الموضوع: موتور اكسيل 1300 للبيع

يعنى هو الموتور خليع ولا استيراد ولا ايه بالظبط

شكرا لاهتمام حضرتك بس يعنى ايه خليع بس على العموم هو الموتور بتاع العربيه يعنى بتاع بلاده

خليع كلمه عرفيه معناها إن الحاجه دي مخلوعه من عربيه مصري أو عربيه داخل البلد ..غير بقى الإستيراد..وأظن الإستيراد معروف لحضرتك ..غير كده موتور حضرتك مش هيتباع غير خرده ..لإن المواتير الخليع ملهاش ورق ..وبالتالي محدش هيشتريه منك عشان يثبته في رخصة عربيته زي الموتور الإستيراد ..فحضرتك شوف بقى يتمن خرده بكام ...بما إنه خليع ومش إستيراد..وأقولك نصيحه ..خليه عندك قطع غيار أحسن

طيب هو حضرتك الموتور مثبوت فى الرخصه يعنى خليع مش كده طيب لو حبيت ابيعه خرده يعمل كام ولا مش هيجيب حاجه تستاهل ان ابيعو علشانها واخليه زى ماحضرتك بتقول قطع غيار احسن ومين اللى بيشتغل فى الحاجات دى يعنى الناس بتوع قطع الغيار اللى هيه عربيات الحوادث وكده ممكن يشترو منى ولا فين بالظبط فى حاجه اخيره انا اسف يعنى هو الكربرتير بيبقى مع الموتور اللى هجيبه ولا هجيب واحد تانى على اساس انى هجيب موتور 1500 مش 1300 ونفس الموضوع للرديتر هحتاج اغيره ولا اسيبه زى ماهو واسف على الاطاله

بص حضرتك ..أنا قلتلك إن الموتور ده تقديره في السوق ..خرده ..يعني فعلا مش هيجيب حاجه تخليك تبيعه عشانه ووجوده كقطع غيار ابركلك وأحسنلك ..لكن عموما ..ممكن حضرتك تنزل لتجار الإستعمال في السوق وتقولهم عندي مكنه خليع من عربيه اكسيل ..زي حضرتك ما حكيت كده في المشاركه بتاعة حضرتك..وشوف وإسمع الأسعار..بس إعمل حسابك إنك هتسمع أسعار من نوعية 400 و 500 جنيه ...لإن التاجر من دول بياخد المكنه وبيقولك رزقي على الله فيها..بالنسبه بقى لواحدات التغذيه في المكنه الإستيراد اللي حضرتك ناوي تجيبها فدي بتبقى بالإتفاق مع التاجر ..يعني ممكن يبقى الإتفاق المكنه بوحدات التغذيه أو من غير وحدات التغذيه..

والله يافندم مش عارف اقولك ايه الف شكر على المعلومات دى بس اخر حاجه بقى انا سألت على الموتور بتاع العربيه 1500 قالى بيعمل من 2500 الى 3000 جينيه هل الموتور بيجى معاه ادوات التغذيه كامله ولا بيجى ناقص وانا اكمله والميكانيكى قالى تجيب شورت بلوك من موتور 1500 وتسيب ادوات التغذيه اللى عندك افضل ماتجيب موتور كامل والموتور عندك هيبقى 1500 مش 1300 ايه رأى حضرتك فى الكلام ده والشورت بلوك ب 2500 ولو اجيب اجيب منين يعنى حضرتك تعرف حد مضمون ونضيف ولا اجيبه ورزقى على الله واسف على الاطاله بس فى القاهره

والله أنا من إسكندريه ..فحكاية إني أعرف حد في القاهره للأسف مش هقدر أفيدك فيها ..أما حكاية إن أدوات التغذيه بتاعة ال 1300 تشتغل على ال1500 فدي بصراحه مقدرش أفتي فيها لإني معرفش ..بس لو حضرتك متأكد إن كربراتير واسبراتير وكل ما له علاقه بدورة الوقود والتشغيل مشتركين مع بعض في 1300 و ال 1500 ..يبقى بصراحه الميكانيكي معاه حق ..وحاجتك أضمنلك من لما تجيب حاجه استيراد