عيب خطير و سؤال بخصوص اللوك في لوجان كومفورت ..

**kojyad** · 05-01-2015 08:34 PM

السلام عليكم ورحمه الله
ااموضوع باختصار شديد عن لوك العرببه اللوجان الكومفورت
ليه لو اللوك مقفول كل الابواب بتفتح عادي من الداخل
ولو مش عايز ده يحصل في الابواب الخلفيه هل في حل غير لوك الاطفال ؟
لاني لو مركب كبار ورا مش هيعرفو ينزلو لو لوك الاطفال مقفول ... ولو مركب اطفال ورا
ومقفلتش لوك الاطفال وقفلت اللوك الاوتوماتيكي ممكن يفتحو الباب وده خطر
اعمل ايييييه هل في حللللللل؟؟؟؟

**Kirolos Edward** · 05-01-2015 08:56 PM

اللوك معمول علشان متتفتحش من برا مش من جوة

**kojyad** · 05-01-2015 10:12 PM

تمام بس ده خطر جدا للاطفال وخصوصا الي من سن 2.5 ل 5 سنين
واعتقد لوحضرتك عنك اطفال في السن ده مكنش هيبقى ده ردك
انا عاوز رد عالسؤال .. هل في حل ام لا ... مش عايز اجابه فيها صيغه تريقه بعد اذن حضرتك
وشكرا لردك

**shiko85** · 06-01-2015 12:15 AM

المشاركة الأصلية كتبت بواسطة kojyad

مش عايز اجابه فيها صيغه تريقه بعد اذن حضرتك

انا شايف ان رد Kirolos Edward بعيد عن الترقيه و فعلا اللوك معمول علشان منع الفتح من خارج العربيه مش من الداخل
بخصوص الأمان للأطفال فالحل هو القفل الداخلى لكن زى ما حضرتك قولت المشكله ان الحل ده مش عملى فكل الأحوال
كان عندى فالعربيه القديمه اللوك مش بيفتح غير من ريموت الأنذار فقط مش من مقبض الباب الداخلى فا ممكن حضرتك تسأل حد بتاع انذار او سنتر و تشوف هيقولك ايه

**Kirolos Edward** · 06-01-2015 12:39 AM

هو انا مشوفتش تريقة في ردي، و بعتذر لك،
معظم العربيات الحديثة اللوك فيها من برا بس و جوا يتفتح عادي
لو مركب ناس كبيرة متشغلش لوك الاطفال.
لو مركب اطفال شغل لوك الاطفال.