من وجهة نظرك الشخصية ... ما هي افضل سيارة صينية في السوق المصري خلال عام 2014 واثبتت كفاءتها مع ذكر الأسباب إن أمكن ؟!
* بي واي دي
* بريليانس
* جيلي امجراند
* أم جي
* اسبرانزا
* شيري
* جاك
* شانجان
* ماركات اخرى يرجى ذكرها .
من وجهة نظرك الشخصية ... ما هي افضل سيارة صينية في السوق المصري خلال عام 2014 واثبتت كفاءتها مع ذكر الأسباب إن أمكن ؟!
* بي واي دي
* بريليانس
* جيلي امجراند
* أم جي
* اسبرانزا
* شيري
* جاك
* شانجان
* ماركات اخرى يرجى ذكرها .
1 - بريليانس
2 - بي واى دى
مفيش حاجة في مصر كويسة بتثبت جدارتها ... شعب جاهل في العربيات
انا شايف ال mg انضف عربية صيني نزلت مصر وبعض العربيات من ماركات تانية
ياريت بس يا جماعه اللي يكتب نوع عربيه يكون جربه مش من السمعه بس
بصراحة البيريليانس و الام جي المفروض يتألشو من المقارنة لانهم فقدوا اهم ميزة في الصيني و هي السعر .....
مع مراعاة ان بالنسبة ليهم القيمة في مقابل السعر برضه العربيات مبتقولش بابا و ماما يعني ...و بالذات الام جي ...
اما بقي مين احسن و كده ؟؟؟!!! فكل عربية ليها و عليها
المنتشرة
واللي قطع غيارها بتركب من ماركات تانية
واللي واسعة
واللي ارخص
فهي معادلة ... بتسيب ايه و تاخد ايه ... وانت بتوزن المعادلة باللي يعجبك و حسب ظروفك ...
سلام الى الصين
من وجهة نظرى الشخصية اهم حاجتين فى العربية - توافر قطع الغيار+مراكز الخدمة والصيانة+السعرالمناسب الغير مبالغ فيه
لذلك ترتيب العربيات الصينى كالاتى
1- جيلى ايمجراند توكيل غبور
2- بى واى دى اكبر شركة صينية+تطوير مستمر
شكرا للصين
byd
ليا تعليق على الجزئية دي .. أي حاجة في الدنيا بمقابل .. علشان تاخد جودة في الخامات مثلاً أو الأوبشن يبقى لازم تدفع .
فيه عربيات صيني في جودتها تنافس السيارات الكورية واليابانية .. بس سعرها كام ؟! مهما كان سعرها غالي بالنسبة لكونها سيارة صينية فستظل أرخص من مثيلاتها اليابانية والكورية نظراً لعوامل كتير أهمها رخص الأيدي العاملة .
BYD أحسنهم و بريليانس cross برضه عاملة أداء و جيلي Emgrand عاملة أحسن مبيعات و كلها عربيات خردة لا تتماشي مع معايير الكفاءة الأوروبية
لوهاشتري
جيلي ايمجراند
ا وتيجو اوتو الجديده
أغلبية العربيات اللي حضرتك ذكرتها تم الاستعانة بمحركات شركات اخرى زي تويوتا و ميتسوبيشي عشان العربيات دي تعرف تمشي .
بالنسبة ل MG 5 و 350 و كمان 3 المحرك 1500 فهو من تصنيع ام جي ولو حضرتك حبيت تعرف عنه اكتر فهتلقيه بيوازي قوة ال 2000 cc وده مش من احساسي بس و لكن قرأت عنه اكتر من مرة وكان هو ده المكتوب ..
زي ما الاستاذ فليكس قال ان فعلا شعبنا جاهل في العربيات والراجل مغلطش .
عادي يعني شعب كان بيولف قطعة الغيار على ال 128 والقردة , و لما شاف الفيرنا اتهبل .
تخيلو يا حضرات ان العربية المعفنة دي بتتباع باكتر من 90 الف جنيه
Byd
byd
أعتقد إن الإسبرانزا الإنفي عربيه ممتازه بس عيبها إنتشارها ضعيف وكمان إنها بقت بتتجمع ف مصر لو كانت فضلت مستورده بسعرها 84000 ولا كان زودها خلاها ب 88000 حتى كانت إكتسحت .. غيرها أعتقد البي واي دي من يوم مانزلت وهيا مسمعه كويس .
سبيرانزاااااااااااااااااا اااااااااا
مقارنة صعبة والتفضيل بيكون حسب المقارنة المطروحة وكل عربية ليها وعليها وزي ما وضح ا/ هيما 82
الاسبرانزا والانفي لو حسبتها value for money قد ايه بتدفع وايه المقابلة هتلاقيها معقلوة مفيش عربية في مصر ب 77 او 80 وفيها الاوبشن دا . وبعدين موضوع الصيني دلوقتي مبقاش زي الاول العربيات الصيني في مصر ممكن من 2007 بدا يسمع والناس بدأت تقبل عليه ودا نفس الى حصل مع الكوري وخصوصا الدايو لو نرجع بالتاريخ شوية وازاي ابو الفتوح قدر يعمل للعربية اسم في مصر . وكان الي يشتري اللانوس الناس كانت تستغرب ازاي تدفع في كوري والعربية العجل حيفك منك وانتا مسافر وحوارات غربية نفس السيناريو الي بيحصل مع الصيني في اول ظهوره دلوقتي اللانوس بكام ! القديم ب 45 ؟؟ تقريبا يعني ماسكها سعرها ان لم تكاد اغلى . الشاهد ان مفيش توكيل في مصر كويس او عربية بيرفكت كل حاجة ليها مميزات وعيوب .
فيه حاجة تانية بقى الى هيا ثقافة مجتمع او محافظة معينة تلاقي في مكان العربية الفيرنا مسمعة وليها سعرها في حين لو نزلت بعتها في محافظة تانية هتبقى اغلى او ارخص يعني الناس تشوف الانتشار ( عربية حلو وحشة ماركة ) زي ما كان يقصد زميلنا بان الشعب جاهل تقريبا كان قصده في الحته دي وممكن مايكونش نوع من الجهل ممكن لو فكرنا باسلوب تاني الموضوع عملي بمعنى اشتري عربية زي الايمي بمشاكلها وسمعة توكيلها بس عربية مغرقه شوارع مصر وتوكيل له وزنه في البلد : )
وربنا ويوفق الجميع للاختيار الافضل . تحياتي .
قاعدة السوق : الصيت ولا الغنى .
اعتقد ان ال byd هى افضل عربية صينى حاليا ف مصر
برليانس v5
جوده - كماليات - قوه - واسعه-.......
تقدر تقول تعتبر احسن المعروض بس بالنسبه للسعر عالى شويه بس لو قارنته بالامكانيات حتلاقيه مناسب جدا لانها بتفرق كتير بين مثيلاتها فى الموديلات الاخرى
و هذا رائى الشخصى عن تجربه
و شكرا
من خلال تجربتى
1- شيرى
2- بى واى دى f3 الشكل القديم
طيب ما نعمل مقارنه سريعه كده فى السريع للعربيات اللى اعرفها
الام جى عربيه جميله خامتها حلوه وتصميمها جميل بس للاسف قطع غار صعب تلاقيها سعر غالى شويتين وكيل زى الزفت
البيرلليانس اقل فى الفخامه شويه من الام جى بس بردو اقل فى السعر بكتير شكلها جميل قطع غيار مش متوفره اوى بس مش زى الام جى وكيل غالى بس ملتزم بالعربيه مش زى وكيل ام جى
بى واى دى عربيه رخيصه وجميله بس مستوى الفخامه فى رائى ضايع خالص من الداخل بس قطع غيارها منتشره ورخيصه
الامجراند عربيه شكل جميل بس حاسس العجل بتاعها صغير عليها او منفخين الرفارف اوى مش عارف بس حاسسها فيها حاجه غلطت وبالنسبه من جوا طبعا مستوى اسواء و اسواء فى الخامات والتقفيل لكن بردو قطع غيار منتشره ورخيصه
الاسبرانزا عن نفسى مبعترفش فيها الا ب 113 غير كده عربيات اى كلام
شانجان انا شايفها ابتدت تنتشر بس معنديش معلومات كافيه او تجربه علشان احكم
وبردو جاك وشيرى معرفش عنهم حاجه
العربيات الصينى كلها تقريبا ثباتها حلو لانها كلها عريضه ووزنها تقيل نتيجه الصاج التقيل مقارنه بالكورى و بعض موديلات اليابانى وده كمان بينعكس على اداء الفرامل المرضى جدا للعربيات الصينى عموما
الخلاصه عاوز تبقى مميز ادفع
عاوز توفر اركب المنتشر
هتسمع لكلام الناس متركبش صينى اصلا
وفى النهايه اكيد هختار البريلليانس لانى مشوفتش حد باعها الا ورجع اشترى بريلليانس تانى او بروتون ولانى كمان لو قارنتها باللى فى سعرها مفيش حاجه هتعجبنى بدالها
ايه علاقه الوزن بثبات العربيه ؟؟؟ ثبات العربيه معتمد على نظام التعليق وكذا حاجة .. على كده بقي التريالات تبقي ثابته جدا .. ومع احترامي لكلامك حضرتك ازاى تقارن عربيه صيني ب ياباني او كوري !! يعني ازاى تقارن mg ب النترا او كروز او كورولا !!!!!! عموما العربيات الصيني موجوده فقط عشان اللى محتاج ومش معاه ولازم يخلي باله !
يه علاقه الوزن بثبات العربيه ؟؟؟ ثبات العربيه معتمد على نظام التعليق وكذا حاجة .. على كده بقي التريالات تبقي ثابته جدا .. ومع احترامي لكلامك حضرتك ازاى تقارن عربيه صيني ب ياباني او كوري !! يعني ازاى تقارن mg ب النترا او كروز او كورولا !!!!!! عموما العربيات الصيني موجوده فقط عشان اللى محتاج ومش معاه ولازم يخلي باله !
حضرتك الوزن ده من اهم عوامل الثبات ولو انت صممت تريلا بوزن عربيه ملاكى الهوا هيطيرها وهيا واقفه مكانها وممكن تجرب تخبط ترالا وانتوو الاتنين ماشين على سرعه 100 مثلا وشو ف مين هيفضل فى الحاره بتاعته ده اولا
ثانيا انت راكب النترا فا مينفعش تتكلم عن ثبات لانك راكب عربيه خفيفه جدا مقارنه باسواء عربيه صينى من حيث الثبات
وبردو مع احترامى لكلام حضرتك البريلليانس فى رايي احسن من عربيه يابانى زى الصنى الجديد فى الصاج و العفشه و الفرامل واحسن ميت مره من الافيو و الار بى وبلاش نقول النترا علشان متزعلش
ثالثا انا لا جبت سيره كروز ولا كرولا ولا النترا لان حاليا الكروز و الالنترا مينفعش يتحطو مع الكورولا الجديده باى شكل
وعموما بردو الهيونداى مفيهاش عربيات عدله الا سوناتا وانت طالع غير كده كلها عربيات تتحرك بيها جوا المدينه
وعلى فكره نف س الكلام اتقال على الكورى اول ما نزل مصر وده طبعا قبل ما يبقى عندك فكره ان كوريا الجنوبيه ابتدت تصنع عربيات
شكرا لردك على واحد من اللى محتاجين ومش معاهم
بالراحة بس يا جماعة وبهدوء شوية .. مش عارفين ننام من صوت الزعيق :fdsa:
على فكرة وللتوضيح فقط ثبات أي عربية لا يتحدد بالوزن .. فأخف عربيات في العالم (عربيات السباق) هي أثبت عربيات .
طب حتقولي ازاي .. دي بقى قصة طويلة عريضة وبيحددها عوامل كتير زي توزيع الأوزان في العربية وارتفاعها عن الأرض والعفشة وو إلخ .
وللمزيد من التوضيح يرجى الإطلاع على الموضوع الشيق ده :
http://www.nilemotors.net/Nile/375709-a.html
من عوامل ثبات السيارة الوزن و توزيعه لان فيه حاجة اسمها : mass moment of inertia زى ما فى حاجة اسمها area moment of inertia و ال inertia هى القصور الذاتى للجسم و المعادلة فيها الكتلة I = m*r2
و ال m هى الكتلة
و دا بيبان جدا عند الملفات... يعنى الكتلة عامل متغير اهو فى المعادلة
اما موضوع ان عربيات السباق خفيفة .. فالمقارنة هنا غلط خالص خالص. دى عربية بتكون معمولة لغرض محدد و بمواد خاصة بسمك خاص ..لعدد كيلومتر معين و لازم تكون خفيفة جدا لانها معمولة عشان شخص واحد ... كاوتش عريض جدا و خلوص للارض اقل... دى معايير اخرى تماماً
المهم.. دا كلام مالوش دعوة بالسيارة صينى و لا كورى و لا يابانى
اما موضوع ان التريلا وزنها تقيل و بالرغم من كدة مش ثابتة فدا بسبب AREA MOMENT OF INERTIA لان المساحة المقاومة للهواء سواء من الجوانب او الامام داخل فيها الارتفاع عامل مشترك: العرض فى الارتفاع او الطول فى الارتفاع
وكل ما زاد الارتفاع بتزيد ال INERTIA
تخيل الارتفاع بقة 50 متر السيارة هتنقلب فوراً و دا بسبب ان المساحة متغير فى المعادلة I= K2 * A
A هى المساحة المعرضة للمقاومة
هو ايه اللى بتقوله دا " العربيات الصيني موجوده فقط عشان اللى محتاج ومش معاه"
انت بتغيظ الناس عشان معاهومش فلوس فيشترى الصينى على قده
و لا انت عارف حالة الناس المادية و لا داخل عاوز تغيظ و تفرس غيرك... امال لو كان معاك بى ام دبليو كنت عملت ايه
ناس كتير معاها فلوس و بتشترى عربية 128
اسف بس الكلام محتاج اللى يرد عليه
انا كان معايا لوجان و جيبت صينى و هى احسن من اللوجان بالنسبة لى لاسباب معينة
اما اللى بيشترى عربية كورى زيادة عن اللى تستحقه ب 50 او 60 الف فدا مضحوك عليه و محروق و عاوز يثبت انها مختلفة باى شكل عشان مايندمش على اللى دفعه.:beatdeadhorse5:
احنا هنعمل زى الاطفال و نقول عربيتى احسن عربيتى احسن
ما علينا
فى رأييى ان ال BYD افضلهم و دا من السماع
بس عن تجربة العربية اللى معايا دلوقتى لا يعلى عليها
هو احنا ليه مبنعرفش نختلف في الأراء بشكل أفضل من كدة
س / ما هي أفضل سيارة صينية ظهرت في السوق المصري العام المنقضي 2014 واثبتت جدارتها؟
ج /
تتضح الاجابة على هذا السؤال في عدة محاور كما يلي :
1- من حيث نسبة المبيعات ( جيلي إيمي )
2- من حيث السمعة الطيبة ( بي واي دي )
3- في ضوء SUV ( التيجو )
4- من حيث الفخامة وروعة التصميم ( mg )
5- من حيث القيمة مقابل الفئة السعرية ( شنجهان )
ودمتم .. متاحبين .. متفاهمين .. متعاوينين..
تحياتي.
حلو التحليل دا
اولا شكرا لرد حضرتك .. ثانيا واضح ان حضرتك عندك قصور في بعض المعلومات بما يخص الثبات بخصوص الانترا .. الانترا مش ثابتا عشان نظام التعليق اللي فيها وعشان ارتفاعها من على الارض ده بغض النظر عن بعض الكلام المستفز اللى مش هحاول اتطرق للرد عليه بخصوص راكب ومش راكب - معأني كنت راكب النترا - كلام غير مسؤل برد فعل عصبي هتغاضي عنه .. ثانيا انا اللى قولته ان العربيات الصيني تمنها مش عالي وفي نفس الوقت بتدي الاحتياجات منها .. ف اظني مغلطش لما ان الصيني موجود عشان اللى معاهم ودي سياسه دوله كامله !! مش فاهم ايه الغلط في اللى قولته الصراحه .. اما بقي بخصوص الوزن هات اتقل عربيه في بلدك اللماني زي ابي ام مثلا واخبطها في تريله هتطير برده .. اما اداء الفرامل ف اثبت علميا ان العربيات الخفيفه اداء الفرامل فيها افضل من التقيله عشان العلاقه العكسيه بين الاكسليريت و الدي اكسليريت والكتله ومش فاهم انا لما تيجي تنتقد عربيه او صناعه الناس بتزعل ليه .. هي الصناعه دي حد في عيلتك وانا معرفش ؟؟!! اونت دخلتلي في عربيتك وحاولت تستفزني بنطقه زي دي زي مانت استفزيت بس الحقيقه انا مش متعصب خالص للموضوع ده .. لكل عربيه ولكل صناعه مميزتها وعيوبها اللى بناخد مميزتها وبنتفادي عيوبها .... يعني الانترا اللى حضرتك بتشتمها دي انا كانت معايا ومرتحتش في عربيه غيرها لغاية دلوقتى معاني ركبت كتير اخرها فولكس بس العربيه مريحه جدا وموفره في البنزين وشكل وبتاع والحاجات المعروفه اما الاداء ف فعلا عربيات كتير اوي قد تكون اثبت منها .. بس انا كنت بمشي بيها 160 والعربيا كانت جميله جدا معايا ف مكنتش مضايق منها الصراحهه اما الكرولا فانا مجربتهاش الحقيقه جربت الشكل القديم ومعجبنيش الصراحه اما العربيات الصيني فانا اخاف على نفسي الصراحه وياريت متاخدش الموضوع على صدرك ده مجرد رأيي
شكرا لزوق حضرتك في الرد بس انا مقصدتش اي حاجة من اللى حضرتك بتقولوا ده وانا مش راكب النترا ولا حاجة وبوضح لمره تانيه انها كانت معايا وبعتها اما بخصوص بقي حاله الناس ومش حاله الناس .. متودنيش لحته بعيد تماما عن كلامي .. ناس ايه اللى مستفزهم .. وما علينا من رأيك بتاع ال 50 و ال 60 اللف ف ده رأيك لا اكثر ولا اقل واحترمه كل واحد بيرتاح في عربيه وبيشوف نفسه فيها واقرا تعليقي السابق ياريت .. ثانيا يا جماعه ياريت الرد ييبقي بشكل راقي عن كده ومنتدخلش لاي اعتبارات اجتماعيه .. وبوضع مره تانيه كل اللى اقصده هو ان العربيات الصيني >> صيني يعني الواحد بيقلق وهو جايب موبيل صيني مابالك وهو حاطط روحه جوه عربيا صيني !!! مش فاهم بصراحه الناس زعلانه ليه
وياجماعه انا بتأسف جدا لأي حد الكومنت بتاعي ضايقه .. ياريت يكون بس اللى اقصده بقي واضح وشكرا
ممنوع إستخدام اللون الأحمر حيث أنه مخصص للمداخلات الإدارية
م ب 3
و لما انت طيب كدة ايه لزومه تضايق الناس
يا صديقى الكتابة غير المقابلة الشخصية
الكلام على منتدى مش بنشوف فيها قصدك على وجهك انما بنحكم على المكتوب لازم تاخد بالك من كدة
و مادمنا انزعجنا من كلماتك يبقى انت قولت اللى يضايق فعلا
احنا مش بننفعل بدون سبب
كونك تقول :عموما العربيات الصيني موجوده فقط عشان اللى محتاج ومش معاه
فدى معناه واحد مش معنيين ان اللى بيشتروا السيارة الصينى غلابة و فقراء و محتاجين و مش معاهم.. انا لا باخدك لحتة بعيدة و لا يحزنون
الكلام زى ماهو مكتوب يتفهم و انت كاتب كدة مش محتاجة تأويل
برر بقة زى ما تحب بس دا كلامك
اما عن العربيات الصينى و البضاعة الصينى انها تخوف
فانت قديم قوى
الكلام دا كان زمان
البضائع الصينى و على رأسها السيارات موجودة فى كل القارات
اما لو كانت بتيجى مصر ناقصة حاجات فدا شىء موجود فى كل السيارات
اما موضوع ان رأيى فى العربياة الالنترا انها زيادة عن تمنها بكتير فهذا ليس رأيى انا انما هذه هى الحقيقة و رأى الموزعين انفسهم .. دا لو حابب انك تعرف