرائكم ضرورى)

السلام عليكم ورحمة الله

حبايبى ازيكم اخباركم ايه ؟

اول موضوع عملته وهو مساعدتكم فى اتخاذ قرار بشأن ثرموستات الكوعة وتركيبها ..
http://www.nilemotors.net/Nile/423852-94.html

وتانى موضوع
http://www.nilemotors.net/Nile/449474-94.html


وبالفعل اتخذت قرار التركيب

ركبتها امبارح وللأسف النتيجة غير مرضية !!

اللى حصل باختصار

1- شراء ثرموستات مكتوب عليها 84 درجة للكوعة

http://nileup.com/up/uploads/nilemotors_14202192661.jpg

http://nileup.com/up/uploads/nilemotors_14202192662.jpg

http://nileup.com/up/uploads/nilemotors_14202192663.jpg

http://nileup.com/up/uploads/nilemotors_14202192664.jpg


2- شراء ثرموستات مكتبوب عليها( 85 درجة مستوى 1 ) و (92 درجة مستوى 2 ) دى للريدياتير.

3- تركيب ثرموستات الكوعة بدون الجوان اللى جاى معاها لأن الكوعة مقفلتش كويس فتم تركيبها بدونها ولزقها بسيليكون بالإضافة للمسامير الخاصه بها ( والثرموستات اتلحوس الحمد لله شوية بالسيليكون لزوم العك ).

4- الذهاب لصنايعى ريدياتير لخلع الثرموستات الخاصة بالريدياتير لأنها بتفوت .. وتم تركيب الجديدة ..

5- المروحة تعمل بعد مؤشر الحرارة الأول بقليل .. وتظل تعمل حتى تتحول السيارة إلى ديب فريزر ..

6- تم إعادة تركيب الثرموستات ( الريدياتير القديمة ) وتم اكتشاف أنها تفتح المروحه على 84 درجة مستوى أول أى بعد المؤشر الأول بحبه صغيرة وتفصل بالفعل بين المؤشر الأول والشرطة التخينة قبله .. !

7- بكاء ونحيب منى وتحطيم نفسى رهيب ..

8- العودة لبتاع قطع الغيار ومحاولة ارجاع الثرموستات لأنه بيعلق وبيخلى المروحة تشتغل .. وبعد قرف كبير وجابولى بتاع ريدياتير تم ارجاعها .. وشككونى فى دورة المياة الخاصة بالسيارة وشككونى ان السيارة دى بتاعتى أصلاً !!

9- تم الإنطلاق بالسيارة وراكب فيها الكوعة والريدياتير القديمة واللإثنين بيشتغلو عند 84 درحة ( حلو كده ؟ )

10- جريت ع الطريق وعائداً إلى موطنى الأصلى مدينة الشيخ زايد الحبية وأخدت أبنائى بالأحضان وارتميت باكياً على صدر زوجتى الحبيبة .. حزناً على يومى اللى راح هدر .. .

11- أثناء الجرى بالسيارة الملاحظات كالآتى :

أ. الحرارة عليت والمروحة اشتغلت واصبحت ثابته بين الشرطة التخينة والشرطة الأولى
http://nileup.com/up/uploads/nilemotors_14203712231.jpg

ب- وبطلت المروحة والحرارة ثابته مع الجرى فى نفس المكان ( التبريد بالجرى مع الهوا .. والثبات ع الحرارة فى نفس المكان بسبب الثرموستات الخاصة بالكوعة )

ج- الصبح مشوار من زايد لمدينة نصر والحرارة بدأت تعلى وفى نفس المكان ثبتت

د- إذا الحرارة عليت فى اشارة وده محصلش .. المروحة بتشتغل بعد الشرطة الأولى زى مقلتلكم فوق.

عايز آرائكم ونصايحكم ومراعاة موديل العربية 94 و 1300 cc

وكتابة النصايح من كاتلوج السيارة ان امكن

انا ركبت ترموستات الكوع فى الستروين بس بعد لما خليت دوره التبريد على الشعره زيرو مع ميه خضراء محترمه
التغيرات اللى حصلت بعد التركيب
1- وفر شديد فى البنزين نتيجه انتظام درجه الحراره
2-الجو تلج على الطريق السريع الحراره مظبوطه على الشعره
العيوب
فى الحر الشديد جدا السرعه التانيه للمراوح بتفتح مكنتش بتفتح لما كان الترموستات ملغى
لاكن انا راضى جدا وانا اللى مركبها بايدى وبفكر كافضل حل انها تتركب شتا وتتشال فى الصيف من شهر 6 حتى 10 تتشال

بص يا محمد أفندي
كدة الدنيا بردو مش مظبوطة
الأصول ان الحرارة تكون في النص
انت مثبت الحرارة في الجزء اساسا اللي بارد

هل دة عيب حساس حرارة ؟
عيب ثرموستات كوع؟
عيب عدادات ؟؟

اظبط الدنيا صح عشان تعرف تمشي بالعربية

اقتباس:

---

المشاركة الأصلية كتبت بواسطة syd

بص يا محمد أفندي
كدة الدنيا بردو مش مظبوطة
الأصول ان الحرارة تكون في النص
انت مثبت الحرارة في الجزء اساسا اللي بارد

هل دة عيب حساس حرارة ؟
عيب ثرموستات كوع؟
عيب عدادات ؟؟

اظبط الدنيا صح عشان تعرف تمشي بالعربية

---

انا كمان حاسس ان الموتور مخنوق عن الأول شوية مش عارف ليه

حساس الحرارة كان مقطوع فيه فرع وعصام جاب سلك بس اتخن طبعا ولحمها وركبها تانى وقالى انه هيجيب حساس حرارة معاه المرة الجاية

ثرموستات الكوع مش عارف ازاى اعرف انه سليم ولا لاء بس انا حاسس ان فى تهريب مياه حاصل داخل للموتور مياه ساقعه من الريدياتير مثلاً ؟ لأن مع الجرى الحرارة بتنزل لكن فى مقاومة من ثرموستات الكوعة وبتفضل ثابته فى مكان معين

العدادات سليمه مفيهاش حاجه

انا لاغى السخن بتاع التكيف وعامل كوبرى بنفس الخرطوم فى الموتور بحيث ان الدورة تبقى مقفولة .. وكنت لاحظت أثناء الغاء التكييف ان فى خرطوم كان حد سده قبل كده وواحد تانى سالك عادى فخلينا المسدود ده فى السدر وخلينا السالك فى الموتور

نزلت من الشغل عشان اروح لعصام نظبط الترموستات

لقيت مخرج الشجرة مغرق الدنيا مياه

روحتلوا وغيرت الشجرة كلها بالكوعة بس نفس الثرموستات

1- ركب وظبط ونضف وكله تمام وركب الجوان الخاص بالثرموستات وهو الجوان الأصلى اللى كان راكب فى الكوعة القديمة ومركبش الجوان اللى جاى مع الثرموستات.

2- دور وشغل الحرارة تعلى لحد 84 والمروحة تشتغل وتنزل تثبت عند الشريطة الأولى اللى قبل المنتصف وبعد الشريطة التخينة

3- مع الجرى على الطرق المفتوحة الحرارة ثابتة على نفس الدرجة ( الشريطة الأولى بعد التخينه )

4- ع السلانسية الحرارة ترتفع لبعد الشريطة الأولى 84 والمروحة تشتغل وترجع عند الشريطة الأولى بردو

5- وصلت خراطيم التكييف السخن بس مفيش هوا سخن بيوصلنى خالص ( التكييف المفروض يعتمد فى تسخينة على دورة المياه وليس الكمبروسر صح ؟)

6- سحبت الهوا من الدورة انهاردة وظبط الدورة وقفلتها

ملاحظات :

فى بداية التشغيل خرطوم الريدياتير الأسفل ساقع والخرطوم العلوى واللى تحتيه ترموستات المروحة سخن

تفتح الثرموستات .. الخرطومين أصبحوا سخنين والمروحة تشتغل

الثرموستات الكوعة 84 درجة وكذلك الثرموستات الخاص بالريدياتير المروحة تعمل عند 84 درجة لكن معرفش بتقفل على درجة كام بس مش أزيد من 80 طبعاً


نصايحكم

ف انتظار آرائكم ضرورى

اقتباس:

---

المشاركة الأصلية كتبت بواسطة mohammad isdf

ف انتظار آرائكم ضرورى

---

عاوزين نتأكد من ان الراديتر و الدورة بتاعته كلها سالكة و مافيهاش اي تسريبات ، و خصوصا الرادياتير يكون سالك كويس جدا و مافيهوش تهريب
الحاجه التانية الثرموستات اللي حضرتك تركبه يكون الاصلي (ليه الاصلي) علشان اي حاجه تانية هتركب هتكون اي كلااااام × اي كلام ، الجديد بقا ان اي سليكون بجميع انواعه في تقفيل موصلات ميه في عربية (غلط) .

نيجي بقا للتصليح ، بعد تطبيق التمهيد السابق
اولا : ثرموسوتات الكوعة ليها اتجاه بتركب فيه ، تركبها صح و تركب جوانها الجديد و شكرا
ثانياً : مؤشر الحراره عندك بيعلى شوية و يقف مع انه مكانه في المنتصف اللي هو 90 درجة مئوية على طول نجري نبص على الوصلة (السوكت) اللي راكب على حساس الحرارة و نتأكد انه مافيش تراخي في السوكت و ان السلك نفسه بتاع الحساس سليم من الحساس الى الدفيرة ولا فيه قطع جزئي ... الخ ، لو كله سليم نبتدي نشوف بقا لوحده العدادات عند واحد كهربائي و يكون بيشتغل في العربيات دي علشان يطمنك ان العداد سليم او خربان .
ثالثا : و ده الاهم التاكد الكهربي (قاعدة فيوزات المروحة تتفحص - الحساس نفسه سليم ، بيخرف ، خربان - سوكت المروحه اللي راكب على الدفيرة) انا ليه بقولك اسلاك و سوكت و الكلام ده ، لان معظم الاعطال الكهربية في مجموعة فولكس بتكون مشاكلها التوصيلات الكهربية

هي معادلة اتكتبت صح النتيجه هتكون صح باذن الله

احنا مش هنخترع حل ولا عمرنا هنعرف العطل عن طريق المكاتبات في المنتدى يا صديقي العزيز

كلام بسيط جدا و ممكن يكون حضرتك عملته ، لكن ممكن يكون فيه شىء من الفايدة .

تحياتي

الكوعة اللى ركبت بتنشع مياه ورحت لعصام مرتين يفك ويلزق بالسيليكون وبردو مش عارف يعملها

والحرارة بتثبت قبل الشرطة الأولى

روحت لميكانيكى تانى يعملى موضوع الفرامل اللى عصام مش عارف يعمله

وهبقى اروحلوا بخصوص الموضوع ده

لكن عاوز أنا اعملها بنفسى

ايه العدة المطلوبة ؟

وايه السيليكون او المادة اللازقة المناسبة مع المياه ؟

وعاوز أعرف تأكيداً الترموستات اللى بتركب فى الموتور 1300 الاسود واللى بتاع ابيزا 94 بتفتح على درجة كام وترموستات المروحة بتشتغل على كام

عشان أوفق الإتنين صح

وسيبكم من اللى انا اشتريتها واللى راكبه عندى انا عايز اعرف المفروض الكوعة تفتح على كام والمروحه تفتح على كام وتبطل على كام ؟

مع العلم ان ترموستات المروحة بيبقى مكتوب عليها بتفتح على كام درجة أولى ودرجة تانية ومش بيبقى مكتوب عليها بتقفل على كام

يا صديقي الثرموستات بتاع الريدياتير بيفتح علي 91 ويقفل علي 87
دي الدرجات الحرارة اللي المفروض بتاعة العربية الأبيزا
ثرموستات الكوعة مش عارف الصراحة علي كام ولكن اعتقد انه هو كمان علي 91

عموماً العك بالسيليكون مش صح
السيليكون اقصي استخدام ليه انك تقفل بيه كأنه جوان فوق الجوان لكنه مش مادة لاصقة

واخيراً
موضوع ثرموستات الكوع دة انا حاولت معاه كتير واكتشفت ان احسن حل انك تجيب شجرة استيراد فيها الثرموستات بتاعها

تحياتي

روحت لميكانيكى تانى

منع المياه .. ودى الشجرة كاملة لخراط لأنه لاقى المسامير بتفوت .. فحولها من مسامير بتبيت فى النتاية .. خلاها بصامولة

والحمد لله

لكن لحظت ان سوستة الترموستات ناشفة أوى !!

يعنى دى ازاى تفتح بضغط هوا او مياه ؟

المهم انا لاحظت حاجه فى دورة المياة ..

الخرطوم الخارج من الكوعة بيبقى رايح على أسفل الريدياتير والخرطوم الخارج من الشجرة التخين رايح على أعلى الريدياتير وتحتيه الترموستات بتاع المروحة

بالتالى في مياه سخنة خارجة من الخرطوم الخارج من الشجرة ورايح على أعلى الريدياتير واللى تحتيه ترموستات المروحة

لكن الخرطوم الخارج من الكوعة والمحبوس فيه المياه أثناء التسخين رايح أسفل الريدياتير

أنا أعتقد ان فى شئ مش مظبوط .. ايه اللى يمنع المياه السخنة انها تدخل على الريدياتير .. أنا بلاقى مياه سخنة ماشية فى الخرطوم الداخل على ترموستات المروحة والخرطوم بتاع الكوعة ساقع .. وده لسه الترموستات مفتحتش بتاعة الكوعة

هوريكم صورها

http://nileup.com/up/uploads/nilemotors_14247651401.jpg

توصيلات الخراطيم مظبوطه مفيهاش مشكله زى عندى بالضبط
ياريت تقولنا عملت ايه بالظبط لان المفروض المروحة تشتغل لما المؤشر يكون فى نص البيان

اقتباس:

---

المشاركة الأصلية كتبت بواسطة mohammad isdf

روحت لميكانيكى تانى

منع المياه .. ودى الشجرة كاملة لخراط لأنه لاقى المسامير بتفوت .. فحولها من مسامير بتبيت فى النتاية .. خلاها بصامولة

والحمد لله

لكن لحظت ان سوستة الترموستات ناشفة أوى !!

يعنى دى ازاى تفتح بضغط هوا او مياه ؟

المهم انا لاحظت حاجه فى دورة المياة ..

الخرطوم الخارج من الكوعة بيبقى رايح على أسفل الريدياتير والخرطوم الخارج من الشجرة التخين رايح على أعلى الريدياتير وتحتيه الترموستات بتاع المروحة

بالتالى في مياه سخنة خارجة من الخرطوم الخارج من الشجرة ورايح على أعلى الريدياتير واللى تحتيه ترموستات المروحة

لكن الخرطوم الخارج من الكوعة والمحبوس فيه المياه أثناء التسخين رايح أسفل الريدياتير

أنا أعتقد ان فى شئ مش مظبوط .. ايه اللى يمنع المياه السخنة انها تدخل على الريدياتير .. أنا بلاقى مياه سخنة ماشية فى الخرطوم الداخل على ترموستات المروحة والخرطوم بتاع الكوعة ساقع .. وده لسه الترموستات مفتحتش بتاعة الكوعة

هوريكم صورها

http://nileup.com/up/uploads/nilemotors_14247651401.jpg

---

ثرموستات الكوعة فيه منها كذا شكل وليها كذا طريقة تركيب ده غير اختلاف درجات حرارة الفتح بين موديلاته المختلفة... وكل ده بيبقى حسب تصميم الموتور نفسه.

بالنسبة لشكل الثرموستات.. فده فيه منه شكلين ..

https://upload.wikimedia.org/wikiped...Thermostat.jpg

واحد عادي .. زي كده

http://www.rapid-racer.com/resources...=1308590000618

والتاني بطبق... زي اللي عندك في العربية..

http://www.gates.com/~/media/images/...34&la=en&w=300


الفرق الأساسي في شغلهم إن اللي بطبق بيفتح سكة للمية تروح للرادياتير إنما بيقفل سكة رجوع المية جوه الموتور..

زي كده..

http://www.agcoauto.com/content/imag...pen_closed.jpg


إنما الثرموستات العادي مش بيقفل على التقليب في الموتور

https://classconnection.s3.amazonaws...8622054630.jpg

ده بالنسبة لتصميم الثرموستات...

أما بالنسبة لتصميم الدايرة والخراطيم... فالرسمتين اللي فوق دول موضحين إن الثرموستات بيمنع المية الخارجة... بس فيه تصميم تاني للدايرة بتمنع المية الداخلة..

زي كده..

http://web.tiscali.it/elise_s1/statal1.gif



أما بالنسبة لطريقة عمل الثرموستات .. فهو مابيشتغلش لا بضغط مية ولا هوا .. ولا إشارة كهربا من حساس ولا كمبيوتر...

بيشتغل بالتمدد الحراري فقط... مش اسمه "ثرموستات"؟ يعني وسيلة لضبط درجة الحرارة.

والسوستة موجودة لمجرد إنها ترجع الطبق الداخلي لوضعه المقفول تاني لما المية تبرد.

لو عايز تعرف أكتر عن ثرموستات الكوعة... أنصحك تدخل على الموضوع ده..

http://www.nilemotors.net/Nile/328708-a.html




...