ما هي أفضل سيارة صينية ظهرت في السوق المصري العام المنقضي 2014 واثبتت جدارتها

**monamize4** · 09-01-2015 10:15 PM

اعتقد ان ال byd هى افضل عربية صينى حاليا ف مصر

**emam** · 11-01-2015 02:04 PM

من خلال تجربتى

1- شيرى
2- بى واى دى f3 الشكل القديم

**Hmatchy** · 18-01-2015 02:38 AM

طيب ما نعمل مقارنه سريعه كده فى السريع للعربيات اللى اعرفها
الام جى عربيه جميله خامتها حلوه وتصميمها جميل بس للاسف قطع غار صعب تلاقيها سعر غالى شويتين وكيل زى الزفت
البيرلليانس اقل فى الفخامه شويه من الام جى بس بردو اقل فى السعر بكتير شكلها جميل قطع غيار مش متوفره اوى بس مش زى الام جى وكيل غالى بس ملتزم بالعربيه مش زى وكيل ام جى
بى واى دى عربيه رخيصه وجميله بس مستوى الفخامه فى رائى ضايع خالص من الداخل بس قطع غيارها منتشره ورخيصه
الامجراند عربيه شكل جميل بس حاسس العجل بتاعها صغير عليها او منفخين الرفارف اوى مش عارف بس حاسسها فيها حاجه غلطت وبالنسبه من جوا طبعا مستوى اسواء و اسواء فى الخامات والتقفيل لكن بردو قطع غيار منتشره ورخيصه
الاسبرانزا عن نفسى مبعترفش فيها الا ب 113 غير كده عربيات اى كلام
شانجان انا شايفها ابتدت تنتشر بس معنديش معلومات كافيه او تجربه علشان احكم
وبردو جاك وشيرى معرفش عنهم حاجه
العربيات الصينى كلها تقريبا ثباتها حلو لانها كلها عريضه ووزنها تقيل نتيجه الصاج التقيل مقارنه بالكورى و بعض موديلات اليابانى وده كمان بينعكس على اداء الفرامل المرضى جدا للعربيات الصينى عموما
الخلاصه عاوز تبقى مميز ادفع
عاوز توفر اركب المنتشر
هتسمع لكلام الناس متركبش صينى اصلا
وفى النهايه اكيد هختار البريلليانس لانى مشوفتش حد باعها الا ورجع اشترى بريلليانس تانى او بروتون ولانى كمان لو قارنتها باللى فى سعرها مفيش حاجه هتعجبنى بدالها

**meddany** · 18-01-2015 02:59 AM

المشاركة الأصلية كتبت بواسطة Hmatchy

طيب ما نعمل مقارنه سريعه كده فى السريع للعربيات اللى اعرفها
الام جى عربيه جميله خامتها حلوه وتصميمها جميل بس للاسف قطع غار صعب تلاقيها سعر غالى شويتين وكيل زى الزفت
البيرلليانس اقل فى الفخامه شويه من الام جى بس بردو اقل فى السعر بكتير شكلها جميل قطع غيار مش متوفره اوى بس مش زى الام جى وكيل غالى بس ملتزم بالعربيه مش زى وكيل ام جى
بى واى دى عربيه رخيصه وجميله بس مستوى الفخامه فى رائى ضايع خالص من الداخل بس قطع غيارها منتشره ورخيصه
الامجراند عربيه شكل جميل بس حاسس العجل بتاعها صغير عليها او منفخين الرفارف اوى مش عارف بس حاسسها فيها حاجه غلطت وبالنسبه من جوا طبعا مستوى اسواء و اسواء فى الخامات والتقفيل لكن بردو قطع غيار منتشره ورخيصه
الاسبرانزا عن نفسى مبعترفش فيها الا ب 113 غير كده عربيات اى كلام
شانجان انا شايفها ابتدت تنتشر بس معنديش معلومات كافيه او تجربه علشان احكم
وبردو جاك وشيرى معرفش عنهم حاجه
العربيات الصينى كلها تقريبا ثباتها حلو لانها كلها عريضه ووزنها تقيل نتيجه الصاج التقيل مقارنه بالكورى و بعض موديلات اليابانى وده كمان بينعكس على اداء الفرامل المرضى جدا للعربيات الصينى عموما
الخلاصه عاوز تبقى مميز ادفع
عاوز توفر اركب المنتشر
هتسمع لكلام الناس متركبش صينى اصلا
وفى النهايه اكيد هختار البريلليانس لانى مشوفتش حد باعها الا ورجع اشترى بريلليانس تانى او بروتون ولانى كمان لو قارنتها باللى فى سعرها مفيش حاجه هتعجبنى بدالها

يه علاقه الوزن بثبات العربيه ؟؟؟ ثبات العربيه معتمد على نظام التعليق وكذا حاجة .. على كده بقي التريالات تبقي ثابته جدا .. ومع احترامي لكلامك حضرتك ازاى تقارن عربيه صيني ب ياباني او كوري !! يعني ازاى تقارن mg ب النترا او كروز او كورولا !!!!!! عموما العربيات الصيني موجوده فقط عشان اللى محتاج ومش معاه ولازم يخلي باله !

**Hmatchy** · 18-01-2015 03:31 AM

المشاركة الأصلية كتبت بواسطة meddany

ايه علاقه الوزن بثبات العربيه ؟؟؟ ثبات العربيه معتمد على نظام التعليق وكذا حاجة .. على كده بقي التريالات تبقي ثابته جدا .. ومع احترامي لكلامك حضرتك ازاى تقارن عربيه صيني ب ياباني او كوري !! يعني ازاى تقارن mg ب النترا او كروز او كورولا !!!!!! عموما العربيات الصيني موجوده فقط عشان اللى محتاج ومش معاه ولازم يخلي باله !

حضرتك الوزن ده من اهم عوامل الثبات ولو انت صممت تريلا بوزن عربيه ملاكى الهوا هيطيرها وهيا واقفه مكانها وممكن تجرب تخبط ترالا وانتوو الاتنين ماشين على سرعه 100 مثلا وشو ف مين هيفضل فى الحاره بتاعته ده اولا
ثانيا انت راكب النترا فا مينفعش تتكلم عن ثبات لانك راكب عربيه خفيفه جدا مقارنه باسواء عربيه صينى من حيث الثبات
وبردو مع احترامى لكلام حضرتك البريلليانس فى رايي احسن من عربيه يابانى زى الصنى الجديد فى الصاج و العفشه و الفرامل واحسن ميت مره من الافيو و الار بى وبلاش نقول النترا علشان متزعلش
ثالثا انا لا جبت سيره كروز ولا كرولا ولا النترا لان حاليا الكروز و الالنترا مينفعش يتحطو مع الكورولا الجديده باى شكل
وعموما بردو الهيونداى مفيهاش عربيات عدله الا سوناتا وانت طالع غير كده كلها عربيات تتحرك بيها جوا المدينه
وعلى فكره نف س الكلام اتقال على الكورى اول ما نزل مصر وده طبعا قبل ما يبقى عندك فكره ان كوريا الجنوبيه ابتدت تصنع عربيات
شكرا لردك على واحد من اللى محتاجين ومش معاهم

**bassem.naguib** · 18-01-2015 08:59 AM

المشاركة الأصلية كتبت بواسطة meddany

يه علاقه الوزن بثبات العربيه ؟؟؟ ثبات العربيه معتمد على نظام التعليق وكذا حاجة .. على كده بقي التريالات تبقي ثابته جدا .. ومع احترامي لكلامك حضرتك ازاى تقارن عربيه صيني ب ياباني او كوري !! يعني ازاى تقارن mg ب النترا او كروز او كورولا !!!!!! عموما العربيات الصيني موجوده فقط عشان اللى محتاج ومش معاه ولازم يخلي باله !

المشاركة الأصلية كتبت بواسطة Hmatchy

حضرتك الوزن ده من اهم عوامل الثبات ولو انت صممت تريلا بوزن عربيه ملاكى الهوا هيطيرها وهيا واقفه مكانها وممكن تجرب تخبط ترالا وانتوو الاتنين ماشين على سرعه 100 مثلا وشو ف مين هيفضل فى الحاره بتاعته ده اولا

بالراحة بس يا جماعة وبهدوء شوية .. مش عارفين ننام من صوت الزعيق

على فكرة وللتوضيح فقط ثبات أي عربية لا يتحدد بالوزن .. فأخف عربيات في العالم (عربيات السباق) هي أثبت عربيات .

طب حتقولي ازاي .. دي بقى قصة طويلة عريضة وبيحددها عوامل كتير زي توزيع الأوزان في العربية وارتفاعها عن الأرض والعفشة وو إلخ .

وللمزيد من التوضيح يرجى الإطلاع على الموضوع الشيق ده :

http://www.nilemotors.net/Nile/375709-a.html

الموضوع: ما هي أفضل سيارة صينية ظهرت في السوق المصري العام المنقضي 2014 واثبتت جدارتها

LinkBack

أدوات الموضوع

عرض

-

-

-

-

-

المواضيع المتشابهه

[رأيك مطلوب] أفضل عفشة في سيارات السوق المصري حالياً

رغم حداثتها, تويوتا ياريس 2014 تكتسح حصص السوق المصري منفردة في المركز الاول فئة 1300

نيسان جوك'' سيارة تدخل اهتمام السوق المصري

جميع موديلات كيا التي ظهرت في السوق المصري

اسعار السيارات في السوق المصري والتقييم لكل سيارة

الكلمات الدلالية لهذا الموضوع

المفضلات

المفضلات

ضوابط المشاركة