-
غطاء الزيت من الداخل
امس كنت بزود زيت للموتور عشان الموتور بينقص زيت كل 1000كيلو او زيادة نصف كيلو بس الغريب اني لما جيت ازود الزيت لقيت علي غطاء الزيت من الداخل ريم لونه بيج او شكلة طحينة بس الزيت من الداخل لونة كويس واللزوجة كويسة والزيت لونة اسود عادي فهل من مجيب :_Alshmokh22[1]:
-
عندك خلط ميه على الزيت كدا محتاج جوان وش السلندر
-
المهم الميه بتنقص ولا لا
واضح المكنة عندك بتاكل زيت فممكن الزيت يبان مريم من دخنة الحريق
ولا ميه يبا الهد في مشكله,كدا كدا انت هتعمر اوتغير متور
-
هو فيه حاجه تعملها شغل العربيه لحد المروحة ما تشتغل وافتح غطا الزيت وشوف فيه بخار والا لا بايدك لو فيه بخار يبقي دي من علامات وش السلندر وكمان راجع علي الميه بتنقص واد ايه وفيه ضغط وانت بتفتح قربة الميه علي البارد دي كلها من علامات وش السلندر لو ماكانش اللي فات هل انت بتقرص علي الغيار جامد والعربيه ناقصة زيت ممكن يعمل معاك كده لو كان الحاجات دي سليمه جرب البلوك سيل من ااي بنزينه ب 45 جنيه ومتابعين معاك
-
حضرتك بتستخدم العربية في مشاوير قصيرة وبس... يعني كيلو أو اتنين كيلو وترجع.. مش كده؟؟
لو دي طريقة استخدامك ... يبقى ده شيء طبيعي جدا... وموتورك سليم ومفيش أي مشاكل.
طيب ليه الكلام ده بيحصل؟؟
الموتور وهو بارد بيبقى إحكام الشنابر ضعيف ... والكلام ده معناه حاجتين:
1- مسح الزيت من على السلندر يبقى أقل.. وبالتالي الزيت اللي بيفضل جوه السلندر بيتحرق ويخرج مع العادم.
2- فيه جزء من العادم بيدخل إلى البلوك .. والعادم بيبقى ناتج حرق.. يعني ثاني أكسيد الكربون + ميه.
علشان الظاهرة دي تروح.. لازم تستخدم عربيتك في مشاوير طويلة.. وقلل من المشاوير القصيرة بقدر الإمكان.
والأهم... ركب ثرموستات الكوعة لو متشال من عندك... علشان تقلل من الوقت اللي بياخده الموتور على بال ما ياخد وضعه الصحيح في التشغيل والشنابر تحكم صح على السلندر.
عايز معلومات أكتر.. تقدر تدخل على المواضيع دي:
http://www.nilemotors.net/Nile/418186-a.html
http://www.nilemotors.net/Nile/328708-a.html
http://www.nilemotors.net/Nile/398411-a.html
...
-
مش عارف اقول ايه في موضوع ورد أ/احمد البرعي فعلا راااائع ومفيد جدا وتفسيره مقنع وغير عندي مفاهيم كثيرة الف شكر ومع تقديري
Content Relevant URLs by
vBSEO 3.6.0 PL2