خدعة مسمار النمر الجديدة...بالصورة!

**ابو حسين** · 23-06-2009 05:37 PM

المشاركة الأصلية كتبت بواسطة evoo90

كوووووووووووووووووسه والدتى شغاله فى مرور التبين (نقل-اجره) كنت فى مره بجيبها من الشغل وواقف مستنى بقى بشوف العجب
شفت نقل شاسيه طويل حاطط النمره اللى قدام على التابلوه ومش حاطط حاجه ورا
وشفت واحد بيركب النمره الجديده ولقى النمره هتبقى مايله عشان المكان ضيق راح تانيها
وشفت تاكسى مركبها على جنب الاكصدام
وبلاوى كتييير
بحكى لوالدتى ماصدقتنيش وقالتلى ماينفعش كده طبعا ده يروح فى داهيه قلتها تحيا الكوسه
المفروض ان تركيب اللوحه بيتم جوه الوحده ومش خارجها ولا حتى قدامها فى الشارع والعربيات بتقف طابور وكل واحد نمرته فى ايده ومعاه اذن تركيب زى مابيقولوا وبعدين يستنى دوره لما يركب والعساكر اللى على الباب مايخرجوش حد الا لما يكون معاه اذن خروج باللوحات الجديده اللى بياخده من اللى بيركب النمر بعد مايخلص
بس على مين ده احنا المصريين ولا حاجه من دى بتتم خلوها على الله
انا عازم المنتدى كله على اكله كوسه انهارده هههه

**Drift_Lover** · 23-06-2009 06:16 PM

انا بقي فكيت النمر اللي قدام بسهولة بعد محاولات لفك الغطاء البلاستيك باءت بالفشل... بس جيت في يوميت لاقيت النمره بتخلخل قمت لافف المسامريت طلعوا في أيدي بالغطيان... الفكرة انك تضغط علي الغطاء وانت بتلف المسمار. لكن لو المسمار مربوط للآخر ومتحرق عليه بيتهيأ لي صعب يتفك.
لكن النمر الخلفيه ماحاولتش فيها.

**abzoabzo** · 28-06-2009 01:41 PM

هما بيحبوا الاشتغالات
اللى بيشكك فى ذكاء الاخرين
بيبقى اولهم فى الغباء

**Ahmed Nouh** · 28-06-2009 02:28 PM

واخيرا عرفت طريقه مجربه عمليا لفك النمر

المشكله كلها طبعا تكمن فى النقشه الغريبه بتاعت المسمار اللى مش هتلاقى مفك ليها

وبالاستعانه ببعض الخبرات من المرور و 5 جنيه شاى شوفت بعينى بيفكوها ازاى لأن طبعا مفيش غير بونطه واحده مع واحد بس اللى بيركب ويفك والكل عايز ياكل عيش فهما اخترعو طريقه يفكو بيها من غير الاحتياج للبونطه

هات مفك عاده بنفس مقاس نقشه المسمار وبعدين والكلبسه راكبه حط المفك على راس الكلبسه واخبطه بأيدك بحيث انه يكسر الكلبسه ويعدى للمسمار

الكلبسه كلها هتطبع على المسمار وهتعملك الحاجز بتاع الفك اللى انت عايزه فك المسمار هيتفك معاك عادى جدا

جربتها بنفسى وفكيت نمر واحد صاحبى بيها

وفى التركيب بقى العيال اللى بتركب النمر هيعرفو يجيبو لك كلبسات تركب مكان اللى اتكسرت