الموضوع: للمحتارين مقارنة بين سوزكي سياز ولانسر شارك

بصراحة مجهود رائع ، جزاك الله خيرا كثيرا وجعله في ميزان حسناتك .. ويبدو من مجرد الأرقام أن السياز سيارة جيدة إن شاء الله .. ولكن!! عندي تعليق بسيط بعد إذن حضراتكم جميعا:
أولا: المقارنة ليست عادلة تماما إلا على أساس السعر فقط .. لأنه ليس من المنطقي مقارنة سيارة في أعلى فئة لها بأخرى بأقل فئاتها ( وأضف على ذلك فرق السعر الذي يتجاوز - فعلا - ال 10 آلاف جنيها ) !!
ثانيا: الفرق في المواتير والعفشة واضح جدا لصالح الشارك، نحن نتكلم عن فئة أخرى يا سادة، ففرق الأحصنة وحده يتجاوز ال 25 حصانا !!
ثالثا: الشارك سيارة معروفة من 2008 للعالم كله ، كما أنها صناعة ياباني 100% وهذا وحده له وزنه ، وثمنه !!
الخلاصة أن السيارتين لا ينبغي مقارنتهما ببعضهما إلا - كم ذكرت وذكر غيري قبلي - على أساس السعر فقط لا غير .
والله أعلى وأعلم.

اولا
المقارنة معمولة للي محتار بين شراء السياز والشارك
واذا كنت انت من مريدين السوزوكي (التراس سوزوكي) او مريدين الميتسوبيشي (التراس ميتسوبيشي) فالموضوع هنا ليس موجه لك
لان مهما حد قالك ان دي احسن من دي برضه مش هتقتنع وهتشتري اللي انت بتحبها بغض
النظر عن المواصفات

ثانيا
انا مصمم على رايي
اساس المقارنة الحجم والسعر
واتفرج على اي مقارنة هتعرف ان هما الاساس
العربيتين متقاربين في الحجم والسعر
السياز فئة واحدة 123 والشارك الفئة الاولى 130
خليجي 134 وكيل
وفرق 7-10 لواحد بيشتري عربية زيرو كلام فاضي

ثالثا
فرق الهورس باور
يفرق بشكل كبير مع فئة الشباب فقط
علشان يتسابق ويغرز ... الخ والعربية بكامل حمولتها
(معاه اصحابه)
انما مع فئة رب الاسرة اللي بيدور على عربية
ليس امرا مهما لانه مش هيتسابق ولا هيغرز وهو
معاه اسرته

انما ممكن يعمل كده وهو لوحده


رابعا

اللي قاعدين يقولوا الياباني لا يعلى عليه

هو حد قال ان العربية صيني؟!!!!!!!!!!!!!!

العربية موديل من موديلات شركة سوزوكي اليابانية
وتصنع (تصنيع كامل مش تجميع) في مصنع سوزوكي في الهند اي نفس التقنيات والجودة
مع اختلاف ان العمالة هندية والمصنع في اليابان عمالة يابانية

وشركة كبيرة زي سوزوكي مش هتخاطر بسمعتها واكيد لما اخدت قرار
بانشاء مصنع في الهند كانت متاكدة ان المنتج اللي هيخرج منه هيبقى بنفس مواصفاتها وجودتها

واخيرا الشارك كبير الهة السيارات الذي تدافعون عنه باستماته
بتتصنع في عدة دول خارج اليابان وليس شرطا ان اللي بتيجي مصر دي
هى اللي متجمعة في اليابان وده شئ مش هتعرفه لان الوكيل او المستورد هو اللي
بيروح يعمل المخالصة الجمركية وبتتعمل بناء على منشأ السيارة ولو عرفت توصل للمخالصة
هيكون مكتوب فيها منشأ العربية
ايه بقى الدول اللي بتتجمع فيها ولا تتفاجا ان اولها الصين و نحو 40 دولة اوروبية وغيرهم
لا مجال لذكر اكثر من ذلك
يعني الوكيل ممكن يستورد العربية من تركيا زي ما وكيل التويوتا بيستورد التويوتا الكورولا من هناك ويستفيد بالتخفيضات
بتاعة اتفاقية الشراكة الاوروبية ويبيعهالك بسعر عالي على انها جاية من اليابان

طب مقولتوش ليه على التويوتا الكورولا التركي اللي مغرقة الشوارع دلوقتي لما نزلت
(((سيبك منها ياع عم دي تركي الياباني لا يعلى عليه )))