تثبيت الطفايه تحت الكرسى بالصور

**medo9400** · 04-01-2015 10:16 PM

فى بدايه الموضوع انا فكرت فى الفكره لما واحد صاحبى خد مخالفه عشان كانت الطفايه فى الشنطه والظابط قاله انها لازم تكون فى متناول ايدك
اولا العربيه لانسر بومه 2009
فافضل مكان لاقتيه هو الكرسى اللى جنب السواق
فى البدايه هتفك الاربع مسامير اللى مسكين الكرسى وفى مسمار لازم تفك المسند اللى بين الكرسين عشان تفكه

http://nileup.com/up/uploads/nilemotors_14204025421.jpg
فيه مكان ل3 مسامير 10 م زى الصوره هتشترى 3 مسامير 10 م بطول 5 سم وتحاول تركب المسامير بالطغط على السفنج وتمسك المسمار ببنسه بوز طويل متنى

هتجيب خشبه زان لازم زان عشان يستحمل سمك 1.5 سم وتقطع قطعتين واحده بطول وعرض الجنب البلاستيك اللى ماسك الطفايه والتانيه تكون على مساحه المسامير وتلزق القطعتين مع بعض بغيره ومسامير زى اللى فى الصوره
http://nileup.com/up/uploads/nilemotors_14204017231.jpg
وقبل ما تلزق جرب على الطبيعه وحاول تكون الطفايه بعيد عن ايد الكرسى من تحت فى النص وبعد كده ثبت القاعده البلاستيك وبعد كده خد مقاسات المسامير اللى فى الكرسى على ورقه عشان الابعاد وعلم على الخشبه واخرم مكان للمسامير
ركب بعد كده ودى الشكل النهائى
http://nileup.com/up/uploads/nilemotors_14204023071.jpg
وبعد تركيب الكرسى

**sonaeg** · 04-01-2015 10:44 PM

جزاك الله خير علي مجهودك

بس مع احترامي: لو هي في الشنطة مش في متناول ايدي امال حتبقي ف متناول رجلي؟!!!!

سبحان الله بجد ....مخالفة علي ﻻ شئ
واغلب الظباط فاميه سوبر بﻻك ومن غير نمر ...ولما كنت ف الجيش نفس الكﻻم....اﻻ من رحم ربي!!!!!

بيحطو لنفسهم مخالفات بقي ... من دقنه وفتله

معلش استحملني حبيت افضفض وشكرا لمجهودك مرة تانية.

**amr_8800** · 04-01-2015 10:51 PM

فكره حلوه تسلم ايدك بس هو يعني ايه خد مخالفه عشان الطفايه في الشنطه ده استهبال ده ولا ايه يعني بعد كده لو في كمين لقى الرخصه في المحفظه هيديني مخالفه لازم تكون في ايدي هو ده الاستهبال بعينه

**medo9400** · 04-01-2015 11:08 PM

انا لما فكرت فى تثبيت الطفايه
اولا مكانها فى الشنطه بتخبط فى المطبات لان البومه مفيش مكان تثبت فيه الطفايه فى الشنطه فكنت حططها من غير تثبت ففى المطبات بتخبط جامد معاى
تانى حاجه عشان المرور