الموضوع: للمحتارين مقارنة بين سوزكي سياز ولانسر شارك

المشاركة الأصلية كتبت بواسطة mazen21

اولا
المقارنة معمولة للي محتار بين شراء السياز والشارك
واذا كنت انت من مريدين السوزوكي (التراس سوزوكي) او مريدين الميتسوبيشي (التراس ميتسوبيشي) فالموضوع هنا ليس موجه لك
لان مهما حد قالك ان دي احسن من دي برضه مش هتقتنع وهتشتري اللي انت بتحبها بغض
النظر عن المواصفات

ثانيا
انا مصمم على رايي
اساس المقارنة الحجم والسعر
واتفرج على اي مقارنة هتعرف ان هما الاساس
العربيتين متقاربين في الحجم والسعر
السياز فئة واحدة 123 والشارك الفئة الاولى 130
خليجي 134 وكيل
وفرق 7-10 لواحد بيشتري عربية زيرو كلام فاضي

ثالثا
فرق الهورس باور
يفرق بشكل كبير مع فئة الشباب فقط
علشان يتسابق ويغرز ... الخ والعربية بكامل حمولتها
(معاه اصحابه)
انما مع فئة رب الاسرة اللي بيدور على عربية
ليس امرا مهما لانه مش هيتسابق ولا هيغرز وهو
معاه اسرته

انما ممكن يعمل كده وهو لوحده


رابعا

اللي قاعدين يقولوا الياباني لا يعلى عليه

هو حد قال ان العربية صيني؟!!!!!!!!!!!!!!

العربية موديل من موديلات شركة سوزوكي اليابانية
وتصنع (تصنيع كامل مش تجميع) في مصنع سوزوكي في الهند اي نفس التقنيات والجودة
مع اختلاف ان العمالة هندية والمصنع في اليابان عمالة يابانية

وشركة كبيرة زي سوزوكي مش هتخاطر بسمعتها واكيد لما اخدت قرار
بانشاء مصنع في الهند كانت متاكدة ان المنتج اللي هيخرج منه هيبقى بنفس مواصفاتها وجودتها

واخيرا الشارك كبير الهة السيارات الذي تدافعون عنه باستماته
بتتصنع في عدة دول خارج اليابان وليس شرطا ان اللي بتيجي مصر دي
هى اللي متجمعة في اليابان وده شئ مش هتعرفه لان الوكيل او المستورد هو اللي
بيروح يعمل المخالصة الجمركية وبتتعمل بناء على منشأ السيارة ولو عرفت توصل للمخالصة
هيكون مكتوب فيها منشأ العربية
ايه بقى الدول اللي بتتجمع فيها ولا تتفاجا ان اولها الصين و نحو 40 دولة اوروبية وغيرهم
لا مجال لذكر اكثر من ذلك
يعني الوكيل ممكن يستورد العربية من تركيا زي ما وكيل التويوتا بيستورد التويوتا الكورولا من هناك ويستفيد بالتخفيضات
بتاعة اتفاقية الشراكة الاوروبية ويبيعهالك بسعر عالي على انها جاية من اليابان

طب مقولتوش ليه على التويوتا الكورولا التركي اللي مغرقة الشوارع دلوقتي لما نزلت
(((سيبك منها ياع عم دي تركي الياباني لا يعلى عليه )))

بصراحة قولت كل اللي نفسي فيه ، احيك بجد

المشاركة الأصلية كتبت بواسطة marwanragab

مبروك مقدما ياباشا وإن شاء الله ميظهرش اى مشاكل إن شاء الله

الله يبارك فيك .. متشكر جدا .. ربنا يسهل ان شاء الله

المشاركة الأصلية كتبت بواسطة hany a.moniem

http://www.nilemotors.net/nile/454701-1000.html

تجربة واحد هنا في المنتدى مع السياز
مفيش تفاصيل كتيرة بس بداية مبشرة اهي تطمن اللي حجزوا شوية و تخلي اللي بيفكروا يحجزوا زيي يقتربوا من اتخاذ القرار و ربنا يهدينا جميعا للي فيه الخير

انا بصراحة معجب جدا بهذه السيارة الجديدة ،
ومستغرب اذاي لحد دلوقتي مشفتش الجملة الشهيرة الي غالبنا بتكون مكتوبة في اي مقارنة يكون طرف فيها الشارك وهي ( الشارك فئة اعلى ) .

موضوع ان العربيه مش متجربه لسه ده عامل قلق

مش عارف الناس تاعبين نفسهم ليه
انا قلت دي مقارنة بين سوزوكي سياز الفئة الاولى (واللي مفيش غيرها)
وبين ميتسوبيشي الشارك (الفئة الاولى الفئة الاولى الفئة الاولى الفئة الاولى ) بس مش اي فئة تانية

لان واحد معرفتي كان محتار بين السياز 122.900 والفئة الاولى شارك ووقتها كانت 130-134 الف
دلوقتي الشارك فئة اولى خليجي وصلت 127 الف يعني الفرق اصبح 4 الاف فقط

وانا قلت افيد الكل بدل ما هو يستفيد لوحده
والقرار الاول والاخير ليه
زي ما هو القرار الاخير لكل واحد بيقرا المقارنة
انا مش بافرض حاجة على حد
عقلك في راسك بعد المقارنة تعرف خلاصك
انت تقدر تقول مين احسن من التانية في نفس الفئة السعرية وحجم السيارة

===============
واخيرا رايي الشخصي ان العربية دي هتنتشر انتشار الصني
وانا ذكرت الصني لانها تتبع نفس الوكيل وهى الوحيدة عنده
اللي عملت انتشار واضح وكسبت ثقة الشارع المصري
مش لانها نفس الحجم طبعا السياز اكبر بشكل واضح

وسعر اعادة بيعها ان شاء الله هيكون عالي زي سعر اعادة بيع الصني
لعدة اسباب
اولا سعرها و
ثانيا مواصفاتها
ثالثا توافر مراكز الصيانة لدى الوكيل
رابعا توافر حاليا العديد من مستوردي قطع الغيار المتخصصين
في السوزوكي بصفة عامة واللي اعتقد مش هيستنوا واكيد بدءوا يستوردوا قطع غيارها بعيدا عن الوكيل

يا ريت لو حد يقدر يوصل لاسعار قطع غيارها
من الوكيل يبقى هيعمل اضافة رائعة


شكرا على التفاعل مع الموضوع وانتظر منكم تفاعل اكثر لاثراء الموضوع
خالص تحياتي

سبحان الله وبحمده. سبحان الله العظيم

السياز بالمكانيات دي ولو مافيهاش عيوب هنتشر زي الصني ، اهم حاجة الاعتمادية دلوقتي والموتور ادائه ايه والعفشة وكدا